Changui

Na Galipedia, a Wikipedia en galego.
Saltar ata a navegación Saltar á procura
Changui
Información persoal
Nome completo Marcos Yáñez Fernández
Nacemento 10 de abril de 1977 (42 anos)
Lugar Boiro, Galicia
Altura 1,82 m.
Posición Dianteiro
Información de club
Club actual Boiro
Carreira sénior
Anos Equipos Aprs (Gls)
1996–1997 Vista Alegre 34 (27)
1997–2000 Compostela 44 (16)
1998–1999Pontevedra (cedido) 28 (21)
2000–2001 Elche 28 (6)
2001–2002 Poli Ejido 11 (1)
2002–2006 Deportivo da Coruña 2 (0)
2003–2004Las Palmas (cedido) 34 (3)
2005Pontevedra (cedido) 15 (3)
2005–2006Skoda Xanthi (cedido)
2006–2007 Extremadura
2007–2009 Ciudad de Santiago 20 (4)
2009–2010 Santiago
2010–2011 Boiro
2011–2012 Estradense 31 (12)
2012-2013 Atlético de Riveira
2012–2013 Ribadumia 17 (19)
2013–2014 Ribadumia 22 (19)
2014–2015 Ribadumia 34 (24)
2015–2016 Ribadumia 33 (24)
2016–2017 Ribadumia 21 (11)
2017–2018 Ribadumia 35 (19)
2018–2019 Boiro
* Partidos e goles só en liga doméstica.
† Aparicións (Goles)

Marcos Yáñez Fernández, máis coñecido como Changui, nado en Boiro o 10 de abril de 1977, é un futbolista galego. Xogou de dianteiro centro estando na tempada 2018/2019 no CD Boiro.

Traxectoria[editar | editar a fonte]

Comezou a destacar no equipo do seu pobo natal, ata que foi captado pola SD Compostela. Pronto se destapou como un dianteiro con gol, e no seu primeiro ano no filial, o Vista Alegre, foi máximo goleador de Terceira División. Na 97/98, último ano do Compostela na máxima categoría, debuta no primeiro equipo. Xoga seis partidos e marca un gol. Na tempada 98/99 non acepta volver ao filial, polo que é cedido ao Pontevedra CF, con quen se proclama como un dos máximos goleadores da Segunda B. Ademais, en maio de 1999 volve ao Compostela, marcando 4 goles en 4 xornadas. No 99/00 consolídase na SD Compostela, e consegue 15 goles en 38 partidos. E chegou a fichaxe polo Deportivo da Coruña, no que case non xogou, entre o 2000 e o 2006 só xogou dous partidos co equipo. Cada pretemporada era descartado e cedido a un equipo: Elche CF (00/01), Polideportivo Ejido (01/02), sen ficha nin equipo na 02/03, UD Las Palmas (03/04), Pontevedra CF (04/05) e o Skoda Xanthi grego (05/06). En case todos este equipos foi suplente e non volveu ás marcas goleadoras dos tempos do Compostela.

Na tempada 2006–07 desvinculouse do Deportivo da Coruña e fichou polo CF Extremadura, equipo co que descendería a Terceira División. No verán de 2007 retornou a Santiago de Compostela e fichou polo SD Ciudad de Santiago, o primeiro equipo da capital galega despois da liquidación da antiga SD Compostela. Permaneceu no club santiagués dúas tempadas, momento no que se disolveu o club, e pasou a outro equipo da cidade, o Santiago de Compostela CF. Na tempada 2006-2007 militou no C.F. Extremadura (2ª B), na 2009-2010 no Santiago de Compostela (Preferente Norte. Na tempada 2010–11 fichou polo CD Boiro, de Preferente Autonómica. Na 2012-2013 estivo no Atlético Riveira (1ª autonómica). En 2013 fichou polo Ribadumia C.F. (Preferente Sur). Na tempada 2014-2015 xogou no C.D. Ribadumia (3ª, Grupo 1) ata a 2017-2018 na que fichou polo Puebla C.F. (1ª Galicia, Grupo 2). Na tempada 2018-2019 volveu ao CD Boiro (3ª, Grupo 1).

Véxase tamén[editar | editar a fonte]

Ligazóns externas[editar | editar a fonte]