Delfinoideos

Delfinoideos
Delphinoidea John Edward Gray 1821
Instancia de taxon  Categoría taxonómica superfamilia  Taxon homónimo Delphinoidea
Subdivisións Albireonidae Delphinidae Monodontidae Phocoenidae
Clasificación taxonómica
Superreino Holozoa Reino Animalia Filo Chordata Clase Mammalia Orde Artiodactyla Superfamilia Delphinoidea Gray, 1821 Delphinoidea
Datas  Data de comezo hai 28 millóns de anos
Códigos e identificadores Freebase /m/064kckd ITIS 204920
Wikidata

Orcinus orca, o máis grande.

Cephalorhynchus commersonii, o máis pequeno.

A dos delfinoideos (Delphinoidea) é unha superfamilia de cetáceos que constitúe o grupo máis grande dos odontocetos, con 66 xéneros distribuídos en 6 familias.

A superfamilia foi instituída en 1865 por William Henry Flower, e foi considerada como monofilética por Geisler et al. en 2011.

E aínda que non é recoñecida como tal superfamilia por todos os cetólogos, si foi admitida, entre outros, por de Muizon (1988), Dawson (1996), Fordyce e de Muizon (2001), Kazar et al. (2004), Uhen et al. (2008), Geisler et al. (2011), e Bianucci et al. (2011).

Comprende a todos os cetáceos denominados golfiños lato sensu, é dicir, ademais dos golfiños propiamente ditos, outras especies semellantes como os arroaces, as toniñas, os caldeiróns ou a candorca.

Esta última é o membro máis grande existente da superfamilia, que pode alcanzar até 9,5 m de lonxitude (os machos) e pesar até 6 t (as femias son menores), e que ten a maior aleta dorsal do Reino animal (pode medir até 1,8 m de altura), mentres que Cephalorhynchus commersonii, coñecido na bibliografía internacional como golfiño de Commerson, que vive no mar austral suramericano, cos seus 145 cm de lonxitude e entre os 40–50 kg de peso, é non só o golfiño, senón o cetáceo máis pequeno existente no mudo.

Taxonomía

Orde Cetacea

• Suborde Odontoceti
  • Infraorde Delphinida
    • Superfamilia Delphinoidea
      • Familia Albireonidae
      • Familia Delphinidae – golfiños propiamente ditos, candorcas, caldeiróns
        • Subfamilia Delphininae
        • Subfamilia Lissodelphininae
        • Subfamilia Orcininae
        • Subfamilia Stenoninae
        • Subfamilia Lophocetinae
        • Subfamilia Pithanodelphininae
      • Familia Monodontidae – narval e beluga
        • Subfamilia Delphinapterinae
        • Subfamilia Monodontinae
      • Familia Phocoenidae – toniñas
        • Subfamilia Phocoeninae
        • Subfamilia Phocoenoidinae

Ademais existen algúns xéneros, a maioría fósiles pero outros con especies viventes, incertae sedis.

Véxase tamén

Bibliografía

• Carwardine, M. (1995): Ballenas, delfines y marsopas. Guía visual de todos los cetáceos del mundo. Barcelona: Omega. ISBN 84-282-1037-3.

Outros artigos

• Cetáceos
• Odontocetos
• Golfiños

Ligazóns externas

• Delphinoidea en Tree of Life.