Norrköping é unha cidade do Condado de Östergötland no centro leste de Suecia. A cidade ten unha poboación de 83.000 habitantes, 125.000 cos arrabaldes, o que a fai a décima cidade sueca en poboación. A cidade é alcumada "O Manchester de Suecia" e "Pequín".
Norrköping é unha cidade que prosperou grazas á enerxía obtida do río Motala e ó seu porto no golfo de Bråviken, no mar Báltico. A finais do século XX a cidade viuse moi afectada polo peche de moitas das súas industrias, o que ocasionou un forte paro. Norrköping vive da industria téxtil, química, da fabricación de papel, material eléctrico e mobles e conseguiu revitalizarse apostando pola cultura e a ensinanza (hai que destacar a súa coñecida biblioteca), e favorecendo a instalación dun parque industrial punteiro en altas tecnoloxías.
