Paul Arizin

Paul Arizin
Posición	Ala/Escolta
Dorsal	11
Altura	1,93 m (6 ft 4 in)
Peso oficial	86 kg (190 lb)
Nacemento	9 de abril de 1928 Filadelfia, Pensilvania
Morte	12 de decembro de 2006 (78 anos) Springfield, Pensilvania
Carreira
Universidade	Villanova
NBA Draft	1950 / Elección: Territorial Por Philadelphia Warriors
Tempadas	1950–1965
Equipo(s)
Philadelphia Warriors (1950–1962) Camden Bullets (1962-1965)
Estatísticas (NBA)
Puntos	16 266
Rebotes	6 129
Asistencias	1 665
Stats @ Basketball-Reference.com
Premios
1× Campión NBA (1956) 10× NBA All-Star Game (1951-1952, 1955-1962) 1× MVP NBA All-Star Game (1952) 3× 1º Equipo All-NBA (1952, 1956, 1957) 1× 2º Equipo All-NBA (1959)
Basketball Hall of Fame como xogador

Paul Joseph Arizin, nado o 9 de abril de 1928 en Filadelfia (Pensilvania) e finado o 12 de decembro de 2006 en Springfield (Pensilvania), foi un xogador de baloncesto profesional estadounidense que pasou a súa carreira enteira na National Basketball Association nos Philadelphia Warriors.

Traxectoria

Tras ser seleccionado polos Warriors coa súa primeira elección do Draft da NBA de 1950, Arizin acadou 17.2 puntos por partido na súa tempada coma rookie e foi nomeado Rookie do Ano da NBA, unha designación que aínda non fora aprobada pola NBA na tempada 1950-51. Foi o máximo anotador da liga nas tempadas 1951-52 e 1956-57, e se converteu nun dos mellores xogadores da liga nos anos 50. Non xogou nas tempadas 1952-53 e 1953-54 debido ó servizo militar na mariña estadounidense durante a guerra de Corea.

Liderou aos Warriors para conseguir o campionato na tempada 1955-56, onde formou unha gran parella con Neil Johnston. Xogou tamén co grande anotador Joe Fulks a comezos da súa carreira, e coas lendas de Philadelphia Tom Gola e Wilt Chamberlain cara ao final da súa carreira a comezos dos anos 60. Arizin preferiu retirarse da NBA antes que trasladarse cos Warriors a San Francisco.

Tras deixar a NBA, Arizin xogou tres tempadas na Eastern Professional Basketball League cos Camden Bullets, onde gañou o título en 1964.

Arizin xogou o NBA All-Star Game en 10 ocasións, e foi o MVP do partido de 1952. Foi elixido no primeiro equipo All-NBA en 1952, 1956 e 1957. Foi incluído no Basketball Hall of Fame en 1978. Finou á idade de 78 anos o 12 de decembro de 2006, en Springfield, Pensilvania.

Véxase tamén

Ligazóns externas

• Estatísticas de Paul Arizin Arquivado 09 de maio de 2012 en Wayback Machine.
• Paul Arizin na web do Hall of Fame