O Museo de Nova Zelandia Te Papa Tongarewa, máis coñecido como Te Papa, é un museo nacional de Nova Zelandia que se atopa na cidade de Wellington. Trátase dun museo que mantén unha proposta de integración e traballo multidisciplinar.
O Museo Colonial creado en 1885 foi o seu predecesor, construíuse en Museum Street e James Hectorfoi o seu primeiro director.[1] Nos anos trinta do século XX trasladouse a un edificio en Buckle Street,preto da Galería Nacional de Arte de Nova Zelandia que en 1992 se fusionou con el, configurando Te Papa Tongarewapero até o 14 de febreiro de 1998 non se inaugurou no edificio actual estando dirixido por Dame Cheryll Sotheran. Desde entón, recibe a visita dun millón de persoas cada ano.
Historia: cuns 25.000 artigos dos que 7.000 son os vestidos e teas, a máis antiga remóntase óséculo XVI. Tamén inclúe o arquivopostal de Nova Zelandia cuns 20.000 selos e obxectos relacionados. Ademais a denominada Colección do Pacífico ten uns 13.000 obxectos históricos e contemporáneos das Illas do Pacífico.
Cultura: arte e cultura visual, fotografías, tesouros culturaismaorís (Taonga Māori), cultura dos pobos do océano Pacífico e de historia social e cultural.
Dispón ademais de varios arquivos e unha extensa biblioteca coñecida comoTe Aka Matua. As súas exposicións permanentes amosan un percorrido histórico, cultural e artístico sobre Nova Zelandia e atópanse distribuídas en seis pisos con nomes temáticos como: un xardín, forzas impresionantes, corais, Mana Whenua ou arte maorí xunto a outras dedicadas a obras pictóricas do impresionismo, simbolismo, expresionismo, cubismo e surrealismo.[2]
,_Wellington.jpg?lang=gl)
