West Point

Na Galipedia, a Wikipedia en galego.
Saltar ata a navegación Saltar á procura

Coordenadas: 41°23′32″N 73°58′39″O / 41.39222, -73.97750

Vista aérea de West Point, na beira do río Hudson. Foto de 2013
Á esquerda, situacion do condado de Orange no Estado de Nova York; á dereita, situación de West Point no condado

West Point é o posto militar máis antigo dos Estados Unidos ocupado continuamente.

Situado no condado de Orange do Estado de Nova York, na beira do río Hudson, West Point foi identificado polo xeneral George Washington como a posición estratéxica máis importante de Norteamérica durante a Revolución Americana.

Xeografía[editar | editar a fonte]

Situada na cidade de Highland Falls, no condado de Orange do Estado de Nova York, West Point abarca unha extensión de 64,9 km2, incluíndo o campus da Academia Militar dos Estados Unidos, que normalmente se chama "West Point".

No ano 2010 tiña unha poboción de 6 763 habitantes,[1] polo que, nese ano, a súa densidade de poboación era de 104,05 hab./km2

Demografía[editar | editar a fonte]

Segundo a Oficina do Censo dos EE. UU., no ano 2020 os ingresos medios por fogar na localidade eran de $56 516, e os ingresos medios por familia eran de $56 364. Ao redor do 2,0 % da poboación estaban por debaixo do limiar de pobreza.[2]

Historia[editar | editar a fonte]

Até xaneiro de 1778, West Point non foi ocupado polos militares. O 27 de xaneiro de 1778, o xeneral de brigada Samuel Holden Parsons e a súa brigada cruzaron o xeo no río Hudson e subiron á chaira de West Point e, desde ese día até a actualidade, West Point foi ocupada polo exército dos Estados Unidos.

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]