Esus

Esus no Piar dos Nautes

Esus foi un deus galo que formaba con Teutates e Taranis unha tríade divina.

Imaxinería

Esus aparece representado en dous monumentos, no Piar dos Nautes do século I d.C. Esus, que leva unha túnica semellante a unha exómida, está podando unha árbore cun podón na súa man dereita. Nun baixorrelevo en Tréveris Esus acanea unha árbore na que hai pousados tres paxaros e na que se observa tamén unha cabeza de touro por riba das ponlas.

Textos

Lucano menciona a Esus na súa Pharsalia co epíteto de horrendo caracterizándoo polos seus crueis sacrificios . Nas glosas realizadas á obra de Lucano en Berna entre o século IV e o IX un comentarista identifícao con Mercurio e outro con Marte, tamén se indica que para calmalo realizábase o sacrificio dun home, ao que se aforcaba dunha árbore.