Bríxida (deusa)
| Brigit | |
|---|---|
Protección, curación, poesía, e forxa | |
 Cruz de Bríxida | |
| Outros nomes | Brigid, Bríxida, Bride |
| Venerado en | Illa de Irlanda, Escocia, partes de Gales e Inglaterra e posibelmente na antiga Gallaecia e outros lugares de Europa.[1][2] |
| Afiliación | Panteón celta |
| Centro de culto | Kildare |
| Animais | Vaca (asociada con lactantes e coa fertilidade) |
| Símbolos | Tríscele, cruz de Brigit |
| Árbore | Carballo, Quercus |
| Día | 1 de febreiro (Imbolc) |
| Cor | Branco, vermello, roxo, verde |
| Textos | Mitoloxía celta |
| Xénero | Feminino |
| Festivais | Imbolc |
| Equivalentes | |
| Equivalente grego | Hestia |
| Equivalente romano | Vesta |
| Equivalente cristián | Sta Bríxida de Irlanda |
Bríxida (tamén grafada como Brighid, Brigid ou Brigit) é unha deusa celta moi popular en Irlanda, deusa da inspiración e do lume. Bríxida era representada por tres mulleres, Bríxida, a poetisa, Bríxida, a menciñeira, e Bríxida, a ferreira, sendo coñecida coma a deusa da Tripla Lapa, pois o lume alimenta as forxas, quenta os experimentos dos alquimistas, e incendia a mente dos poetas. Deu lugar a múltiples topónimos na Europa atlántica.
Bríxida é unha das deusas chamadas de pancélticas, pois foi loada por todos os diferentes pobos celtas. Bríxida era filla do deus supremo Dagda, e un dos Tuatha Dé Danann. Era a dona de Bres, rei dos Tuatha Dé Danann, con quen tivo un fillo, Ruadán.
Orixe e toponimia asociada
[editar | editar a fonte]En irlandés antigo Brigit (ˈbrɪʝɪdʲ) pasou a escribirse coma Brighid no irlandés moderno. A forma antiga pasou ao inglés coma Bridget, e ao galego antigo coma Brigida (hoxe escrito Bríxida). Estaría tamén relacionado o nome da deusa celta Brigantia, loada na Gran Bretaña e a Gallaecia.
Topónimos que derivan de Brigid
[editar | editar a fonte]- Brìghde/Brìde (Escocia)
- Fraid (Gales)
- Brigindū (Galia)
- Brigantia (vila da Gallaecia, hoxe Betanzos)
- Braga (capital da Gallaecia, hoxe no Norte de Portugal)
- Braganza (vila da Gallaecia, hoxe no Norte de Portugal)
- Brigantis (Gran Bretaña)
- Bregenz (Austria)
Notas
[editar | editar a fonte]- ↑ A posibilidade de que Brigit fose venerada na Gallaecia prerromana está sustentada pola coincidencia do festival celta de Imbolc, que ela protagoniza, coa Candeloria galega, celebrados nos primeiros días de febreiro e a similitude entre ambos e a extensión do culto celta a por rexións culturalmente conectadas durante a era pre-cristiá, Ademais, topónimos como Brigantia, Braga e Braganza parecen estar relacionados con ela.
- ↑ https://celtic.mythologyworldwide.com/the-myths-of-brigid-a-journey-through-celtic-history/
