Dhogs
Dhogs | |
---|---|
Ficha técnica | |
Título orixinal | Dhogs |
Director | Andrés Goteira |
Produtor | Suso López |
Guión | Andrés Goteira |
Intérpretes | Melania Cruz Antonio Durán "Morris" Miguel de Lira Carlos Blanco Vila Iván Marcos María Costas |
Música | Óscar Trigo Germán Díaz |
Fotografía | Lucía Catoira Pan[1] |
Montaxe | Juan Galiñanes Andrés Goteira |
Estudio | Gaitafilmes Pixelfilms |
Estrea | Festival de Cine Independente de Buenos Aires |
Duración | 85 minutos |
Orixe | Galicia |
Xénero | Thriller |
Orzamento | 120 000 € |
Na rede | |
Dhogs é un filme independente galego en lingua galega[2] dirixido polo meirense Andrés Goteira que foi estreado no ano 2017. Trátase do primeiro filme do director,[3] e está protagonizado por Carlos Blanco Vila, Antonio Durán "Morris", Miguel de Lira, Melania Cruz, Iván Marcos e María Costas. Estreouse no Festival Internacional de Cine Independente de Buenos Aires (BAFICI) o 19 de abril de 2017, competindo dentro da sección Vangarda e Xénero deste certame.[4] Trátase do primeiro filme rodado en galego que se estrea no festival de Sitges,[5] o 9 de outubro de 2017.[6] A nivel galego a estrea levouse a cabo no marco do Festival de Cine Internacional de Ourense (OUFF) o 21 de outubro de 2017.[7]
Argumento
O filme conecta 6 historias paralelas que xiran arredor de diferentes personaxes: unha muller fermosa, un home cunha vida escura, un taxista e un vello ex-militar.
Produción
O filme contou con financiamento de AGADIC e da Deputación de Lugo, pero tamén se conseguiu parte do orzamento do filme a través da plataforma Verkami,[8] con máis de 400 mecenas. Roduse en varias localizacións de Galicia, como Viveiro, As Pontes, Oleiros e A Coruña, así como no deserto de Tabernas, en Almería.
Galardóns e nomeamentos
Premios Mestre Mateo 2017
Dhogs gañou trece premios, incluíndo mellor filme, mellor director, mellor guión, mellor actor, mellor actriz, mellor actor secundario e mellor actriz secundaria, converténdose no filme máis premiado da historia dos premios.[9] Estaba nomeado a 17 premios en 14 categorías.
Categoría | Persoa | Resultado |
---|---|---|
Mellor longametraxe | Gañadora | |
Mellor director | Andrés Goteira | Gañador |
Mellor actor | Iván Marcos | Gañador |
Mellor actriz | Melania Cruz | Gañadora |
Mellor actor secundario | Antonio Durán "Morris" | Gañador |
Mellor actor secundario | Carlos Blanco Vila | Nomeado |
Mellor actor secundario | Miguel de Lira | Nomeado |
Mellor actriz secundaria | María Costas | Gañadora |
Mellor guión | Andrés Goteira | Gañador |
Mellor dirección de produción | Suso López | Gañador |
Mellor dirección artística | Noelia Vilaboa | Gañador |
Mellor montaxe | Andrés Goteira e Juan Galiñanes | Gañador |
Mellor música orixinal | Germán Díaz | Gañador |
Mellor son | David Machado e Javier Pato | Gañadores |
Mellor fotografía | Lucía Catoira Pan | Gañadora |
Mellor maquillaxe e peiteado | Ana Coya | Nomeada |
Mellor deseño de vestiario | María Porto | Nomeada |
Notas
- ↑ CRTVG (ed.). "Lucía Catoira Pan, directora de fotografía en 'Dhogs' de Andrés Goteira". Consultado o 8 de outubro de 2017.
- ↑ "Estrea mundial en Buenos Aires da película 'Dhogs' de Andrés Goteira". Culturagalega.org. 3 de abril de 2017. Consultado o 8 de outubro de 2017.
- ↑ Rodríguez, J. C. (6 de abril de 2017). "La película 'Dhogs', del meirense Andrés Goteira, lista para su estreno". Cadena Ser. Consultado o 8 de outubro de 2017.
- ↑ El Blog de Cine Español (ed.). "La película “Dhogs”, de Andrés Goteira, se estrenará en el festival internacional de cine independiente de Buenos Aires (BAFICI)". Consultado o 8 de outubro de 2017.
- ↑ Dopico, Montse (4 de agosto de 2017). "Andrés Goteira: "Dhogs pregunta se imos quedar, como sociedade, aí sentados sen facer nada"". Praza.gal. Consultado o 8 de outubro de 2017.
- ↑ "‘Dhogs’ estréase o 9 de outubro no Festival de Sitges". 5 de outubro de 2017. Consultado o 8 de outubro de 2017.
- ↑ "DHOGS | OUFF | Festival de Cine Internacional de Ourense". www.ouff.org. Consultado o 2017-10-29.
- ↑ Crea.gal (ed.). "ANDRÉS GOTEIRA". Consultado o 8 de outubro de 2017.
- ↑ Academia Galega do Audiovisual (ed.). "A longametraxe Dhogs arrasa nos XVI Premios Mestre Mateo". Consultado o 4 de marzo de 2018.
Véxase tamén
Ligazóns externas
- Páxina oficial (en galego)
- Dhogs na IMDb (en inglés).