A Veiga de Espiñareda

Na Galipedia, a Wikipedia en galego.
A Veiga de Espiñareda
Bandeira de A Veiga de Espiñareda Escudo de A Veiga de Espiñareda
Monasterio de San Andrés de Vega de Espinareda (422509303).jpg
Monsteiro de S. Andrés.
Xeografía
Provincia Provincia de León
Comarca Bierzo
Poboación 2.419 hab. (2012)
Área 132,01 km²
Densidade 18,32 hab./km²
Capital do concello
Política (2011)
Alcalde Santiago Rodríguez García (PSOE)
Concelleiros PP:
PSOE:
Outros:
Uso do galego[1] ()
Galegofalantes  %

A Veiga de Espiñareda (en castelán e oficialmente: Vega de Espinareda) é un concello da comarca do Bierzo (provincia de León, comunidade autónoma de Castela e León que cobre unha superficie de 132,01 km², na que vivían 2.419 habitantes no ano 2012, cunha densidade de poboación de 18,32 h/km². Este concello é bilingüe, as parroquias que fican á esquerda do rio Cúa son galegofalantes, mentres os demais falan unha fala de transición entre o leonés e o galego, pero con maior influencia leonesa. Á única excepción nesa marxe do río é a Val de Finolledo que é galegofalante [2].

Historia[editar | editar a fonte]

O actual concello é o herdeiro do señorío da abadía de San Andrés de Espiñareda; este mosteiro, moi reformado, aínda se conserva. Os habitantes do lugar da Veiga da Espiñareda van xurdindo segundo evoluciona a vida monástica, fornecendo vasalos e criados para a súa manutención. O 3 de setembro de 1336, o Abade Fernando dá carta de poboación a 25 veciños, e aos que veñan morar á vila da Veiga, concedéndolles as súas propiedades dende Finolledo ata Sésamo, os montes de Oceiru e outros termos, a cambio de obrigas, pagamentos e impostos. O Abade comprométese a avogar ante o rei de todos os privilexios concedidos[3].

A vila de Veiga de Espiñareda está situada no norte da bisbarra do Bierzo (León - España), a 25 quilómetros de Ponferrada, capital e centro administrativo, xudicial e económico da bisbarra antes citada.

Trala agregación dos concellos de Burbia (no século XIX) e máis recentemente (en 1974), do Val de Finolledo, A Veiga de Espiñareda converteuse no concello máis extenso da zona, pois o seu termo se estende por 132,6 km² con 2.538 habitantes.

A capital e cabeceira do concello é A Veiga de Espiñareda que ten 1.577 habitantes. E tras ela: Sésamo, con 328; Val de Finolledo con 217; San Pedro de Oleiros, con 128; El Espín, con 89; Burbia, con 68; San Martín de Moreda, con 53; Moreda, con 43; Espinareda de Veiga, con 19; Vilar de Outeiro, con 7; Penoselo, con 5; A Bustarga, con 4; e As Salgueiras, (despoboado). Todos eles conforman este amplo concello e a gran maioría destes lugares son ideais para o descanso, a práctica de deportes e a contemplación da beleza das súas paraxes.

Parroquias[editar | editar a fonte]

  • Burbia
  • A Bustarga
  • El Espín
  • Espinareda de Veiga
  • Moreda
  • Penoselo
  • As Salgueiras
  • San Pedro de Oleiros
  • San Martín de Moredas
  • Sésamo
  • Val de Finolledo
  • A Veiga de Espiñareda
  • Vilar de Outeiro

Notas[editar | editar a fonte]

  1. Datos de 2001 publicados en 2004.
  2. http://usuarios.multimania.es/aureano/concellos/bierzo/veiga_espinhareda.htm
  3. Fuente: Alvarez Garnelo, Serafín (2002)Genealogía de EspinaredaPonferrada, Serafín Alvarez Garnelo.
Concellos galegofalantes | provincia de León : O Bierzo

Barxas | Borrés | Cacabelos | Candín | Carucedo | Carracedelo | Corullón | Oencia | Ponte de Domingos Flórez | Sobrado | Toural dos Vaos | Trabadelo | Valboa | A Veiga de Valcarce | Vilafranca do Bierzo

Concellos parcialmente galegofalantes
Arganza | Benuza | Camponaraia | Fabeiro | Peranzais | Ponferrada | Priaranza | A Veiga de Espiñareda