Andrew Mountbatten-Windsor
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2018.) |
.jpg)
Andrew Albert Christian Edward Mountbatten-Windsor, coñecido anteriormente como príncipe André, nado en Londres o 19 de febreiro de 1960, é o terceiro fillo e segundo varón da raíña Isabel II do Reino Unido e do príncipe Filipe de Edimburgo. Foi duque de York e o sétimo na liña de sucesión ao trono británico. En outubro de 2025, André renunciou aos seus títulos reais por mor da súa relación con Jeffrey Epstein.[1]
Traxectoria
[editar | editar a fonte]Primeiros anos
[editar | editar a fonte]O príncipe naceu no Palacio de Buckingham e como fillo da raíña foille concedido o tratamento de Alteza Real. Foi bautizado o 8 de abril de 1960.
O príncipe tivo unha educación na casa para posteriormente ingresar na Heathersdown Preparatory School e en Gordonstoun.
Servizo na Mariña Real
[editar | editar a fonte]En 1979 enlistouse na Mariña Real Británica. Loitou na Guerra das Malvinas servindo ao barco HMS Invincible. Foi ascendendido a comandante pero retirouse no 2001.
Cando André era duque de York tiña como obriga real representar ao Reino Unido na área de comercio e investimento.
Matrimonio e descendencia
[editar | editar a fonte]O 23 de xullo de 1986 casou con Sarah Ferguson na Abadía de Westminster. Adquiriu os títulos de duque de York, conde de Inverness e barón Killyleagh. Tiveron dúas fillas;
- A princesa Beatriz de York, nada o 8 de agosto de 1988.
- A princesa Uxía de York, nada o 23 de marzo de 1990.
En 1992 a parella separouse e acordouse un divorcio para o ano 1996.
Caso Jeffrey Epstein
[editar | editar a fonte]Virginia Giuffre, unha das vítimas de tráfico sexual do millonario Jeffrey Epstein, na súa declaración afirmou que foi obrigada a manter relacións sexuais co príncipe André de Inglaterra en 2001.[2]
Na súa primeira entrevista para un medio británico, Giuffre contou como foi levada a Londres dende os Estados Unidos cando tiña 17 anos. Segundo o seu relato, Epstein e a súa entón parella, Ghislaine Maxwell (filla do magnate dos medios Robert Maxwell), levárona a Tramp (club nocturno) da capital británica para atoparse con André de Inglaterra. O príncipe André foi criticado dende hai moitos anos pola súa amizade con Jeffrey Epstein. "Xa no auto, Ghislaine díxome que tiña que facer con André o mesmo que fixera con Jeffrey, e iso púxome enferma", asegurou.
A vítima contou que aquel encontro sexual co príncipe André, que tivo lugar segundo o seu relato nunha habitación da casa de Maxwell no barrio Belgravia, "non durou moito" e resultou "desagradábel". "El non se portou mal nin nada, pero levantouse, dixo grazas e foise", contou. Iñantes, relatou como fora o seu encontro no club, polo que definiu ao príncipe André como "o bailarín máis espantoso" que vira na súa vida. "Era horríbel, e non paraba de suar enriba de min. A súa suor esparexíase por todos lados coma se fose choiva. Dábame noxo, pero sabía que tiña que facerlle estar contento, porque era o que Jeffrey e Ghislaine esperaban de min".[3]
Notas
[editar | editar a fonte]- ↑ El príncipe Andrés renuncia a sus títulos reales, incluido el de duque de York, tras hablar con el Rey Carlos III (17-10-2025). El Mundo.
- ↑ Príncipe Andrés: las nuevas revelaciones de una presunta víctima sobre el escándalo de tráfico sexual de Epstein que salpica al duque de York (3-12-2019). BBC.com.
- ↑ El príncipe Andrés, demandado por agresión sexual: una víctima de Epstein le acusa (10-08-2021). Eleconomista.es.
| Control de autoridades |
|
|---|
