Almaraz de Duero

Almaraz de Duero
Nome oficial     Almaraz de Duero (es)
Instancia de concello de España  Parte de Mancomunidade Tierra del Pan  Epónimo Río Douro
Implicados  Xefe do goberno Cargo: alcalde de Almaraz de Duero José Martín Pérez
Localización  Situado en  provincia de Zamora, Castela e León, España  Continente Europa  Capital Almaraz de Duero  Comparte fronteira con Zamora Muelas del Pan Villaseco del Pan Pereruela  Contén núcleo de poboación Almaraz de Duero  OpenStreetMap  Coordenadas 41°28′00″N 5°55′00″O
Cifras e dimensións  Poboación 464 (2001) rexistro civil 457 (2002) rexistro civil 447 (2004) rexistro civil 451 (2005) rexistro civil 439 (2006) rexistro civil 435 (2007) rexistro civil 421 (2008) rexistro civil 424 (2009) rexistro civil 418 (2010) rexistro civil 408 (2011) rexistro civil 405 (2012) rexistro civil 405 (2013) rexistro civil 403 (2014) rexistro civil 398 (2015) rexistro civil 405 (2016) rexistro civil 408 (2017) rexistro civil 402 (2018) rexistro civil 407 (2019) rexistro civil 401 (2020) rexistro civil 407 (2021) rexistro civil 401 (2022) rexistro civil 393 (2023) rexistro civil 397 (2024) rexistro civil 386 (2025) rexistro civil  Poboación feminina    197 (2019)  Poboación masculina    210 (2019)  Superficie    45,61 km²  Altitude    716 m
Fontes e ligazóns Código postal 49180 Código INE 49007 OpenStreetMap 345786 Freebase /m/02z9_nk  Páxina WEB almarazdeduero.es
Wikidata C:Commons

Almaraz de Douro é un municipio da provincia de Zamora, situada a 17 km da capital. Pertence á comarca e mancomunidade de municipios da Terra do Pan.

Datos

Eclesiasticamente pertence ao arciprestado de Alba, do bispado de Zamora. Ten unha poboación de 451 habitantes (INE 2005). O seu termo municipal, de 4.630 hectáreas, linda ao norte con Zamora, ao sur co río Douro e Pereruela de Sayago, ao leste co río Douro e San Román dos Infantes (anexo do municipio de Pereruela de Sayago) e ao oeste con Villaseco del Pan e Muelas del Pan. Os seus habitantes dedícanse á agricultura, a gandaría e o sector servizos, outros traballan na capital aproveitando a proximidade da localidade á capital da provincia. A súa distancia ás poboacións limítrofes é a seguinte: de Villaseco del Pan, 4 km e de Muelas del Pan, 7 km. O núcleo non ten estrada cara a Pereruela de Sayago nin San Román dos Infantes que se atopan a 8 e 4 km respectivamente.

Demografía

Evolución da poboación de: Almaraz de Duero desde 2001 ata 2007
2001	2003	2004	2005	2007
464	454	444	451	435

Historia

A etimoloxía do nome é árabe, nesta lingua significa labrantíos. Até principios do século XX coñecíase como Almaraz do Pan, igual que o resto de pobos da comarca do Pan. Aparece xa rexistrado en documentos a principios do século XII, e a finais do mesmo recibe uns importantes foros medievais que regulan a vida do lugar de reguengo que posteriormente pasou a ser do bispado de Zamora.

Patrimonio

A igrexa parroquial está dedicada á Transfiguración do Señor ou O Salvador. Construíuse no século XVI sobre unha anterior románica.

O santuario rupestre de San Pelayo está situado xunto ás ruínas dunha antiga ermida do século XV dedicada a san Gregorio Nacianceno e á que se acudía en romaría o día 9 de maio.

Hai unha fonte romana no centro da localidade e antigas minas de estaño repartidas por todo o termo, ademais de varias aceas e construcións de arquitectura pastoril. Neste municipio comezan os Arribes do Douro e é tamén coñecido pola paraxe dos Infernos onde se atopa o Ponte de Joyalada do século XVII. Antigamente a igrexa da localidade chegou a contar con cinco altares e cúpula, tivo o concello catro ermidas e contaba con varias confrarías. Conta a localidade con varios servizos como consultorio médico, dous supermercados, tres bares, panadaría, farmacia, residencia de anciáns, liña regular a Zamora etc.

Festas

Celebra as súas festas patronais o sábado máis próximo ao 9 de maio, día de San Pelayo, e a fin de semana próxima ao 6 de agosto, día do Salvador.