Thomas Müller

Na Galipedia, a Wikipedia en galego.
Saltar para a navegação Saltar para a pesquisa
Thomas Müller
Thomas Müller
Información persoal
Nome completoThomas Müller
Nacemento13 de setembro de 1989 (28 anos)
LugarWeilheim, Alemaña do Oeste
Altura1,86 metros
PosiciónMedio ofensivo / Dianteiro
Información de club
Club actualBayern München
Número25
Carreira xuvenil
1993–2000TSV Pähl
2000–2007Bayern München
Carreira sénior
AnosEquiposAprs(Gls)
2007–2009Bayern München II35(16)
2008–Bayern München116(39)
Selección nacional
2004–2005Alemaña S-166(4)
2007Alemaña S-191(0)
2008Alemaña S-201(1)
2009–2010Alemaña S-216(1)
2010–Alemaña19(7)
* Partidos e goles só en liga doméstica.
† Aparicións (Goles)
‡ Actualizado a 18 de agosto de 2011.

Thomas Müller, nado o 13 de setembro de 1989 en Weilheim in Oberbayern, Baviera é un xogador profesional de fútbol internacional alemán que actualmente xoga para o Bayern München da 1. Bundesliga, a máxima categoría do fútbol en Alemaña. Pode desempeñarse en multitude de posicións, como volante ofensivo, segundo dianteiro ou extremo. Ten sido eloxiado polo seu ritmo, técnica e compostura, amosando consistencia tanto na anotación como na creación de goles.

Produto da canteira do Bayern München, debutou co primeiro equipo da man do adestrador Louis van Gaal durante a tempada 2009-20, pasando a xogar case tódolos partidos nos que conseguiou tanto a liga como a copa de Alemaña, ademais de ser finalista da Liga de Campións. Isto valeulle a súa convocatoria coa selección alemá que participou no Mundial de Suráfrica de 2010 onde marcou cinco goles en seis partidos, acabando a súa selección no terceiro lugar. Müller foi nomeado mellor xogador novo, sendo ademais o máximo goleador do torneo polo que recibiu a Bota de Ouro.

Traxectoria[editar | editar a fonte]

Müller incorporouse á disciplina do Bayern de Múnic no 2000 con soamente 10 anos de idade. Debutou co equipo filial en marzo de 2008 nun partido contra o SpVgg Unterhaching. Anotou no devandito encontro, e interveu en dúas ocasións máis na tempada 2007-08 antes de ser descartado por unha lesión.

A pesar de que debutou no primeiro equipo bávaro durante a tempada 2008-2009, foi na 2009-2010 cando apareceu con máis notoriedade, ocupando un posto fixo na dianteira do club muniqués grazas ás lesións dos seus compañeiros. O seu debut na Liga de Campións da UEFA tivo lugar o 10 de marzo de 2009, no partido entre o Bayern de Múnic e o Sporting de Portugal, substituíndo aos 72 minutos a Bastian Schweinsteiger. Müller anotou no minuto 90 o 7 a 1 definitivo.

Clubs[editar | editar a fonte]

Club País Ano Partidos Goles
FC Bayern München II Alemaña Alemaña 2008-2009 35 16
FC Bayern München Alemaña Alemaña Dende 2009 38 13

Estatísticas[editar | editar a fonte]

Club Tempada Bundesliga Copa Champions League Total
Partidos Goles Partidos Goles Partidos Goles Partidos Goles
Bayern München 2008/2009 4 0 0 0 1 1 5 1
2009/2010 34 13 5 4 11 2 50 19
Total 38 13 5 4 12 3 55 20

Selección nacional[editar | editar a fonte]

Müller foi convocado por Joachim Löw para un amigable contra Chile en novembro de 2009; finalmente devandito encontro tívose que suspender polo falecemento de Robert Enke. Tras esa chamada, Müller volveu ao seleccionado sub-21 para axudarlles nas clasificatorias da Eurocopa Sub-21 de 2011. Finalmente, debutou coa selección absoluta en xaneiro de 2010, nun encontro que enfrontou á Mannschaft con Arxentina.

Foi convocado para representar ao seu país na Copa Mundial de Fútbol de 2010 de Suráfrica a pesar de xogar até ese intre só dous partidos co combinado alemán. Nos oitavos de final desa competición marcou contra Inglaterra o seu primeiro dobrete e foi elixido mellor xogador do partido. En cuartos de final contra Arxentina marcou de cabeza o primeiro gol do seu equipo, aínda que recibiu un cartón amarelo que lle impediu xogar as semifinais. Trala eliminación de Alemaña en semifinais contra España, Müller volvería xogar para a súa selección no partido polo terceiro posto marcando novamente un gol ante Uruguai. Desta maneira, Thomas Müller converteu 5 goles en 5 encontros disputados, converténdose no máximo goleador da Copa do Mundo, do mesmo xeito que o uruguaio Diego Forlán, o neerlandés Wesley Sneijder e o español David Villa. Polo seu gran rendemento na Copa Mundial de Fútbol de 2010, outorgóuselle a Bota de Ouro (xa que a igualdade de goles, defínese por cantidade de asistencias) e o premio ao Mellor xogador novo.

Participacións no Mundial[editar | editar a fonte]

Mundial Sede Resultado
Copa Mundial de Fútbol de 2010 Flag of South Africa.svg Suráfrica Terceiro posto

Goles no Mundial[editar | editar a fonte]

# Día Lugar Rival Marcador Resultado Edición
1 13 de xuño de 2010 Estadio Moses Mabhida, Durban Australia Australia 3–0 4–0 Suráfrica 2010
2 27 de xuño de 2010 Estadio Free State, Bloemfontein Inglaterra Inglaterra 3–1 4–1 Suráfrica 2010
3 27 de xuño de 2010 Estadio Free State, Bloemfontein Inglaterra Inglaterra 4–1 4–1 Suráfrica 2010
4
3 de xullo de 2010
Estadio Green Point, Cidade do Cabo Arxentina Arxentina 1–0 4–0 Suráfrica 2010
5 10 de xullo de 2010 Estadio Nelson Mandela Bay, Porto Elizabeth Uruguai Uruguai 1–0 3–2 Suráfrica 2010

Palmarés[editar | editar a fonte]

Campionatos nacionais[editar | editar a fonte]

Título Club País Ano
1. Bundesliga FC Bayern München Alemaña 2010
Copa de Alemaña FC Bayern München Alemaña 2010

Distincións individuais[editar | editar a fonte]

Distinción Ano
Bota de Ouro da Copa Mundial da FIFA 2010
Mellor xogador novo da Copa Mundial da FIFA 2010