Manuel Loureda

Na Galipedia, a Wikipedia en galego.
Saltar ata a navegación Saltar á procura
Manuel Loureda
Información persoal
Nome completo Manuel Loureda Calvete
Nacemento 11 de novembro de 1941
  A Coruña
Falecemento 30 de xuño de 2017
Nacionalidade España
Altura 1,77 m.
Posición Dianteiro
Carreira xuvenil
Sporting Coruñés
Deportivo da Coruña
Carreira sénior
Anos Equipos Aprs (Gls)
1961–1974 Deportivo da Coruña 286 (51)
* Partidos e goles só en liga doméstica.
† Aparicións (Goles)

Manuel Loureda Calvete, nado na Coruña o 11 de novembro de 1941 e finado o 30 de xuño de 2017, foi un futbolista galego. Xogaba de dianteiro e pasou toda a súa carreira no Deportivo da Coruña.

Traxectoria[editar | editar a fonte]

Na tempada 1961–62 foi convocado co Deportivo da Coruña en Segunda División, pero non chegou a xogar ningún partido de liga. Ese ano o club coruñés logrou o ascenso, baixo a tutela do adestrador biscaíno Juan Otxoa.

Na tempada 1962–63 debutou en Primeira División, da man do adestrador Enrique Rabassa (ese ano o club tería dous adestradores máis: Rodrigo García Vizoso e Lelé). O seu primeiro partido foi nunha derrota contra o Real Madrid a domicilio (2–1), na xornada 2. O seu primeiro gol (e único nesa campaña) chegou na xornada 17, precisamente contra o Real Madrid pero esta vez en Riazor, partido que rematou tamén en derrota (1–3). Ese ano, os titulares no ataque deportivista eran José Veloso, Óscar Montalvo e Jaime Blanco; estando máis secundarios Miguel Sánchez Rus e Manuel Loureda. Con todo, esa campaña o equipo descendeu a Segunda División.

Na tempada 1963–64, da man do adestrador arxentino Roque Olsen, Loureda foi o atacante que máis partidos xogou e obtivo o seu mellor rexistro como goleador (15 tantos). Os outros atacantes ese ano foron Montalvo, Veloso e José Ramón Lamelo. O equipo gañou a categoría e ascendeu novamente a Primeira División.

Permaneceu no Deportivo até a tempada 1973–74 (13 campañas como branquiazul). Ese ano participou en 19 partidos, sen poder evitar o descenso a Terceira División, por primeira e única vez na historia do club coruñés.

En total, en toda a súa carreira disputou 311 partidos e logrou 66 goles, todos co Deportivo.[1]

Faleceu o 30 de xuño de 2017, aos 75 anos de idade.[2]

Palmarés[editar | editar a fonte]

Deportivo

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]