Game Boy Color
![](http://upload.wikimedia.org/wikipedia/commons/thumb/c/c5/Game_Boy_Color_logo.svg/265px-Game_Boy_Color_logo.svg.png)
![](http://upload.wikimedia.org/wikipedia/commons/thumb/7/76/Nintendo-Game-Boy-Color-FL.jpg/265px-Nintendo-Game-Boy-Color-FL.jpg)
![](http://upload.wikimedia.org/wikipedia/commons/thumb/6/64/Game_Boy_Color_20240422.jpg/265px-Game_Boy_Color_20240422.jpg)
A Game Boy Color (ゲームボーイカラー Gēmu Bōi Karā?), frecuentemente abreviada como GBC, é unha consola de videoxogos portátil de Nintendo, sucesora da Game Boy. Foi lanzada o día 21 de outubro de 1998 no Xapón,[1] o 19 de novembro de 1998 en América do Norte, o 23 de novembro de 1998 en Europa, e o 27 de novembro de 1998 no Reino Unido. Presenta unha carcasa de diferentes cores, e é lixeiramente máis ancha e alta ca a Game Boy Pocket. Así como a Game Boy orixinal, posúe un procesador de 8 bits.[2] Combinados, a Game Boy e a Game Boy Color venderon 118,69 millóns de unidades en todo o mundo. A Game Boy Color foi substituída pola Game Boy Advance.
Historia
[editar | editar a fonte]A Game Boy Color foi unha resposta á presión das desenvolvedoras de xogos por un sistema de xogo novo e máis sofisticado, xa que elas sentían que a Game Boy, mesmo na súa última versión, a Game Boy Pocket, non era abondo. O produto resultante era reversamente compatíbel, sendo o primeiro portátil quen de facer isto, expandindo a gran biblioteca de xogos e instalándose na base do seu predecesor. Isto converteuno nun elemento chave na liña Game Boy, pois permitía que cada lanzamento na súa familia tivese á disposición unha biblioteca significantemente maior da que tiñan os seus competidores dende o comezo.
Cartuchos
[editar | editar a fonte]Os xogos creados especificamente para a Game Boy Color eran mantidos en cartuchos de memoria limpa. Non son compatíbeis coa Nintendo DS. Os xogos proxectados para a Game Boy Color, aínda que tamén incluían compatibilidade reversa co antigo Game Boy, posúen un deseño semellante ós cartuchos cinza para Game Boy, mais son de memoria negra para a identificación. Os lanzamentos europeo e norteamericano de Pokémon Yellow e Pokémon Gold e Silver presentan cartuchos de memoria diferenciada, aínda que sexan tecnicamente idénticos ós cartuchos negros.
Vendas
[editar | editar a fonte]O 31 de marzo de 2005 a Game Boy e a Game Boy Color venderon 32,47 millóns de unidades no Xapón, 44,06 millóns nos Estados Unidos e 42,16 millóns no resto do mundo. En total, o 31 de marzo de 2005 as vendas mundiais de ambas as consolas chegaban aos 118,7 millóns de unidades,[3] aínda que a venda de xogos para o sistema viuse afectada pola pirataría, xa que era difícil identificar un cartucho orixinal dun pirata.
Especificacións técnicas
[editar | editar a fonte]Tipo | Datos | Imaxe | |
---|---|---|---|
GPU | Controlado pola CPU | ![]() | |
CPU: | Sharp LR35902 (híbrido personalizado entre baseado en Zilog-Z80 e Intel 8080) | 4.19/8.38 MHz
(velocidade efectiva 1,0485 mhz, modo Game Boy orixinal) | |
Memoria RAM: | 32 KB RAM; 16 KB VRAM | ||
Son: | Estéreo PSG de 4 canles:
| ||
Pantalla: | Pantalla dotmatrix Sharp en cor:
|
![]() | |
Resolución: | 160 (ancho) × 144 (alto) píxeles | (relación de aspecto 10:9; mesma relación de aspecto e resolución que a Game Boy clásica) | |
input: | Dpad de 4 direccións ( ← → ↑ ↓)
Catro botóns de acción (A, B, Iniciar, Seleccionar) Potenciómetro de volume Interruptor de alimentación E/S serie ("cable de enlace"): 512 kbit/s con até 4 conexións en serie E/S de infravermellos: menos de 2 m de distancia a 45° E/S de cartucho | ||
Dimensións |
| ||
Alimentación: | 2 pilas AA, duración 10 horas
Adaptador de corrente: 3 V DC 0,6 W (2,35 mm × 0,75 mm) | ||
Peso | 138 g (4.9 oz) | ||
Cores: | 32.768, máximo 56 en pantalla | ||
ROM: | 8 MB | ![]() ![]() | |
Cartucho RAM: | 128 KB |
Recepción
[editar | editar a fonte]A recepción da Game Boy Color foi positiva e os críticos eloxiaron a adición de cor e a claridade mellorada da pantalla. Publicacións afiliadas como Total Game Boy eloxiaron á portátil pola súa "imaxe brillante e colorida que se pode ver con luz directa", características de compatibilidade con versións anteriores que preservan o "vasto catálogo de xogos orixinais de Game Boy" e rendemento técnico mellorado.[4] Computer and Video Games eloxiou á Game Boy Color por facer que a biblioteca de xogos de Game Boy "se vexa mellor que nunca: todo é nítido, brillante e en cor".[5] Escribindo para GameSpot, Chris Johnston afirmou que a pantalla era "clara coma o cristal" e ceibe de desenfoque de movemento, afirmando que Tetris DX era a "aplicación principal" dos títulos de lanzamento na plataforma.[6] Entre as críticas máis suaves incluíronse as de Arcade, quen admitiu que as cores eran "moi impresionantes" mais "non tan rechamantes como cabería esperar [...] son principalmente verdes algas, marróns oxidados, amarelos tímidos e similares". Concluíron que "nada en [Game Boy Color] é moi radical", mais tamén dixeron que o dispositivo era "Game Boy como sempre debería ter sido".[7]
Notas
[editar | editar a fonte]- ↑ Nintendo.co.JP - Game Boy Color
- ↑ "GBC Hardware Info". The Internet. Arquivado dende o orixinal o 16 de xullo de 2012. Consultado o 17 de setembro de 2007.
- ↑ "Historical Data: Consolidated Sales Transition by Region" (PDF). Nintendo. 27 de abril de 2016. Consultado o 20 de abril de 2024.
- ↑ "Introducing The Game Boy Color". Total Game Boy (1). 1998.
- ↑ "Portable Colour Gaming Is Here!". Computer and Video Games (205). Decembro de 1998.
- ↑ Johnston, Chris (1998). "Hands On: Game Boy Color". GameSpot. Arquivado dende o orixinal o 2019-06-07. Consultado o 2022-11-13.
- ↑ "The Color Purple". Arcade (1): 60–61. Decembro de 1998.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Game Boy Color ![]() |