Daguestán

Daguestán

Дагъистан Республика (av) Республика Дагестан (ru)
Bandeira Brasón
Himno	Himno de Daguestán (2016)
Localización
42°59′02″N 47°30′18″L
Estado	Rusia
Capital	Mahackala (pt)
Poboación
Poboación	3.232.224 (2024) (64,26 hab./km²)
Lingua oficial	lingua rusa Lingua agul Lingua avar Lingua azarí Lingua chechena Língua dargínica (pt) Língua kumyk (pt) Lingua lak Lingua lezguia Língua nogai (pt) Lingua rutul Lingua tabasaran Língua tsakhur (pt)
Xeografía
Parte de	Distrito Federal do Sur (2000–2010) Distrito Federal do Cáucaso Norte (pt) (2010–)
Superficie	50.300 km²
Comparte fronteira con	Kalmykia Krai de Stavropol Chechenia
Datos históricos
Precedido por	República Autónoma Socialista Soviética de Daguestán
Creación	1991
Organización política
• Presidente da República	Sergey Melikov (2021–)
Órgano lexislativo	People's Assembly of the Republic of Dagestan (en) , (Escano: 90)
Identificador descritivo
Fuso horario	Hora de Moscova UTC+03:00 Europa/Moscova
Prefixo telefónico	872
ISO 3166-2	RU-DA
Identificador OKTMO	82000000
Identificador OKATO	82
Páxina web	e-dag.ru

A República do Daguestán (en ruso: Республика Дагестан) é unha república da Federación Rusa. É a máis grande república de Rusia no norte do Cáucaso, en superficie e poboación.

Xeografía

A república está situada na cordilleira do Cáucaso Norte. É a parte máis ao sur de Rusia.

Limita ao norte con Kalmukia, ao sur con Acerbaixán, ao leste co mar Caspio, ao oeste con Chechenia e ao noroeste co Krai de Estavropol. O seu punto máis alto é o monte Bazardyuzi (4.466 m). A distancia máxima de norte a sur son 400 km, e de leste a oeste 200 km.

Hai máis de 1.800 ríos, destacando o Sulak, o Samur e mailo Terek Rubas. As costas do Daguestán exténdense sobre máis de 400 km ao longo do mar Caspio.

A maior parte do territorio da república é montañoso, coas grandes montañas caucásicas cubrindo o sur. O maior cumio é o pico de Bazardyuzi, de 4.466 m.

Recursos naturais

O solo do Daguestán é rico en petróleo, gas natural, carbón e outros.

Clima

O clima é caloroso e seco no verán, mais os invernos son fríos nas rexións montañosas. A temperatura media en xaneiro é de 2 °C, e en xullo de 30 °C. As precipitacións anuais medias son de 200 mm/m² nas chairas do norte e de 800 nas zonas montañas.

Demografía

O terreo montañoso dificulta as viaxes e comunicacións, o Daguestán ten unha diversidade étnica pouco común. Contrariamente ás outras partes da Rusia, a poboación do Daguestán medra, principalmente pola inmigración.

No ano 2002 tiña 2 576 531 habitantes. 1 102 577 (42,8 %) vivían en zonas urbanas, e 1 473 954 (57,2 %) en zonas rurais. 1 242 437 (48,2 %) eran homes e 1 334 094 (51,8 %) mulleres. A idade media era de 25,2 anos (25,1 nas zonas urbanas e 25,2 no rural; 24 anos os homes e 26,3 as mulleres). Había 570.036 fogares.

Grupos étnicos

No Daguestán conviven máis dunha ducia de grupos étnicos:

• Pobos Daguestanís: 80 %; comprenden:
  • Pobos do grupo lingüístico Daguestání:
    • Ávaros — aproximadamente 700.000
    • Darxins — aproximadamente 400.000
    • Lezguios — máis de 400.000
    • Tabasarans — aproximadamente 200.000
    • Rutuls — aproximadamente 30.000
    • Agul — aproximadamente 30.000
    • Tsakhuros — aproximadamente 10.000
  • Kumyks — máis de 200.000
  • laks — aproximadamente 140.000
  • Nogays — aproximadamente 35.000
• Azarís: 4.% aproximadamente 85.000
• rusos: 4 %, aproximadamente 85.000
• Chechenos: 3 %, aproximadamente 85.000
• Outros: 8 %:
  • Tatos — aproximadamente 2.000
  • Ucraínos — aproximadamente 2.000
  • Tatares — menos de 2.000
  • Osetios — menos de 1.000
  • Xudeus das montañas — probablemente menos de 5.000

Atópanse tamén pequenos grupos coma os Balkares (que viven principalmente en Kabardino-Balkaria), ou os Xinukhs, uns 200, membros dunha familia complexa de Caucasianos autóctonos — uns 40 grupos, comprendendo pobos pouco coñecidos coma os Akhwakhs, moitos deles concéntranse no Daguestán. A destacar tamén os laks que inmigraron despois dunha deportación na época soviética, e os Hunzibs ou pobo Khunzal que viven soamente en catro asentamentos do interior.

A lingua franca no Daguestán é o ruso, mais fálanse máis de trinta linguas.

Historia

O Daguestán converteuse nunha república da Federación de Rusia no 1991.

En 1999 un grupo de fundamentalistas musulmáns vindo de Chechenia, baixo o comando de Khamil Basaiev, así como apoios locais, lanzan unha insurrección no Daguestán. Iso provoca a decisión rusa de invadir Chechenia ese ano.

O célebre xefe musulmán Imam Khamil era un natural do Daguestán de etnia ávara.

Política

O xefe do goberno no Daguestán é o presidente. En 2004 o presidente era Magomadali Magomadovich Magomadov.

Economía

En 2000, o economía do Daguestán estaba baseada na agricultura (35 %), industria (24 %) e construción (26 %). O transporte e as comunicacións supuñan o 5 %. O comerzo e servizos o 9 %.

As industrias importantes inclúen a transformación dos produtos alimentarios, a produción de electricidade, a extracción do petróleo, a fabricación de maquinas e a química. As exportacións principais do Daguestán son o petróleo e mailos carburantes. Os produtos agrícolas importantes inclúen o peixe do mar Caspio, o viño e os licores, e varias frutas.

O Daguestán é a república menos urbanizada do Cáucaso.

Relixión

A maior parte da poboación do Daguestán é musulmá. Como na maior parte do Cáucaso, o islam nativo do Daguestán é da rama sufista desde hai séculos. Nestes últimos anos téñense notado tensións entre as escolas sufistas locais e os misioneiros wahabitas chegados á rexión.

Véxase tamén

Ligazóns externas

• Site web oficial do Daguestán Arquivado 12 de maio de 2011 en Wayback Machine. (en ruso).