Helmut Kohl

Na Galipedia, a Wikipedia en galego.
Helmut Kohl
Helmut Josef Michael Kohl
Chanceler de Alemaña
Período1 de outubro de 1982 - 27 de outubro de 1998
AntecesorHelmut Schmidt
SucesorGerhard Schröder
Datos persoais
Nacemento3 de abril de 1930
 Ludwigshafen
Falecemento16 de xuño de 2017
 Oggersheim
OrganizaciónCDU
PaiHans Kohl
NaiCäcilie Kohl
CónxuxeHannelore Renner (m. 2001)
Maike Richter (2008 - presente)
FillosWalter Kohl e Peter Kohl
Alma máterUniversidade de Frankfurt e Universidade de Heidelberg
Profesiónpolítico
RelixiónIgrexa católica
Na rede
http://www.helmut-kohl.de/
IMDB: nm0463216 Allocine: 36393
Musicbrainz: 6fcb3bdc-58fd-4110-878e-648e599ac9a2 Discogs: 434366 WikiTree: Kohl-338 Find a Grave: 180404668 Editar o valor em Wikidata
editar datos en Wikidata ]

Helmut Joseph Michael Kohl, nado o 3 de abril de 1930 e finado o 16 de xuño de 2017, foi un político e estadista alemán. Desempeñou o cargo de chanceler de Alemaña entre o 1 de outubro de 1982 e o 27 de outubro de 1998. Ata o 3 de outubro de 1990, data da unión das dúas Alemañas, foi só chanceler da República Federal de Alemaña, e a partir dese momento da Alemaña unida. Tamén dirixiu o partido Unión Demócrata Cristiá (CDU) entre 1973 e 1998. Morreu o 16 de xuño de 2017 aos 87 anos de idade.

Biografía[editar | editar a fonte]

Nacido en Ludwigshafen no seo dunha familia católica e conservadora, Kohl foi alistado na Wehrmacht (o exército regular da Alemaña nazi) e loitou, sendo aínda adolescente, no período final da segunda guerra mundial.

Estudou na Universidade de Heidelberg, onde se doutorou en Historia e Ciencia Política.

Casou con Hannelore Renner, á que coñeceu cando contaba apenas 15 anos, coa que tivo dous fillos. O 5 de xullo de 2001 Hannelore foi achada morta na súa casa en Ludwigshafen. Casou despois con Maike Richter, en 2008.

Carreira política[editar | editar a fonte]

Kohl incorporouse á CDU en 1947. En 1958 se doutorou en Historia cunha tese titulada O desenvolvemento político no Palatinado e o rexurdimento dos partidos logo de 1945. Entre 1969 e 1976 foi primeiro ministro do estado federado de Renania-Palatinado, pasando a continuación a ser membro do Parlamento federal como líder da oposición cristián-demócrata contra o goberno do socialdemócrata Helmut Schmidt. Foi candidato da CDU á chancelería nas eleccións federales de 1976, nas que se impuxo o SPD.

O 1 de outubro de 1982 Kohl sucedeu a Helmut Schmidt como chanceler a través dunha moción de confianza, na que o Partido Liberal de Alemaña (FDP), que ata ese momento apoiara aos socialdemócratas, cambiou de alianza e apoiou aos democristianos. Nos primeiros días do seu goberno, Kohl tivo que enfrontarse a unha dura oposición por parte dos socialdemócratas: os seus adversarios políticos referíanse a el a miúdo co alcume despectivo de "Birne" ('pera', en alemán), xa que a cabeza do chanceler representábase nas caricaturas da época con esa forma. Inicialmente Kohl ofreceu unha imaxe débil, pero pronto se viu que se trataba dun político decidido.

Kohl é o chanceler de Alemaña que durante máis tempo ocupou o cargo, exceptuando a Otto von Bismarck (que o foi durante 19 anos). O 27 de outubro de 1998 sucedeulle no posto Gerhard Schröder tras unha importante vitoria do SPD nas eleccións daquel ano.

Notas[editar | editar a fonte]


Predecesor:
Helmut Schmidt
 
Chanceler da República Federal Alemá
 
1982 - 1998
Sucesor:
Gerhard Schröder