Satoshi Tajiri

Na Galipedia, a Wikipedia en galego.
Saltar ata a navegación Saltar á procura
Satoshi Tajiri
Nacemento28 de agosto de 1965
 Setagaya
NacionalidadeXapón
Ocupacióninformático teórico e emprendedor
Coñecido porMisty, Ash Ketchum, Brock e Pokémon
PremiosCEDEC Awards - Special Award
editar datos en Wikidata ]

Satoshi Tajiri (en xaponés: 田尻 智 Hepburn: Tajiri Satoshi?, nado o 28 de agosto de 1965[1]) é un deseñador e director de videoxogos xaponés, máis coñecido por ser o creador da franquía Pokémon de Nintendo, así como un dos fundadores e o presidente da empresa de desenvolvemento de videoxogos Game Freak.

Seareiro dos xogos arcade, Tajiri escribiu e editou a súa propia revista sobre videoxogos, Game Freak, xunto con Ken Sugimori antes de evolucionar a empresa cara unha desenvolvedora baixo o mesmo nome. Tajiri declarou que unir dúas consolas Game Boy a través do cable Link foi o que o inspirou a crear un xogo cuxo obxectivo orixinal era coleccionar insectos, a súa grande afección da nenez. O xogo, que despois se convertería en Pokémon Red e Pokémon Green, levou seis anos para ser completado e foi o xermolo dunha franquía multimillonaria que deu un pulo renovado a Nintendo no sector das consolas portátiles. Tajiri continuou a traballar como director da serie de videoxogos Pokémon ata o desenvolvemento de Pokémon Ruby e Sapphire, cando cambiou o seu rol a produtor executivo.

Tajiri tamén traballou noutros proxectos como os spin-offs da franquía Mario, e foi o produtor executivo do filme de acción en vivo Detective Pikachu.[2]

Obras[editar | editar a fonte]

Ano Título Rol
1989 Mendel Palace Director e deseñador
1991 Smart Ball Director, deseñador,
guionista de escenarios
Yoshi Director e deseñador
1992 Magical Tarurūto-kun Produtor
1993 Mario & Wario Director, deseñador
1994 Nontan to Issho: Kuru-Kuru Puzzle Planificador
Pulseman Director, deseñador
1995 Jelly Boy 2 (sen estrear) Supervisor
1996 Pokémon Red, Green e Blue Director, deseñador,
guionista de escenarios, deseñador de mapas
1997 Bushi Seiryūden: Futari no Yūsha Deseñador
1999 Pokémon Gold e Silver Director, deseñador
2002 Pokémon Ruby e Sapphire Director executivo
2004 Pokémon FireRed e LeafGreen Guionista de escenarios,
director executivo
Pokémon Emerald Executive Director
2005 Drill Dozer Produtor executivo
2006 Pokémon Diamond e Pearl
2010 Pokémon HeartGold e SoulSilver
2011 Pokémon Black e White
2012 Pokémon Black 2 e White 2
HarmoKnight
2013 Pokémon X e Y
2014 Pokémon Omega Ruby e Alpha Sapphire
2015 Tembo the Badass Elephant
2016 Pokémon Sun e Moon
2017 Giga Wrecker
Pokémon Ultra Sun e Ultra Moon
2018 Pokémon: Let's Go, Pikachu! e Let's Go, Eevee!
2019 Pokémon Sword e Shield

Notas[editar | editar a fonte]

  1. "Satoshi Tajiri Biography". IGN. News Corporation. 2010. Consultado o 27 de xaneiro de 2010. 
  2. "Pokémon Detective Pikachu". Metacritic. Consultado o 17 de novembro de 2018. 

Véxase tamén[editar | editar a fonte]

Bibliografía[editar | editar a fonte]

  • Tajiri, Satoshi A Catcher in Pac-Land: Video Game Youth Story (abril de 1990) JICC
  • Tajiri, Satoshi New Game Design (1995) Enix ISBN 4-87025-858-7

Ligazóns externas[editar | editar a fonte]