Brais
Brais (variante Bras, feminino Brasa) é un nome propio de varón de orixe latina na súa variante en galego. O seu significado é 'o que tatexa ou gaguexa', 'tatexo'. A variante portuguesa é Brás.
Onomástica[editar | editar a fonte]
- 3 de febreiro: San Brais, venerado en occidente, importante en Galiza sendo patrón de dúas parroquias. San Brais era médico e foi coñecido porque retirou coa man unha espiña da gorxa dun neno; por ese motivo é padroeiro das doenzas da gorxa. Foi capturado polos romanos e decapitado no ano 316, sendo enterrado na cidade de Sebaste, Armenia (actual Sivas, Turquía).
O nome de Brais en Galiza[editar | editar a fonte]
Brais (Bras) foi un nome común en Galiza, San Brais é padroeiro de dúas parroquias, mais é moi venerado. A variante galega do nome foi moi empregada na antigüidade, sendo aos poucos substituída no século XX pola forma castelá Blas. Martín Sarmiento fala do nome Brais (Bras dô Montecelo): Brais, de Blasius, entre los rústicos se usa Bràs.[1].
Hoxe en día a variante galega do nome volveuse nun dos nomes máis populares de Galiza novamente, sendo un dos nomes máis populares entre os nenos varóns. Atopamos 5560 persoas coa variante galega Brais en Galiza[2]. Tamén ten certo uso nas zonas galegofalantes de fóra de Galicia, e así hai 30 Brais en Asturias[3] e 28 en León[4].
Ditos[editar | editar a fonte]
- Xa te entendo, Bras, significa que un alcanza a intención doutro[5].
Refraneiro[editar | editar a fonte]
- Ai Bras, que tanto dis que me queres e tanto sofrir me fas!
- Bras, lávate e comerás: dispois de lavado, non comerás bocado.
- Ende chegando o San Bras pon pan e viño na alforxa, que día non faltará.
- Mira, Bras, por onde vas, e coida ben o que fas.
- San Bras da Barca que afoga e non mata.
- Se te lavas, Bras, a rèla quitarás e limpo quedarás.
- Polo San Brais, teñen os días dúas horas máis[5].
- Polo San Brais hora e media máis e se ben contaras dúas encontraras.
- Vamos mozas a San Brais, que festas non quedan máis[6].
Variantes noutras linguas[editar | editar a fonte]
Variantes noutras linguas | |
---|---|
Lingua castelá | Blas |
Lingua alemá | Blasius |
Lingua bretoa | Bleaz |
Lingua catalá | Blai |
Lingua checa | Blažej |
Lingua corsa | Biasgiu |
Lingua croata | Blaž |
Lingua dinamarquesa | Blasius |
Lingua éuscara | Balas, Balasi |
Lingua finesa | Blasius |
Lingua francesa | Blaise |
Lingua galega | Brais |
Lingua grega | Βλάσιος (Blasios) |
Lingua neerlandesa | Blasius |
Lingua húngara | Balázs |
Lingua inglesa | Blaise |
Lingua islandesa | Blasíus |
Lingua italiana | Biagio |
Lingua latina | Blasius |
Lingua lituana | Blažiejus |
Lingua norueguesa | Blasius |
Lingua polonesa | Błażej |
Lingua portuguesa | Brás |
Lingua romanesa | Blasiu |
Lingua rusa | Власий (Vlasij) |
Lingua serbia | Власије (Vlasije) |
Lingua sueca | Blasius |
Lingua turca | Vlas |
Persoeiros[editar | editar a fonte]
Santos[editar | editar a fonte]
- Brais de Sebaste (San Brais), foi un mártir, bispo e santo católico que viviu entre os séculos III e IV na Armenia.
Galegos[editar | editar a fonte]
- Brais Maceiras, gaiteiro e acordeonista (Elviña, A Coruña, 1978).
- Brais Abad, actor (A Coruña).
- Brais Rodríguez, debuxante e guionista de banda deseñada (Brión, 1980).
- Brais González Pérez, escritor e político (Salceda de Caselas, 1988).
- Brais Méndez, futbolista (Mos, 1997).
- Brais Pinto, personaxe ficticio que dá nome a un grupo galeguista fundado no ano 1958 en Madrid.
Outros artistas e escritores[editar | editar a fonte]
- Blas Valera (1545-). Cronista español.
- Blas Antonio Nasarre y Férriz (1689-1751). Filólogo español.
- Blas de Cáseda y Villamayor (-1748). Músico español.
- Blas de Laserna (1751-1816). Compositor español.
- Blai Parera y Moret (1776-1840). Músico e compositor español (creou a música do Himno Nacional Arxentino).
- Blas Garay (1873-1899). Escritor paraguaio.
- Alfonso Sánchez Urteaga (1910-1985). Pintor peruano.
- Blas Galindo Dimas (1910-1993). Compositor mexicano.
- Blas de Otero (1916-1979). Poeta español.
- Blas Pajarero (1926-). Escritor español.
- Blas Matamoro (1942-). Escritor arxentino.
- Blas Emilio Atehortúa (1943-). Compositor colombiano.
- Blas Durán (1949-). Cantante da República Dominicana.
- Brás Garcia de Mascarenhas, 1596, foi un militar e poeta portugués.
Científicos e investigadores[editar | editar a fonte]
- Blas Ruiz. Explorador español.
- Blas Cabrera (1878-1945). Físico español.
- Blaise Pascal (1623-1662). Matemático, físico e filósofo relixioso francés.
Deportistas[editar | editar a fonte]
- Blas Pérez (1881-). Futbolista panameño.
- Blas Ruiz (1979-). Deportista mexicano da especialidade de tiro.
Políticos[editar | editar a fonte]
- Brás Baltasar da Silveira, 1674, foi un fidalgo portugués, gobernador da Capitanía de São Paulo e Minas de Ouro.
- Brás de Sousa, 1825, foi un político, xurista e profesor brasileiro.
- Brás do Amaral, 1861, foi un médico, profesor, político e historiador brasileiro.
Personaxes de ficción[editar | editar a fonte]
- Blas. Monicreque do Barrio Sésamo.
Notas[editar | editar a fonte]
- ↑ Martin Sarmiento (1746-1770): Colección de voces y frases de la lengua gallega, ed. de J. L. Pensado Tomé (U. de Salamanca, 1970)
- ↑ "Distribución municipal dun nome". IGE. Arquivado dende o orixinal o 27 de febreiro de 2019. Consultado o 28 de abril de 2019.
- ↑ "Los nombres más frecuentes de la población de Asturia". SADEI.
- ↑ "Frecuencias de nombres". INE. Arquivado dende o orixinal o 28 de maio de 2017. Consultado o 04 de febreiro de 2022.
- ↑ 5,0 5,1 Eladio Rodríguez González (1958-1961): Diccionario enciclopédico gallego-castellano, Galaxia, Vigo
- ↑ Eligio Rivas Quintas (1988): Frampas, contribución al diccionario gallego, Alvarellos, Lugo
Véxase tamén[editar | editar a fonte]
Outros artigos[editar | editar a fonte]
- Brás Pires, municipio brasileiro do estado de Minas Gerais.
- San Brais
- Lista de nomes masculinos en galego
Bibliografía[editar | editar a fonte]
- Yáñez Solana, Manuel (1995). El gran libro de los Nombres. M. E. Editores, Madrid. ISBN 84-495-0232-2.
- Montes Vicente, José María (2001). El libro de los Santos. Alianza, Madrid. ISBN 84-206-7203-3.