Copa de Europa 1991-92

Trofeo acadado polo FC Barcelona trala súa primeira vitoria na máxima competición continental do fútbol europeo.

A edición 1991-92 da Copa de Europa de fútbol organizada pola UEFA foi a 37ª e derradeira na que se empregou ese nome. A partir da seguinte tempada esta competición comezou a chamarse Liga de Campións da UEFA, aínda que foi nesta edición e non na seguinte na que o formato pasou de ser totalmente de eliminatorias para ser en forma de grupos e liguillas. O torneo se disputou entre outubro de 1991 e maio de 1992, coa participación de 32 equipos, representando ás súas 32 federacións nacionais.

Nesta edición da Copa de Europa o FC Barcelona acadou a súa 3ª presencia nunha final da máxima competición europea de clubs, enfrontándose nela ó equipo italiano da UC Sampdoria de Xénova, no antigo Estadio de Wembley en Londres, rematando o encontro coa vitoria culé por un gol a cero, gol que marcou o defensa holandés Ronald Koeman de falta directa no minuto 111 do encontro.

Como dato de interese, a participación do Arsenal FC neste torneo supuxo a volta dos equipos ingleses ás competicións europeas despois da sanción de varios anos que lles impuxo a UEFA trala traxedia de Heysel.

Dezaseisavos de final

Equipo Local Ida	Resultado	Equipo Visitante Ida	Ida	Volta
Besiktas JK	2 - 3	PSV Eindhoven	1 - 1	1 - 2
R.S.C. Anderlecht	4 - 1	Grasshopper-Club	1 - 1	3 - 0
Fram Reykjavík	2 - 2(v)	Panathinaikos FC	2 - 2	0 - 0
IFK Göteborg	(v)1 - 1	KS Flamurtari	0 - 0	1 - 1
Budapest Honvéd FC	3 - 1	Dundalk FC	1 - 1	2 - 0
UC Sampdoria	7 - 1	Rosenborg BK	5 - 0	2 - 1
Estrela Vermella	8 - 0	Portadown F.C.	4 - 0	4 - 0
CS Universitatea Craiova	2 - 3	Apollon Limassol	2 - 0	0 - 3
HJK Helsinki	0 - 4	FC Dinamo de Kiev	0 - 1	0 - 3
Brøndby IF	4 - 2	Zaglebie Lubin	3 - 0	1 - 2
Hamrun Spartans	0 - 10	SL Benfica	0 - 6	0 - 4
Arsenal FC	6 - 2	FK Austria Viena	6 - 1	0 - 1
FC Barcelona	3 - 1	FC Hansa Rostock	3 - 0	0 - 1
FC Kaiserslautern	3 - 1	FC Etar	2 - 0	1 - 1
US Luxembourg	0 - 10	Olympique de Marseille	0 - 5	0 - 5
AC Sparta Praha	(v)2 - 2	Glasgow Rangers	1 - 0	1 - 2

Oitavos de final

Equipo Local Ida	Resultado	Equipo Visitante Ida	Ida	Volta
PSV Eindhoven	0 - 2	R.S.C. Anderlecht	0 - 0	0 - 2
Panathinaikos FC	4 - 2	IFK Göteborg	2 - 0	2 - 2
Budapest Honvéd FC	3 - 4	UC Sampdoria	2 - 1	1 - 3
Estrela Vermella	5 - 1	Apollon Limassol	3 - 1	2 - 0
FC Dinamo de Kiev	2 - 1	Brøndby IF	1 - 1	1 - 0
SL Benfica	4 - 2	Arsenal FC	1 - 1	(pr)3 - 1
FC Barcelona	(v)3 - 3	FC Kaiserslautern	2 - 0	1 - 3
Olympique de Marseille	4 - 4(v)	AC Sparta Praha	3 - 2	1 - 2

Grupos de cuartos de final

Grupo A

Equipo	Pts	PX	PG	PE	PP	GF	GC	Dif
1. UC Sampdoria	8	6	3	2	1	10	5	+5
2. Estrela Vermella	6	6	3	0	3	9	10	-1
3. RSC Anderlecht	6	6	2	2	2	8	9	-1
4. Panathinaikos FC	4	6	0	4	2	1	4	-3

Xor.	Data	Estadio	Local	Visitante	Resultado
1	27 de novembro	Constant Vanden Stock	RSC Anderlecht	Panathinaikos	0-0
1	27 de novembro	Luigi Ferraris	UC Sampdoria	Estrela Vermella	2–0
2	11 de decembro	Apostolos Nikolaidis	Panathinaikos	UC Sampdoria	0-0
2	12 de decembro	Stadion Ülloi Út	Estrela Vermella	RSC Anderlecht	3–2
3	4 de marzo	Constant Vanden Stock	RSC Anderlecht	UC Sampdoria	3–2
3	4 de marzo	Apostolos Nikolaidis	Panathinaikos	Estrela Vermella	0-2
4	18 de marzo	Luigi Ferraris	UC Sampdoria	RSC Anderlecht	2-0
4	18 de marzo	Balgarska Armiya	Estrela Vermella	Panathinaikos	1-0
5	1 de abril	Apostolos Nikolaidis	Panathinaikos	RSC Anderlecht	0–0
5	1 de abril	Balgarska Armiya	Estrela Vermella	UC Sampdoria	1-3
6	15 de abril	Constant Vanden Stock	RSC Anderlecht	Estrela Vermella	3-2
6	15 de abril	Luigi Ferraris	UC Sampdoria	Panathinaikos	1-1

Grupo B

Equipo	Pts	PX	PG	PE	PP	GF	GC	Dif
1. FC Barcelona	9	6	4	1	1	10	4	+6
2. AC Sparta Praga	6	6	2	2	2	7	7	0
3. SL Benfica	5	6	1	3	2	8	5	+3
4. Dinamo de Kiev	4	6	2	0	4	3	12	-9

Xor.	Data	Estadio	Local	Visitante	Resultado
1	27 de novembro	Lobanovsky Stadium	Dinamo Kiev	SL Benfica	1-0
1	27 de novembro	Camp Nou	FC Barcelona	AC Sparta Praha	3–2
2	11 de decembro	Estádio da Luz	SL Benfica	FC Barcelona	0-0
2	11 de decembro	Letná Stadium	AC Sparta Praha	Dinamo Kiev	2–1
3	4 de marzo	Lobanovsky Stadium	Dinamo Kiev	FC Barcelona	0–2
3	4 de marzo	Estádio da Luz	SL Benfica	AC Sparta Praha	1-1
4	18 de marzo	Camp Nou	FC Barcelona	Dinamo Kiev	3-0
4	18 de marzo	Letná Stadium	AC Sparta Praha	SL Benfica	1-1
5	1 de abril	Estádio da Luz	SL Benfica	Dinamo Kiev	5–0
5	1 de abril	Letná Stadium	AC Sparta Praha	FC Barcelona	1-0
6	15 de abril	Lobanovsky Stadium	Dinamo Kiev	AC Sparta Praha	1-0
6	15 de abril	Camp Nou	FC Barcelona	SL Benfica	2-1

Final

Final

Competición	Copa de Europa
Tempada	1991-92
Estadio	Estadio de Wembley (Londres)
Capacidade	70.827
Campión	Fútbol Club Barcelona
Finalista	UC Sampdoria
Resultado	1 - 0
Campión Finalista

A final da Copa de Europa na súa edición 1991-92 disputouse o 20 de maio de 1992 no antigo Estadio de Wembley, ao cal acudiron 70.827 persoas. Era a 5ª vez que este recinto acollía este evento, tralas finais dos anos 1963, 1968, 1971 e 1978.

Antigo estadio de Wembley.

A esta final chegaron o FC Barcelona e o UC Sampdoria. O conxunto catalán chegaba á súa 3ª final, en tanto que o equipo italiano debutaba nunha máxima final continental. Non obstante, nin uns nin outros tiñan este trofeo no seu palmarés, de xeito que nesta final nacería un campión inédito.

Os adestradores dos dous equipos tiñan unha experiencia desigual. Johan Cruyff, adestrador do FC Barcelona, xa gañara a Copa de Europa 3 veces como xogador do Ajax de Amsterdam en 1971, 1972 e 1973, e como adestrador tiña no seu palmarés as Recopas de Europa dos anos 1987 (adestrando ó Ajax de Amsterdam) e 1989 (adestrando ó FC Barcelona). Pola súa banda, Vujadin Boskov, adestrador da UC Sampdoria, viña de perder a final da Copa de Europa de 1981 como adestrador do Real Madrid, e a final da Recopa de Europa en 1989 precisamente fronte ó FC Barcelona de Johan Cruyff.

O elexido para arbitrar esta final da Copa de Europa foi o alemán Aron Schmidhuber.

O FC Barcelona chegaba á final despois de eliminar ao equipo xermano oriental do Hansa Rostock en dezaseisavos de final, ao FC Kaiserslautern en oitavos de final, e de superar a Sparta Praga, SL Benfica e Dinamo Kiev no Grupo B. Pola súa banda, a UC Sampdoria eliminou ao Rosenborg BK noruegués en dezaseisavos de final, ao Honved FC húngaro en oitavos de final, e superou a Estrela Vermella, RSC Anderlecht e Panathinaikos FC no Grupo A.

O encontro non foi dominado por ningún dos dous equipos, e chegou ó minuto 90 con táboas no marcador, 0-0. No minuto 111 Eusebio Sacristán recibiu unha falta preto da área italiana. O xogador holandés Ronald Koeman lanzou a falta con forza e o balón entrou polo pau do gardamallas. O encontro rematou co resultado final de FC Barcelona 1 - 0 UC Sampdoria.

Con esta vitoria o FC Barcelona acadou a 1ª Copa de Europa da súa historia. Co paso dos anos, aquel equipo foi chamado o Dream Team.

Máximos goleadores

Xogador	Equipo	Goles
Hristo Stoichkov	FC Barcelona	4
César Gonçalves Brito	SL Benfica	4
Darko Pancev	Estrela Vermella	4

A UEFA considera os goles que foron marcados a partir da primeira fase de grupos, e non os das fases anteriores.

Véxase Tamén

Outros artigos

• Liga de Campións da UEFA
• UEFA
• FC Barcelona
• UC Sampdoria

Ligazóns externas

• UEFA Champions League, sitio web oficial (en inglés)
• Artigo publicado en Marca.com recordando a final de 1992. (en castelán)