Pedralba de la Pradería é un concello español das Portelas na comarca de Seabra, ó noroeste da provincia de Zamora, en Castela e León. Está formado polas localidades de Calabor, Lobeznos, Pedralba de la Pradería, Rihonor de Castilla e Santa Cruz de Abranes. Calabor é a única entidade galegofalante do concello.
Pedralba de la Pradería é un municipio caracterizado pola súa elevada diversidade e riqueza lingüística, ao estar presentes nel tres linguas romances: o castelán, o galego (lingua tradicional da pedanía de Calabor) e o leonés (lingua tradicional das restantes localidades do concello). Así e todo, é certo que estas dúas últimas linguas fálanse alí nas súas respectivas variantes sanabresas e por iso mostran unha gran semellanza entre si, cunha porcentaxe maioritaria de léxico compartido.
España
Castela e León
Zamora
