Palacios de Sanabria

Palacios de Sanabria
Localización
	42°03′18″N 6°31′37″O / 42.055, -6.5269444444444
Estado	España
Comunidade autónoma	Castela e León
Provincia	provincia de Zamora
Capital	Palacios de Sanabria
Contén a división administrativa	Otero de Sanabria ; Palacios de Sanabria ; Q6163109 ; Remesal (pt)
Poboación
Poboación	233 (2025) (6,3 hab./km²)
Xeografía
Parte de	Castile and León (en)
Superficie	37,01 km²
Altitude	954 m
Organización política
• Alcalde	Jesús Fernández Pérez
Identificador descritivo
Código postal	49322
Fuso horario	UTC+01:00, horario estándar; UTC+02:00, horario de verán
Código INE	49143

Palacios de Sanabria (en leonés: Palacios de Senabria) é un concello e localidade española da provincia de Zamora, na comunidade autónoma de Castela e León.^[1] Atópase ao noroeste da provincia, na comarca de Seabra.

Historia

Durante a Idade Media, Palacios quedou integrado no Reino de León. Os seus monarcas repoboaron a localidade así como o resto de Seabra. Despois da independencia de Portugal do reino leonés en 1143, Palacios sufriu pola súa situación xeográfica os conflitos entre os dous reinos polo control da fronteiro, situación que quedou estabilizada a inicios do século XIII.

Posteriormente, na Idade Moderna, Palacios foi unha das localidades que se integraron na provincia das Terras do Conde de Benavente e dentro desta na receptoría de Seabra. Non obstante, coa división provincial de 1833, Palacios de Sanabria pasou a formar parte da provincia de Zamora e da Rexión de León.

Entre 1840 e 1860, o concello ampliou a súa extensión territorial ao integrar no seu termo as localidades de Vime de Sanabria e Remesal. Non obstante, a súa extensión actual non chegou ata 1965, cando o concello de Otero de Sanabria foi anexionado ao de Palacios.

Demografía

Tiña en 2024 unha poboación de 230 habitantes agrupados en catro entidades de poboación:

Gráfica de evolución demográfica de Palacios de Sanabria^[2] entre 1842 e 2021

Poboación de dereito segundo os censos de poboación do INE. Poboación de feito segundo os censos de poboación do INE.

Patrimonio

Na parte alta do concello sitúase a ermida de Santo Cristo, cuxo recinto o forman tres naves e na súa cabeceira destaca un retablo barroco presidido pola imaxe do Crucificado.

Da súa igrexa parroquial, o outro edificio eclesiástico desta localidade, chama especialmente a atención o seu campanario. No seu interior, un retablo de estilo neoclásico preside a estanza.

En Palacios de Sanabria tamén son significativos os pombais, que a diferenza dos de Terra de Campos, foron construídos en escura cachotaría e cubertos de lousa.