Escudo de Alemaña

Na Galipedia, a Wikipedia en galego.
Escudo de Alemaña
Coat of arms of Germany.svg
Detalles
Armiger Alemaña
Adoptado 20 de xaneiro de 1950
Escudo Aguia de sabre en campo de ouro, armada, picada e lampasada de goles.

O escudo de armas de Alemaña ten a súa orixe en diferentes símbolos que se sucederon durante o Sacro Imperio Romano Xermánico, o cal, ao desintegrarse en 1806 como consecuencia das Guerras Napoleónicas, deixou sen escudo oficial aos estados alemáns que formaran parte do Imperio.

Durante o Imperio alemán que se estableceu en 1871, a aguia real volveu tomarse como símbolo, sendo modificado o seu deseño trala derrota alemá na Primeira Guerra Mundial e logo novamente nos anos 1930 tras instaurarse a Alemaña nazi.

A RFA estableceu o actual escudo en 1950. Este escudo foi deseñado en 1926 por Tobias Schwab reformando o escudo da República de Weimar. Nesa época chamábaselle o aguia de Weimar, pero cando a RFA adoptouno como símbolo pasou a coñecerse como o "aguia federal", nome que mantén ata hoxe en día.

A aguia federal (Bundesadler en alemán) figura, por exemplo, en moitos documentos oficiais, nos uniformes do exército, na fachada de edificios estatais, nas moedas e pasaportes, así como nas camisetas das federacións deportivas alemás. Ás veces tamén aparece na bandeira de Alemaña, aínda que non é o normal.

Escudos históricos[editar | editar a fonte]