Willis Reed

Na Galipedia, a Wikipedia en galego.
Willis Reed
Posición Pivote
Dorsal 19
Altura 2,06 m (6 ft 9 in)
Peso 110 kg (240 lb)
Nacemento 25 de xuño de 1942 (71 anos)
Flag of Louisiana.svg Hico, Luisiana
Carreira
Tempadas 19641974
NBA Draft 1964 / Rolda: 2 / Elección: 10

Escollido por New York Knicks

Universidade Grambling State
Equipo(s)
Estatísticas (NBA)
Puntos     12 183
Rebotes     8 414
Asistencias     1 186
Stats @ Basketball-Reference.com
Premios
Basketball Hall of Fame como xogador
Adestrador

Willis Reed Jr., nado o 25 de xuño de 1942 en Bernice, Louisiana, é un antigo xogador de baloncesto estadounidense que desenvolveu a súa carreira a finais dos anos 60 e principios dos 70. Cos seus 2,09 m., comezou xogando de aleiro alto, na posición de 4, para pasar a ser un pivote nato. Destaca a súa traxectoria nos New York Knicks, posto que foi o único equipo no que militou nos seus dez anos como profesional.

Traxectoria deportiva[editar | editar a fonte]

Universidade[editar | editar a fonte]

Formado na pouco coñecida Universidade de Grambling, logrou unhas medias de 18,7 puntos e 15,2 rebotes, o cal lle permitiu ser All-American, é dicir, un dos mellores xogadores de toda a nación a nivel universitario, nos anos 1963 e 1964.

NBA[editar | editar a fonte]

Foi elixido na primeira posición da segunda rolda do Draft da NBA de 1964 polos New York Knicks, equipo no que desenvolvería toda a súa carreira profesional. No seu ano do debut foi elixido Rookie do Ano, cunhas extraordinarias estatísticas de máis de 19 puntos e 14 rebotes por encontro.

A súa mellor tempada, e pola que se lle lembrará sempre, foi a de 1969-70, na cal logrou o fito nunca antes alcanzado de ser considerado, nunha mesma tempada, MVP da tempada regular, do All-Star Game e das Finais, redondeando a mesma co anel de campión da NBA. Lograría un segundo título en 1973, cando xa as lesións estaban comezando a prexudicarlle. Retiraríase un ano máis tarde, con tan só 31 anos, disputando 650 partidos, e cunhas medias de 18,7 puntos e 12,9 rebotes por partido.

Equipos[editar | editar a fonte]

Adestrador[editar | editar a fonte]

Adestrou aos Knicks durante tempada e media, entre 1978 e 1979. De aí pasou a ser adestrador asistente da Universidade de St. John's en 1981, e adestrador titular na Universidade Creighton entre o 81 e o 85. Regresou de novo á liga profesional, facéndose cargo dos New Jersey Nets en 1987, levando ao equipo durante dúas tempadas.

Véxase tamén[editar | editar a fonte]

Ligazóns externas[editar | editar a fonte]