Illa da Rúa

Na Galipedia, a Wikipedia en galego.
Ría de Arousa

A Illa da Rúa é unha illa galega da provincia da Coruña, situada case no centro da Ría de Arousa, a 4 quilómetros ao Sueste do porto de Ribeira. É unha das illas máis illadas da Ría de Arousa, e unha das máis destacadas a pesar das súas escasas 4 hectáreas de superficie. É enteiramente rochosa, formada por grandes birlos de granito e de abordaxe difícil. Posúe un faro importante para o balizamento da ría, que é xemelgo do da Illa de Ons, construído polo mesmo arquitecto Rafael de la Cerda en 1864. A pesar do inhóspito da illa, estivo habitada por fareiros ata a automatización do faro.