Melania Cruz

Na Galipedia, a Wikipedia en galego.
Melania Cruz
Melania Cruz presentación Doghs no OUFF 2017.jpg
Melania Cruz en 2017 no OUFF na presentación de Dhogs.
Nome completoMelania Pérez Cruz
Alcume/outrosMelania Cruz
Nacemento25 de xullo de 1983
LugarLugo
NacionalidadeEspaña
Educada enUniversidade de Santiago de Compostela
Profesiónactriz
Na rede
http://www.melaniacruz.net/
IMDB: nm6878395 Editar o valor em Wikidata
editar datos en Wikidata ]

Melania Pérez Cruz, nada en Lugo o 25 de xullo de 1983, é unha actriz galega de televisión, cinema e teatro.

Foi Premio da Cultura Galega, modalidade Artes Escénicas en 2022.[1]

Traxectoria[editar | editar a fonte]

Comezou dende nova facendo teatro de xeito afeccionado na súa cidade, e posteriormente obtivo o título en ensinanza superior pola Escola Superior de Arte Dramática de Galicia. No 2009 comezou a súa relación coa compañía Escénate con catro espectáculos. No 2010 protagonizou xunto con Josito Porto a obra Ai, Carmela! e no 2013 participou en Los que no pudieron huir de 611 Teatro e máis nunha adaptación de Inventarios de Philippe Minyana baixo a dirección de Cristina Domínguez.

En 2012 fundou xunto a catro compañeiros a compañía ilMaquinario Teatro[2] estreando a súa primeira montaxe, O home almofada (dirixida por Tito Asorey) na que dá vida ao personaxe protagonista, Katurian.[3] En 2014 estrearon Perplexo[4], espectáculo que consegue cinco Premios María Casares e polo que é nomeada ao premio de mellor actriz protagonista.

No 2014 participou no filme galego A esmorga, dirixido por Ignacio Vilar e no que interpretou o papel da Raxada[5]. En 2015 traballou como actriz secundaria nas series Urxencia cero e Serramoura.

No ano 2016 gañou o premio María Casares á mellor actriz protagonista pola súa interpretación do personaxe de Lucía en Xardín suspenso, de Abel Neves, dirixida por Cándido Pazó no Centro Dramático Galego[6]. En 2017 traballou nas series Fontealba e Viradeira. En 2018 recibiu o Premio Mestre Mateo á mellor actriz polo seu papel protagonista en Dhogs, baixo a dirección de Andrés Goteira, e en 2019 gañou outro Mestre Mateo, esta vez o de actriz secundaria, polo seu traballo no filme Trote, ópera prima de Xacio Baño. En 2020 foi galardoada co Premio Cinema Galego do FICBUEU.[7]

Dende 2019 interpreta a comisaria Manuela Fortes na serie A estiba, da Televisión de Galicia.[8]

En 2019, fundou xunto a Tito Asorey a compañía A quinta do cuadrante, coa que levaron a escena O empapelado amarelo e gravaron as curtas A farsa das zocas e As mulleres do porvir e a ficción radiofónica La lindona de Galicia. En 2022 Continente María, un espectáculo de teatro contemporáneo para divulgar a figura de María Casares.[9]

Longametraxes[editar | editar a fonte]

Televisión[editar | editar a fonte]

  • Viradeira (TVG, como Maca)
  • Fontealba (TVG, como Marisa)
  • Serramoura (TVG, T3 e T4 como Micaela Morais)
  • Urxencia cero (TVG, como Marta)
  • Contou Rosalía (TVG, como Rosalía)
  • A estiba (TVG, como Manuela Fortes)
  • Operación Marea Negra (Amazon Prime, como Sargento Freitas)
  • La unidad (Movistar+, como Psicóloga)

Curtametraxes[editar | editar a fonte]

  • Nido (Alejandro Rodríguez, 2021)
  • As mulleres do porvir (Tito Asorey, 2020)
  • A farsa das zocas (Tito Asorey, 2020)
  • Arrolo (Lucía Estévez, 2019)
  • Albedrío (J.S. Raimundi e Álex Vázquez, 2017)
  • Papá llevaba peluca (Chema Montero, 2016)
  • Ao terceiro día (Vicente Pedreira, 2015)
  • El coche rojo (Karla Taveras, 2015)
  • Desde dentro (Samuel Lema, 2015)
  • La falta (Francisco González, 2012)
  • Una mala noche (Fernando Rivero, 2011)

Teatro[editar | editar a fonte]

  • Continente María (Tito Asorey, 2022)
  • Fariña (Tito Asorey, 2021)
  • A lindona de Galicia (Tito Asorey, 2021)
  • Medida por Medida (Quico Cadaval, 2019)
  • O empapelado amarelo (Tito Asorey, 2019)
  • O Tolleito de Inishmaan (Cándido Pazó, 2017)
  • X Premio de Teatro Radiofónico do Diario Cultural (Marta Pazos, 2017)
  • Resaca (Tito Asorey, 2017)
  • IX Premio de Teatro Radiofónico do Diario Cultural (Tito Asorey, 2016)
  • Xardín Suspenso (Cándido Pazó, 2015)
  • Perplexo (Tito Asorey, 2014)
  • Inventarios (Cristina Domínguez, 2013)
  • Los que no pudieron huír (Javier Hernández- Simón, 2013)
  • O home almofada (Tito Asorey, 2012)
  • A fala das pedras (Ana Carril, 2012)
  • Xeración Nós (Ana Carril, 2011)
  • Ai, Carmela! (Tito Asorey, 2010)
  • Lugo. Ciudad 10 (Ana Carril, 2010)
  • Lugo de Alma Romana (Ana Carril, 2009)

Galardóns e nomeamentos[editar | editar a fonte]

Premios Mestre Mateo[editar | editar a fonte]

Ano Categoría Filme Resultado
2018 Mellor actriz protagonista Dhogs Gañadora
2019 Mellor actriz protagonista Contou Rosalía Nomeada
Mellor actriz secundaria Trote Gañadora
2021 Mellor actriz protagonista Ons Gañadora

Premios María Casares[editar | editar a fonte]

Ano Categoría Traballo Resultado
2016 Mellor actriz protagonista Xardín suspenso Gañadora
2015 Mellor actriz protagonista Perplexo Nomeada
2017 Mellor actriz protagonista Resaca Nomeada
2021 Mellor texto orixinal O empapelado amarelo Nomeada

Premios FICBUEU

Ano Categoría Festival
2020 Premio Cinema Galego FICBUEU

Notas[editar | editar a fonte]

  1. Galicia, Xunta de (2022-10-04). "Os premios da Cultura Galega 2022 recaen en Marica Campo, María Victoria Carballo-Calero, Melania Cruz, Música en Compostela, Xosé Manuel Gayoso, Manuel González, Xacarandaina e o programa ConCiencia". Xunta de Galicia. Consultado o 2022-10-04. 
  2. "Melania Cruz: grazas á miña avoa son actriz". La Región. 15 de xaneiro de 2015. 
  3. Sas, Francisco (18 de outubro de 2014). "Melania Cruz: "Foi complicado traballar un texto duro coma este, que non é para nenos"". Faro de Vigo. Consultado o 23 de decembro de 2014. 
  4. "Il Maquinario colleita cinco premios María Casares coa obra Perplexo". La Voz de Galicia. 27 de marzo de 2015. 
  5. [1] Entrevista á actriz Melania Cruz por Pilar Comesaña. Zigzag diario. Publicado o 27 de marzo de 2015.
  6. [2] Arquivado 09 de maio de 2016 en Wayback Machine. Melania Cruz gaña o premio a mellor actriz nos María Casares. Xornal de Lugo. Publicado o 31 de marzo de 2016.
  7. "A actriz Melania Cruz, Premio Cinema Galego do FICBUEU". Pontevedra Viva. Consultado o 2020-07-23. 
  8. "El «thriller» policial «A estiba» llega a TVG". La Voz de Galicia (en castelán). 18 de setembro de 2019. Consultado o 22 de outubro de 2019. 
  9. "María Casares volve á escena nunha fusión de teatro, música e poesía". La Voz de Galicia (en castelán). 2022-05-27. Consultado o 2022-05-29. 

Véxase tamén[editar | editar a fonte]

Ligazóns externas[editar | editar a fonte]