Bandeira de Islandia

Na Galipedia, a Wikipedia en galego.
Bandeira de Islandia
Bandeira de Islandia
Uso
FIAV 100100.svgFIAV normal.png
Proporción 18:25
Adopción 1944
Cores      Azul     Branco     Vermello

A bandeira de Islandia (en islandés: Íslenski fáninn) componse dun fondo de cor azul escuro cunha cruz (escandinava) vermella con bordos brancos. Posúe unhas dimensións de 18:25. É emblema do país nórdico dende a súa independencia o 17 de xuño de 1944.

Deseño[editar | editar a fonte]

A bandeira de Islandia segue o deseño das bandeiras dinamarquesa, sueca e norueguesa nas que tamén aparece a cruz con montante desprazado cara ao bordo máis próximo ao mastro (cruz escandinava). A bandeira islandesa é en especial idéntica á bandeira norueguesa que contén as mesmas cores pero invertidas. Recentemente o goberno de Islandia considerou a emisión de especificacións de cor nos coñecidos sistemas Pantone e CMYK. Porén, non foi feita ningunha acción oficial, polo que son solo propostas non oficiais.

Proposta
Esquema Azul Branco Vermello
Pantone 287 (aprox. #0048E0) 1c (aprox. #FFFFFF) I1795 (aprox. #FF0F00)
CMYK 100, 69, 0, 11.5 0, 0, 0, 0 0, 94, 100, 0

Historia[editar | editar a fonte]

Einar Benediktsson deseñou unha bandeira de cor azul na que aparecía unha cruz branca, denominada Hvítbláinn ("azul branco") que foi empregada por primeira vez en 1897. En 1912 o goberno dinamarqués prohibiu o uso da primeira versión da bandeira islandesa durante a celebración dos xogos olímpicos en Estocolmo.

A versión actual da bandeira remóntase a 1915, cando as autoridades dinamarquesas obrigaron a que se incorporase unha cruz de cor vermella no deseño orixinal de Einar Benediktsson para que puidese ser izada, aínda que se prohibiu o seu uso máis aló das augas xurisdicionais islandesas. O 1 de decembro de 1918 o goberno dinamarqués permitiu o uso no mar da bandeira islandesa.

Bandeiras islandesas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]