Rasul Gamzatov

Rasul Gamzatov
	;
Nome orixinal	(av) ХIамзатил Расул
Biografía
Nacemento	8 de setembro de 1923 ; Tsada, Rusia (en)
Morte	3 de novembro de 2003 (80 anos); Moscova, Rusia
Membro do Presidium do Soviet Supremo da Unión Soviética
Deputado do Pobo da Unión Soviética
Datos persoais
Relixión	Islam
Educación	Instituto de Literatura Maxim Gorki (1945–1950)
Actividade
Ocupación	poeta, tradutor, político, xornalista de opinión, escritor, prosista, letrista
Período de actividade	1932 -
Partido político	Partido Comunista da Unión Soviética
Membro de	USSR Union of Writers (en)
Xénero artístico	Verso, poesia narrativa (pt) e poema
Movemento	Realismo socialista
Participou en
17 de outubro de 1961	22nd Congress of the Communist Party of the Soviet Union (en)
Premios
	Premio Stalin; Medalla polo Traballo Valente na Gran Guerra Patria 1941-1945; Orde da Amizade dos Pobos; Premio Lenin; Order of St. Andrew the Apostle the First-Called (en) ; Order of the Golden Fleece (en) ; Bandeira Vermella do Traballo; Orde da Revolución de Outubro; Orde por Servizos á Patria de terceiro grao; Orde de Lenin; Heroe do Traballo Socialista; Order of Cyril and Methodius (en) ;
Descrito pola fonte	Grande Enciclopedia Soviética 1969-1978, (sec:Гамзатов Расул Гамзатович)

Rasul Gamzatovich Gamzatov, nado en Tsada o 8 de setembro de 1923 e finado en Moscova o 3 de novembro de 2003, foi un escritor, poeta e político ávaro.

Traxectoria

Naceu nunha aldea no distrito de Khunzakhsky no Daguestán fillo do poeta Gamzat Tsadasa, quen foi tamén o seu primeiro mestre; os once anos escribiu o seu primeiro poema e nos anos seguintes publicou poemas en diversos xornais ávaros; despois de estudar maxisterio volveu en 1940 á escola da súa aldea, dando clases durante un certo tempo, logo realizou diferentes traballos, así foi axudante de dirección no teatro ávaro, xornalista en periódicos e na radio. En 1943 publicou a primeira recolleita de poemas. Entre 1945 e 1950 estudou no Instituto de Literatura Maxim Gorki de Moscova. En 1947 publicou o primeiro libro de poemas en ruso. Seguíronlle vinte e cinco libros máis en ávaro e ruso, lingua á que traduciu a escritores rusos, clásicos e modernos, como Alexander Pushkin, Mikhail Lérmontov, Vladimir Maiakovski e Sergei Yesenin. Os seus poemas servíronlle de inspiración de compositores como Polad Bülbüloğlu, Murad Kajlayev, Dmitry Kabalevsky, Yan Frenkel, Raimonds Pauls, Iurii Antonov e Aleksandra Pakhmutova ou foron musicados por cantantes da consideración de Anna German, Müslüm Maqomayev, Valery Leontiev, Sergei Zakharov, Sofia Rotaru, Rashid Behbudov, Vakhtang Kikabidze, Sergei Agababov, Maqomad Omarov, Galina Vishnevskaya, Joseph Kobzon, mesmo un dos seus poemas, Os cranios publicado orixinalmente en ávaro e traducido ao ruso en 1969 na revista Novy Mir converteuse nunha das cancións rusas máis populares sobre a segunda guerra mundial na versión cantada por Mark Bernes con música composta por Yan Frenkel co título de Zhuravli.

Rasul Gamzatov foi deputado do Soviet Supremo da República Autónoma Socialista do Daguestán, chegando a ser o seu vicepresidente, foi tamén membro do Presidium do Soviet Supremo da URSS (1962-66 e 1971) e representante do Daguestán no Congreso de Escritores da RSFR e da URSS. Durante a súa vida recibiu numerosas premios e condecoracións tanto do estado soviético como do estado ruso sucesor daquel, entre elas Premio Stalin (1952), Premio Lenin (1963), Heroe do Traballo Socialista (1974) e maila Orde de Santo André (2003). Foi ata a súa morte presidente da Unión de Escritores do Daguestán

Véxase tamén

Ligazóns externas

Web do goberno de Dagestán dedicada a Gamzatov (en ruso), (en inglés)