Saltar ao contido

Manuel Rodríguez López

Na Galipedia, a Wikipedia en galego.
Para outras páxinas con títulos homónimos véxase: Manuel Rodríguez López (homónimos).
Modelo:BiografíaManuel Rodríguez López

Editar o valor en Wikidata
Nome orixinalManuel Oreste Rodríguez López
Biografía
Nacemento11 de decembro de 1934 Editar o valor en Wikidata
Paradela, España Editar o valor en Wikidata
Morte13 de febreiro de 1990 Editar o valor en Wikidata (55 anos)
Lugo, España Editar o valor en Wikidata
Lugar de sepulturaParadela Editar o valor en Wikidata
Relixióncatólico
EducaciónTiana
Barcelona Editar o valor en Wikidata
Actividade
Ocupacióncronista, xornalista, tradutor, escritor, poeta Editar o valor en Wikidata
Xénero artísticopoesía, conto, crónicas, teatro, tradución
Familia
CónxuxeIrene López Gómez (O Páramo) Editar o valor en Wikidata
FillosEnrique (1963) e
Santiago (1971) Editar o valor en Wikidata
Sinatura Editar o valor en Wikidata
Sitio webManuel Rodríguez López
BNE: XX1060805 BUSC: rodriguez-lopez-manuel-1934-1990

Manuel Oreste Rodríguez López, nado en Randulfe (Paradela) o 11 de decembro de 1934[1] e finado na cidade de Lugo o 13 de febreiro de 1990, foi un poeta, cronista e tradutor galego.[2]

Traxectoria

[editar | editar a fonte]

Fillo de Manuel Rodríguez e Consolación López, moi cedo (1936) foi coidado por persoas alleas pola emigración da súa nai e incorporación a filas do seu pai[1]. Residiu en Barcelona, onde emigrara a súa nai e logo o seu pai, dende os seis anos. Cursou Humanidades e Filosofía no Seminario Diocesano de Barcelona dende 1946 ata 1952. Posteriormente estudou Contabilidade e Lexislación Laboral. Traballou como xefe administrativo do departamento de persoal nunha industria siderometalúrxica (OSSA).

Manuel Rodríguez López no parque de Rosalía de Castro en Lugo.

Ao longo da súa vida demostrou unha gran preocupación pola cultura e por Galicia, tanto na súa longa emigración en terras catalás, onde chegou a ser cronista de todos os actos referidos a Galicia celebrados en Cataluña, coma unha vez establecido en Lugo.[Cómpre referencia]

Foi premiado en numerosos concursos literarios. Destacan os primeiros premios de poesía Meigas e Trasgos de Sarria nos anos 1976 e 1980, o Premio Xosé Mª Chao Ledo no III Certame Literario de Vilalba, en 1977, e o primeiro premio do Certame Literario de Begonte en 1985, ano no que a familia se trasladou a vivir a Lugo.[1]

En prosa, acadou o primeiro premio Nós de Barcelona en 1980. En Sarria, mereceron o premio Meigas e Trasgos dous contos seus en 1977 e en 1986. En Barakaldo gañou un premio en 1978. En 1985 e 1987 quedou finalista na sección de Reportaxe dos Premios Galicia de Xornalismo.[Cómpre referencia]

Centro Socio-Cultural Manuel Rodríguez López.

Varios dos seus poemas foron musicados e cantados por Suso Vaamonde, Xerardo Moscoso, Alfredo González Vilela e Mary C. Otero Rolle.

En 1987 retornou a Lugo. En 1989 Diagnostícaselle cancro de vexiga[1]. No ano do seu pasamento (1990), foi nomeado a título póstumo "Fillo Predilecto de Paradela" e "Lucense del año 1989". En 1995 os seus restos foron trasladado ó Panteón de Paradelenses Ilustres.

Legado

[editar | editar a fonte]

Manuel Rodríguez deixou un inmenso legado para a Cultura Galega e o círculo emigrante Galego de Barcelona.[3] Tamén influíu ós emigrantes Galegos do mundo. Isto o fixo coa súa obra xornalística e cos seus dous libros "Galegos en Catalunya" I e II. Outro legado que deixou foi o do Certame Literario a el adicado, que axuda financeiramente a autores e autoras que escriben en galego ou castelán.

Foi un asiduo colaborador en medios de comunicación de Galicia, Cataluña e a Arxentina. Foi correspondente de Faro de Vigo e de El Ideal Gallego na Cidade Condal, onde firmaba co seu nome de pía completo. Colaborou asiduamente en El Progreso de Lugo, La Voz de Galicia e Praza Maior (voceiro do Concello de Lugo).[3]

Cronista Oficial do Centro Galego de Barcelona, publicou numerosos artigos nas revistas Boletín, Treboada e Alborada desa entidade. Colaborou en Correo de Galicia e outros xornais e revistas de Buenos Aires e publicou diversos artigos nas revistas galegas Coordenadas e Dorna. Así mesmo foi colaborador en Radio Nacional de España na Coruña e Radio Popular de Lugo, centrándose as súas colaboracións en temas de historia lucense, monumentalidade e viaxes.[3]

Centro Socio-Cultural Manuel Oreste Rodríguez López

[editar | editar a fonte]

En 1990 inaugurouse a Casa de Cultura de Paradela "Manuel Rodríguez López" e, no 2001, o novo "Centro Socio-Cultural Manuel Rodríguez López" onde se celebra o Certame[4]. O centro ten facilidades bibliotecarias e contén un Salón e ordenadores xunto a espazo social que esta dispoñible para a comunidade. O Premio Literario Manuel Oreste Rodríguez López vense celebrando alí dende o ano 1995 organizado polo Concello de Paradela[4]. A última e décimo-sétima edición celebrouse no ano 2012[5].

Biblioteca do Centro Socio-Cultural.

Vida persoal

[editar | editar a fonte]

Casou con Irene López Gómez (O Páramo), e foi pai de dous fillos.

Obras

[editar | editar a fonte]

Poesía

[editar | editar a fonte]

Prosa

[editar | editar a fonte]
  • Reencontro coa aldea (1983). Sada: Ediciós do Castro. ISBN 9788474921656.
  • Galegos en Catalunya 1978-1982 (1983). Publicacions do Centro Galego de Barcelona. Prólogo de Manuel Casado Nieto.
  • Galegos en Catalunya-2 (1985).[6] Centro Galego de Barcelona, coa colaboración do Centre de Documentació de les Cultures de les Comunitats Autònomes, del Departament de la Presidència de la Generalitat de Catalunya.
  • Viaxes con Ánxel Fole (1988). Sada: Ediciós do Castro. ISBN 978-8474923940.
  • Festa da Virxe das Dores de Paradela 1989 (1989).[7]

Teatro

[editar | editar a fonte]
  • Vivimos unha longa traxedia.[8]

Traducións

[editar | editar a fonte]

Libros publicados na Biblioteca Virtual de GaliciaDixital

[editar | editar a fonte]
  • Lugueses (2020)
  • Semblanzas de galegos ilustres (2020)
  • Vacacions en Galicia: Vivir Galicia (2020)
  • Vivimos unha longa traxedia (peza teatral) (2020)

Colaboracións en libros colectivos

[editar | editar a fonte]
  • Homaxe ó Che (1970)
  • A Nosa Terra (de "Libro de Oro", no centenario de Ramón Cabanillas) (1976)
  • Homenaxe multinacional a Castelao (1976)
  • Galicia no ano 1979 (1979)
  • José Mª Acuña (1983)
  • Os escritores lucenses arredor de Fole (1986)
  • Voces poéticas (1987)
  • Paradela y su concello (1990)
  • Aliad-Ultreia. Poesía. Pintura (1993)

Notas

[editar | editar a fonte]
  1. ↑ 1,0 1,1 1,2 1,3 Folleto 'Manuel Rodríguez López, emigrante galego, poeta obreiro'
  2. ↑ "MRL Manuel Rodríguez López". www.manuelrodriguezlopez.org. Consultado o 2023-01-01. 
  3. ↑ 3,0 3,1 3,2 "Manuel Oreste Rodríguez López Galegos Gallegos". galegos.galiciadigital.com. Consultado o 2023-01-01. 
  4. ↑ 4,0 4,1 "Manuel Oreste Rodríguez López". galegos.galiciadigital.com. Consultado o 2019-02-04. 
  5. ↑ "Certame Literario Manuel Rodríguez López". www.manuelrodriguezlopez.org. Consultado o 2019-02-04. 
  6. ↑ "Galegos en Catalunya 2 Biblioteca Virtual de GaliciaDigital". bibliotecavirtual.galiciadigital.com. Consultado o 2023-01-01. 
  7. ↑ "Festa da Virxe das Dores de Paradela 1989 Biblioteca Virtual de GaliciaDigital". bibliotecavirtual.galiciadigital.com. Consultado o 2023-01-01. 
  8. ↑ "Vivimos unha Longa Traxedia Biblioteca Virtual de GaliciaDigital". bibliotecavirtual.galiciadigital.com. Consultado o 2023-01-01. 

Véxase tamén

[editar | editar a fonte]

Bibliografía seleccionada

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Manuel_Rodríguez_López&oldid=6884291»