Bembibre, León
- Para outras páxinas con títulos homónimos véxase: Bembibre.
Bembibre é unha localidade e municipio da comarca do Bierzo, na provincia de León, comunidade autónoma de Castela e León, en España. Ten unha poboación de 10.136 habitantes, repartidos en 5.041 homes e 5.095 mulleres. O centro urbano de Bembibre, excluíndo ás pedanías ten unha poboación de 9.040 habitantes, repartidos en 4.498 homes e 4.542 mulleres.
Índice |
[editar] Pedanías
O Concello atópase na localidade de Bembibre, e é a segunda poboación máis importante da comarca do Bierzo, grazas sobre todo á actividade mineira (carbón e ferro).
- Bembibre
- San Román de Bembibre
- Losada
- Arlanza
- Viñales
- Santibáñez del Toral
- San Esteban del Toral
- Rodanillo
- Labaniego
[editar] Historia
Capital da comarca do Val do Boeza, descubríronse "castros" en toda esta zona, o que demostra que o home habitou estas terras de antigo, aínda que houbo unha repoboación entre os séculos IX e XI orixe das actuais poboacións. A repoboación estivo ligada coa igrexa e a construción dos distintos mosteiros bercianos. O rei leonés Afonso IX impulsou a importancia da vila. O val do río Noceda formou parte do Señorío de Bembibre.
[editar] Etimología
O nome procede do prerromano Paemeiobris 'o oppidum entre ríos', que foi rebautizada como Interamnium Flavium polos romanos. Os seus habitantes no 15 aC. aparecen como castellani paemeiobrigenses ex xente susarrorum no Bronce de Bembibre recentemente achado na zona. "Benevivere" 'ben vivir', é unha etimología medieval sen fundamento, lugar de bo vivir. Enrique Gil e Carrasco na súa novela O Señor de Bembibre, fala de "a frondosa ribeira de Bembibre", como un dos lugares privilexiados do Bierzo.
[editar] Demografía
| 1996 | 1998 | 1999 | 2000 | 2001 | 2002 | 2003 | 2004 | 2005 | 2006 | 2007 | 2008 |
|---|---|---|---|---|---|---|---|---|---|---|---|
| 11.104 | 11.063 | 11.050 | 10.734 | 10.463 | 10.486 | 10.217 | 9.989 | 10.059 | 10.092 | 10.053 | 10.136 |
| 2000 | 2001 | 2002 | 2003 | 2004 | 2005 | 2006 | 2007 | 2008 |
|---|---|---|---|---|---|---|---|---|
| 9.587 | 9.348 | 9.394 | 9.139 | 8.924 | 8.980 | 9.019 | 8.977 | 9.040 |
[editar] Patrimonio e lugares de interese
- Igrexa Parroquial de San Pedro, de orixe romano
- Santuario (século XIX), onde se garda a imaxe do Ecce Homo, patrón do Bierzo Alto.
- Museo Etnológico Municipal.
- Igrexa Parroquial de San Esteban do Toral.
- Casa Solariega da Familia Rodriguez.
- Parque solar de interese didáctico.
- O seu termo municipal está cuberto de piñeiros de repoboación, castañeiros, carballos e chopos nas beiras dos ríos.
[editar] Folclore e costumes
No mes de febreiro organízase a famosa Festa do Botelo. É unha gran comida onde se consomen máis de 1.000 botelos. De toda España acoden personaxes famosos das artes, as letras e a política. A Festa está declara de Interese Rexional. E no ultimo festival o celebrado no 2009 leste alcanzo o de interes nacional. En xuño ten lugar a Feira do Mercado Medieval.
A mediados de setembro a cidade celebra as súas Festas Patronais, coñecidas como as do Cristo. O seu Santuario e a imaxe do Ecce Homo son moi queridos na zona. Pero é a finais de xuño e cada sete anos, cando se celebra a gran festa. A imaxe do Santo deixa o Santuario e diríxese en procesión escoltado por impresionantes pendóns ata a Igrexa Parroquial de San Pedro, onde permanece nove días. Durante este tempo a Confraría do Santo Ecce Homo paga unha pensión.
A tradición di que un ano, sen determinar, a xente sacou ao Ecce Homo do Santuario en procesión para que chovese. Cousa que ocorreu e desde entón as xentes do Bierzo Alto honran ao Santo sacándoo en procesión cada 7 anos. A próxima vez será o ano 2015.
Na pedanía de San Román de Bembibre festéxase a festa do Carmen (16 de xullo), sendo tradición tomar sidra nos seus bares e mesóns.
[editar] Gastronomía
O municipio forma parte da zona de produción de seis produtos que sobresaen pola súa calidade: o viño, a mazá reineta, o pemento, o botelo, a chacina e a pera.
