O seu nome podería deberse á existencia dunha gran pedra ou fito quilométrico da Vía da Prata, que pasa pola aldea.[Cómpre referencia]
Estivo ligado á figura do Vizconde de Garcigrande. Existen varias casas brasonadas e de belas fachadas de pedra na vila. Tivo carácter industrial, propiciado pola presenza da vía de ferrocarril que unía Zamora e Salamanca, hoxe fóra de uso. Na actualidade mantense unha fábrica de augardentes e outra de cerámica.
A igrexa parroquial de San Félix alberga no seu interior pezas interesantes como un sepulcro do chantrePedro López de Peralta. Son moi interesantes un conxunto de táboas góticas que foron recentemente restauradas.
O 3 de febreiro celébranse as festas en honra a San Blas, que son organizadas polos quintos do pobo.
O que máis fama dá ao pobo son as adegas, que son as máis coñecidas e numerosas da comarca. Algunhas delas ademais están abertas ao público, servindo como bares ou restaurantes.
