Phocoenoides dalli

Phocoenoides dalli
Phocoenoides dalli Frederick William True 1885
Nome común Dall’s porpoise (en)   Dall Porpoise (en)   Dall’s White-flanked Porpoise (en)   Dall-Hafenschweinswal (de)   Weißflanken-Schweinswal (de)   Dall’s Porpoise (en)   Marsouin De Dall (fr)   Dall's Porpoise (en)   Marsopa De Dall (es)   botu de dall (ast)
Instancia de taxon  Epónimo William Healey Dall (pt)  Categoría taxonómica especie  Combinación orixinal Phocoena dalli
Características  Caracterizado por viviparidade
Conservación Especie pouco preocupante
Clasificación taxonómica
Superreino Holozoa Reino Animalia Filo Chordata Clase Mammalia Orde Artiodactyla Familia Phocoenidae Xénero Phocoenoides Especie Phocoenoides dalli (True, 1885) Phocoenoides dalli
Cifras e dimensións  Masa    200 peso adulto  Tamaño da niñada    1  Duración máxima da vida    22 a  Período de xestación    1 a
Datas  Período Holoceno
Localización  Mapas
Códigos e identificadores Freebase /m/021gh9 ITIS 180480 OTT 851304 UICN 17032 CoL 4GK8K EOL 46559358
Wikidata G:Commons C:Commons

Phocoenoides dalli é unha especie de cetáceo odontoceto da familia dos focénidos, o único membro do xénero Phocoenoides que, á súa vez, é o único da subfamilia dos focenoidinos (Phocoenoidinae).

Esta especie de toniña foi descrita en 1885 polo zoólogo estadounidense Frederick William True, que a denominou Phocoena dalli na honra do seu compatriota o naturalista William Healey Dall (1845-1927).

Pero cando máis tarde , en 1911, Roy Chapman Andrews describiu o xénero Phocoenoides, foi reclasificada neste xénero, de xeito que o seu nome científico válido actualmente é Pnocoenoides dalli (True, 1885).

Esta marsopa adquiriu certa sona nos medios de comunicación mundiais na década de 1970, cando se revelou por primeira vez ao público que a pesca de salmóns con palangres matara a miles destes cetáceos. Por outra parte, cómpre dicir que esta especie péscase industrialmente no Xapón, onde se consome a súa carne.

Catarcetrísticas

As características principais son as seguintes:

• Os adultos teñen un tamaño comprendido entre 1,70 e 2,40 m, e un peso de entre 170 e 200 kg.
• O corpo ten unha coloración rechamante: negra, cunha ampla zona branca nos flancos e, ás veces, no extremo das aletas dorsal e caudal.
• A cabeza e as aletas pectorais, situadas cerca da cabeza, son relativamente pequenas, e a súa boca, estreita, nun fociño cun bico pouco prominente e labios que poden ser negros ou brancos, está armada con de 23 a 28 pares de dentes na mandíbula superior, e de 24 a 28 na inferior.
• A aleta dorsal é prominente, en forma de gancho, e de cor variábel, normalmente negra na base e gris ou branca na parte superior.
• Nada rapidamente (até os 55 km/h) e é hiperactivo.
• Aproxímase aos barcos.
• Polo xeral viaxa en pequenos grupos, que poden ocasionalmente reunirse en grandes bancos de miles de individuos.

Distribución

Vive en augas frías do Pacífico setentrional, entre as Kamchatka á de Alasca, polo norte, e até os 50º N (asociado con golfiños), e desde os 40º N (asociado a caldeiróns) até mais ao sur (costas de Corea e o Xapón) no leste e costas norteamericanas até a Baixa California no oeste.

Pouco se sabe sobre as súas migracións, pero parece que se despraza cara ao norte en verán e cara ao sur en inverno; algúns individuos poden pasar o verán tan ao norte como no estreito de Bering.

Alimentación

Caza crustáceos, luras e peixes, apañando sardiñas e especies afíns en augas superficiais, e peixes lanterna a niveis máis baixos.

Estado de conservación

A especie é abundante, e estímase que a poboación actual é de máis de 1 millón de animais. A especie foi amplamente matada en operacións de pesca en mar aberto con redes de deriva durante as décadas de 1970 e 1980, pero agora están prohibidas estas pescarías, e os niveis de capturas no actuais non están considerados como o suficientemente altos como para causar descensos de poboación significativos. As capturas nas augas costeiras xaponesas, así como as incidentais nestas augas e nas rusas (que se estiman globalmente nuns 20 000 espécimes ao ano), non parece que constitúan unha ameaza para o descenso de poboación suficiente como para xustificar a inclusión desta especie en ningunha categoría de ameaza.

Véxase tamén

Bibliografía

• Carwardine, Mark (1995): Ballenas, delfines y marsopas. Barcelona: Ediciones Omega. ISBN 84-282-1037-3.
• Duguy, R. e Robineau, D. (1987): Guía de los mamíferos marinos de Europa. Barcelona: Ediciones Omega. ISBN 84-282-0811-5.
• Heyning, John E (2002): "Cuvier's Beaked Whale", en Jefferson, Thomas A. Encyclopedia of Marine Mammals, pp. 305–307. San Diego: Academic Press. ISBN 0-12-551340-2.
• Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago: Xunta de Galicia. ISBN 84-453-2913-8.
• Perrin, William F., Bernd Würsig & J. G. M. Thewissen (eds.) (2002): Encyclopedia of Marine Mammals. 2ª ed. San Diego: Academic Press. ISBN 978-0-12-373553-9
• Wilson, D. E. & Reeder, D. M. (eds.) (2005): Mammal Species of the World. A Taxonomic and Geographic Reference. Third edition. ISBN 0-8018-8221-4.

Outros artigos

• Cetáceos
• Odontocetos
• Focénidos

Ligazóns externas

• Phocoenoides dalli en ADW. (en inglés) Contén ampla información.