Odense

Na Galipedia, a Wikipedia en galego.
Odense
Mapa
Odense Denmark location map.png
Información
País Flag of Denmark.svg Dinamarca
Rexión Syddanmark
Superficie 304,34 km²
Poboación 188.777 hab. (2010)
Odense-Teater Momentum.JPG
Sitio oficial

Odense é unha comuna e cidade de Dinamarca, situada na rexión de Syddanmark, na illa de Fionia. Ten unha poboación de 188.777 habitantes, sendo a terceira cidade máis poboada de Dinamarca.

Historia[editar | editar a fonte]

O nome de Odense provén de Odins Vi que significa 'o Santuario de Odin', en relación coa antiga mitoloxía escandinava. É unha das cidades máis antigas de Dinamarca. En 1988 celebrou os 1.000 anos de antigüidade. O Templo de San Knud foi durante a Idade Media un importante punto de peregrinaxe para honrar ao rei Knud, asasinado no 1086. En 1805 converteuse na sede da asemblea provincial de Fionia.

Arquitectura[editar | editar a fonte]

  • Catedral de San Knud: é unha das maiores de Dinamarca. É de estilo gótico. Foi construída entre 1081 e 1093 e reconstruída no século XIII. Aquí está enterrado o rei Knus, patrón de Dinamarca, que disputou con Guillermo de Normandía a posesión de Inglaterra e que morreu asasinado no ano 1086. A catedral contén un retablo en forma de tríptico de máis de 5 metros de altura. Foi esculpido por Claus Berg, mestre escultor nacido en Odense. O retablo contén máis de 300 figuras. A catedral ten tamén pías bautismais do ano 1720.
  • Casa de Hans Christian Andersen: está situada nun barrio completamente remodelado e que conserva casas de principios do século XIX. A vivenda na que Andersen pasou parte da súa vida converteuse nun museo no que se poden ver diversos manuscritos das súas obras así como debuxos e esbozos de viaxes realizadas polo escritor.
  • Pobo Fioniano: trátase dun museo ao aire libre no que se poden visitar unha vintena de casas e granxas típicas da zona completamente reconstruídas. O museo permite ver como era a vida rural na provincia nos séculos XVI e XVII.

Véxase tamén[editar | editar a fonte]

Commons
Commons ten máis contidos multimedia sobre: Odense

Ligazóns externas[editar | editar a fonte]