Porto, Zamora

Para outras páxinas con títulos homónimos véxase: Porto.

Porto, Zamora
Vista do concello
Localización
País	España
Comunidade autónoma	Castela e León
Provincia	Zamora
Comarca	Seabra
Xeografía
Altitude	1.205 msnm
Superficie	201,43 km²
Demografía
Poboación	222 hab. (INE 2010)
Densidade	1,1 hab./km²
Xentilicio	portexo/a
Outros datos
Código postal	49583
Alcalde	Rogelio Carracedo (PP)

Porto, tamén chamado Porto de Seabra ou Porto de Sanabria, é un concello español das Portelas na comarca de Seabra, ó noroeste da provincia de Zamora, en Castela e León. Este concello galegofalante está encadrado dentro da denominada Alta Seabra é considerado tradicionalmente como un dos 48 concellos da Galicia estremeira. O seu xentilicio (véxase no Galizionario) é «portexo».

O seu termo municipal atópase situado en pleno Parque Natural do Lago de Seabra, o maior lago de orixe glaciar de España, ademais dun espazo natural protexido de gran atractivo turístico.

Xeografía

Está situado ao noroeste da provincia de Zamora, a 180 km da capital. Está situado a 1.205 m de altitude, sendo o concello de maior altitude da provincia.

Atópase nun profundo val entre os cumios de La Cuesta e Tanxilde, ao norte do río Bibei, accidentada polas serras da Porpasa e Currais (na Serra Calva ou de Porto) e A Segundeira.

Demografía

Porto posúe unha poboación moi avellentada, onde só o 2,25% da poboación ten 15 anos ou menos (SIE 2010).

Evolución demográfica

1991	1996	2001	2004	2010
437	363	302	299	222

Historia

Durante a Idade Moderna, ao igual que o resto da comarca, pertenceu á provincia de Valladolid. Durante o Trienio Liberal pertenceu á provincia de Ourense. Administrativamente sempre estivo vinculado á terra de Seabra. No 1833 incorporouse á provincia de Zamora.