Cabra, Córdoba

Na Galipedia, a Wikipedia en galego.

Coordenadas: 37°28′N 04°26′O / 37.467, -4.433

Cabra, Córdoba
Bandera de Cabra (Córdoba).svg
Escudo de Cabra (Córdoba).svg
Ayuntamiento de Cabra.jpg
Casa do Concello
Localización
Map of Cabra in the province.svg
País España España
Comunidade Autónoma Andalucía Andalucía
Provincia Córdoba
Comarca Subbética cordobesa
Xeografía
Altitude 452 msnm
Superficie 228,07 km²
Demografía
Poboación 21.188 hab. (INE 2011)
Densidade 92,9 hab./km²
Xentilicio Egabrense, cabreño
Outros datos
Código postal 14940
Alcalde Fernando Priego Chacón (PP)
www.cabra.es

Cabra é un concello andaluz, da provincia de Córdoba. Abrangue 227,5 km², e no ano 2007 alcanzaba unha poboación de 21.087 habitantes. O xentilicio que designa os seus moradores é egabrense, -a.

Situación xeográfica[editar | editar a fonte]

O concello de Cabra está sito no sur da provincia cordobesa, nun punto que se considera o centro mesmo da Andalucía. A cidade de Cabra dista 72 km da capital provincial, Córdoba.

Cabra está localizada entre as estribacións setentrionais das serras subbéticas, e a cidade mesma érguese a unha altura media de 448 m.s.n.m., entre dous outeiros, ás beiras do río homónimo, afluente do Genil. A paisaxe é de tipo cárstico, con abundancia de accidentes xeográficos asociados, tipo simas e cavernas.

O clima da cidade é mediterráneo, pero un tanto continentalizado.

Economía[editar | editar a fonte]

A base económica do concello é a agricultura, especialmente, a oliveira, e en segundo lugar a vide. A industria está asociada á transformación dos seus produtos.

Historia[editar | editar a fonte]

Nas proximidades existen restos paleolíticos. Porén a ligazón histórica directa comeza durante o dominio romano, identificándose Cabra con a cidade de Egabrum, citada por Plinio o Vello. Durante o período Visigodosvisigodo, sábese que foi sede episcopal.

Logo da invasión musulmá de Hispania, a cidade ficou incorporada ao Al-Ándalus. Foi tomada aos mouros polo rei Fernando III de Castela, en 1240. Pasou durante un tempo a estar controlada pola Orde de Calatrava, pero Sancho o Bravo rescatouna para a xurisdición real, en 1288. A mediados do século XV, o rei Henrique IV de Castela doouna a D. Diego Fernández de Córdoba.

Patrimonio cultural[editar | editar a fonte]

  • Murallas da cidade, restos que proceden do século XIV.
  • Castelo dos condes de Cabra (ou duques de Sessa), do século XIV. Consérvanse dúas torres e parte do pazo, hoxe colexio das Escolapias.
  • Igrexa do convento das Madres Escolapias, de estilo barroco, con varios cadros de Juan de Valdés Leal.
  • Igrexa de Nosa Señora dos Remedios, datada en 1729; posúe unha talla da Virxe da Soedade, de autoría de Pedro de Mesa.
  • Igrexa de San Xoán Bautista, tamén barroca; conserva unha inscrición visigótico, que demostra a ligazón da cidade coa antiga Egabrum.
  • Igrexa de Nosa Señora da Asunción e Anxos, barroca do XVII.
  • Casa de D. Juan Valera.
  • Museo Arqueolóxico Municipal, con restos egabrenses de diversas épocas.
  • Museo de Historia Natural.
  • Museo do Aceite, adicado a ese produto.

Egabrenses notorios[editar | editar a fonte]

Festas[editar | editar a fonte]

  • Semana Santa.
  • Santísima Señora da Serra, padroeira de Cabra, entre o 3 e o 8 de setembro.

Véxase tamén[editar | editar a fonte]

Ligazóns externas[editar | editar a fonte]