Carlos de Inglaterra
Charles Philip Arthur George Windsor máis coñecido como Carlos de Inglaterra, nado en Londres o 14 de novembro de 1948, é un aristócrata inglés, herdeiro ao trono do Reino Unido e da Commonwealth.
É o fillo máis vello da raíña Isabel II e do príncipe Filipe de Edimburgo. Recibe o título oficial de Príncipe de Gales, ademais dos títulos históricos de duque de Cornualles, duque de Rothesay (Escocia), conde de Carrick, barón de Rebfrew e Señor das Illas, así coma conde de Chester. En caso de reinar, usaría o nome real de Carlos III (Charles III), aínda que afirmou en varias ocasións que elixiría o nome do seu avó para reinar, neste caso sería Xurxo VII (George VII).
Casou con Diana Frances Spencer o 29 de xullo de 1981, coa que tivo dous fillos, Guillerme de Cambridge e Henrique de Gales. O 28 de agosto de 1996 firmaron o divorcio, un ano antes da morte de Diana o 31 de agosto de 1997.
Casou de novo con Camilla Parker-Bowles, con quen tivo relacións antes e durante o seu primeiro matrimonio, o 9 de abril de 2005.
Títulos[editar | editar a fonte]
- 14 de novembro de 1948 – 6 de febreiro de 1952: S.A.R. Príncipe Carlos de Edimburgo
- 6 de febreiro de 1952 – 26 de xullo de 1958: S.A.R. O Duque de Cornualles
- 26 de xullo de 1958 – presente: S.A.R. O Príncipe de Gales
- en Escocia: 6 de febreiro de 1952 – presente: S.A.R. O Duque de Rothesay
| Predecesor: Príncipe Eduardo, Duque de Cornualles |
Príncipe de Gales 1958 – presente |
Sucesor: ? |
Véxase tamén[editar | editar a fonte]
Ligazóns externas[editar | editar a fonte]
|
