Roy Chapman Andrews

Na Galipedia, a Wikipedia en galego.
Saltar ata a navegación Saltar á procura
Roy Chapman Andrews
Roy Chapman Andrews 50488r.jpg
Nacemento26 de xaneiro de 1884
 Beloit (Wisconsin)
Falecemento11 de marzo de 1960
 Carmel-by-the-Sea
NacionalidadeEstados Unidos de América
Alma máterUniversidade de Columbia e Beloit College
Ocupaciónexplorador, paleontólogo, escritor, zoólogo e patólogo
CónxuxeYvette Borup
PremiosMedalha Vega, Medalha Charles P. Daly, Hubbard Medal e Honorary Scout
editar datos en Wikidata ]

Roy Chapman Andrews, nado en Beloit (Wisconsin), en 1884 e finado en Carmel-by-the-Sea (California), en 1960, foi un explorador e zoólogo norteamericano.

Traxectoria[editar | editar a fonte]

En 1906 despois de se graduar e co diñeiro que aforrara traballando como taxidermista marchou a Nova York para de traballar no Museo de Historia Natural Americano, ao tempo que estudaba bioloxía na Universidade de Columbia. Entre 1909 e 1910 viaxou no USS Albatross ás Indias Orientais, coleccionando serpes e lagartos e observando os mamíferos mariños.
Entre 1916 e 1917 Andrews e a súa muller, Yvette Borup Andrews dirixiron a Expedición zoolóxica asiática do Museo de Historia Natural Americana, percorrendo Yunnan e outras provincias chinesas. O libro Camps and Trails in China, recolle as súas experiencias.

En 1922 dirixe a expedición a Mongolia, onde descobre os restos dun Rinoceronte Xigante (Baluchitherium) que envía ao Museo de Historia Natural Americano. O 13 de xullo de 1923 a súa expedición foi a primeira no mundo en descubrir ovos de dinosauro, ao primeiro pensouse que eran de protoceratops, pero de feito eran de Oviraptor philoceratops. En 1923 un integrante da expedición descubriu unha caveira do Cretáceo. Expedicións pararon en 1926 e 1927, e finalmente en 1929 cancelouse a expedición . En 1930 fixo unha viaxe final e descubriu algúns fósiles de mastodonte, nese mesmo ano volveu aos Estados Unidos.

Nomeado director do Museo de Historia Natural Americano en 1934. En 1942 retirouse e dedicouse a escribir.