Edgar Allan Poe

Na Galipedia, a Wikipedia en galego.
Saltar para a navegação Saltar para a pesquisa
Edgar Allan Poe
Edgar Allan Poe 2.jpg, Edgar Allan Poe daguerreotype crop.png, Edgar Allan Poe portrait B.jpg e Edgar Allan Poe Aubrey.Beardsley.jpg
Daguerrotipo de Edgar Allan Poe en 1849
Nome completo Edgar Allan Poe
Nacemento 19 de xaneiro de 1809
  Boston
Falecemento 7 de outubro de 1849
  Baltimore, Maryland
Soterrado Westminster Hall and Burying Ground
Nacionalidade Estados Unidos de América
Etnia Povo dos Estados Unidos
Educado en Universidade da Virgínia e Academia Militar dos Estados Unidos
Ocupación poeta, escritor, ensaísta, crítico literario, dramaturgo, xornalista, escritor de ciencia ficción, detective writer e novelista
Cónxuxe Virginia Eliza Clemm Poe
Xéneros poesía
Coñecido/a por O Gato Preto, The Pit and the Pendulum, Os crimes da rúa Morgue, The Oval Portrait, Tell Tale Heart, A narración de Arthur Gordon Pym, The Raven, A carta roubada, The Gold-Bug e A Queda da Casa de Usher
Edgar Allan Poe Signature.svg
editar datos en Wikidata ]

Edgar Allan Poe, (/p/) nado como Edgar Poe o 19 de xaneiro de 1809 en Boston e finado o 7 de outubro de 1849 en Baltimore, foi un novelista, ensaísta, editor e crítico literario estadounidense, coñecido pola súa poesía e as súas historias curtas, en particular os seus contos de misterio e terror. Está amplamente considerado unha das figuras principais do romanticismo escuro nos Estados Unidos e na literatura estadounidense no seu conxunto, e foi un dos primeiros escritores de historias curtas do seu país. Poe considérase xeralmente o inventor do xénero de ficción de detectives e acredítaselle unha contribución ó xénero emerxente da ciencia ficción.[1] Foi o primeiro escritor estadounidense con certa fama en tentar gañarse a vida só coa escritura, pasando por mor disto diversas dificultades económicas na súa vida e carreira profesional.[2]

Traxectoria[editar | editar a fonte]

Formación e primeira publicación[editar | editar a fonte]

Os seus pais foron David e Elizabeth Arnold Poe, mais o seu pai abandonounos ó pouco de nacer Edgar. A súa nai morreu en Richmond en 1811. Edgar foi acollido entón por Frances Allan e John Allan. Este nunca adoptou legalmente a Poe, mais si lle deu o seu apelido. As tensións desenvolvéronse posteriormente polas disputas entre John Allan e Edgar por mor das débedas deste último, incluíndo as provocadas polas apostas e os custos da súa educación secundaria. Poe asistíu á Universidade de Virxinia durante un semestre, pero deixou os estudos por falta de cartos. Mantivo unha litixio con Allan sobre os cartos para a súa educación e finalmente alistouse no exército en 1827 baixo un nome falso. Foi neste tempo cando comezou a súa carreira literaria, se ben de forma humilde, coa colección anónima Tamerlane and Other Poems, acreditada a "un bostoniano". Coa morte de Frances Allan en 1829, Poe e John Allan reconciliáronse de forma temporal. Poe suspendeu as probas para oficial cadete en West Point, declarando o seu firme desexo de ser poeta e escritor, e finalmente puxo fin a súa relación familiar con John Allan.

Revistas e relatos curtos[editar | editar a fonte]

En 1831 volve a Baltimoreu, á casa da súa tía María Clemn. Ese ano desátase a peste en Baltimore. Esta inspiroulle The King Pest (1834) e A Máscara da Morte Bermella (1842). En 1836 casou con Virginia Clemn en segredo. En 1837 trasladouse a Nova York e publicou As aventuras de Arthur Gordon Pym. En 1838 trasladouse a Filadelfia, onde traballou coma axudante de edición na revista Burton's Gentleman's. En 1840 a editorial Lea & Blanchard publica 25 relatos en dous volumes: Tales of the Grotesque and Arabesque. Deixa Burton's Gentleman's e comeza a tentar lanzar a súa propia revista crítica independente. Logo do primeiro fracaso nesa tentativa, entra en Grahan's Magazine.

Éxito[editar | editar a fonte]

Foi entre os anos 1842-1847 en Nova York cando acadou o seu maior éxito, en particular logo de que o New York Times publicase o seu máis célebre poema: "O Corvo". Chega a facerse co Broadway Journal como editor e propietario. En 1847 morre Virxinia, e Poe colapsa no alcohol. Nos derradeiros días de lucidez publica "Eureka", un poema en prosa sobre a creación e a evolución do Universo.

Obra[editar | editar a fonte]

Entre as súas obras máis célebres cóntanse:

Notas[editar | editar a fonte]

  1. Stableford 2003, pp. 18–19.
  2. Meyers 1992, p. 138.

Véxase tamén[editar | editar a fonte]

Bibliografía[editar | editar a fonte]

  • Meyers, Jeffrey (1992). Edgar Allan Poe: His Life and Legacy (en inglés). Nova York: Cooper Square Press. ISBN 978-0-8154-1038-6. 
  • Stableford, Brian (2003). "Science fiction before the genre". En James, Edward; Mendlesohn, Farah. The Cambridge Companion to Science Fiction (en inglés). Cambridge University Press. pp. 15–31. ISBN 978-0-521-01657-5.