Abadín, Abadín

Na Galipedia, a Wikipedia en galego.
Abadín
Lugar de Gontán.
ConcelloAbadín[1]
ProvinciaLugo
Coordenadas43°21′00″N 7°29′00″O / 43.35, -7.48333333Coordenadas: 43°21′00″N 7°29′00″O / 43.35, -7.48333333
Área2,55 km²
Poboación258 hab. (2019)
Densidade101,18 hab./km²
Entidades de poboación7[1]
editar datos en Wikidata ]

Santa María de Abadín é unha parroquia do concello de Abadín na comarca da Terra Chá. Tiña 268 habitantes en 2015 (136 homes e 132 mulleres) segundo datos do IGE[2]. Iso supón unha diminución da poboación respecto a 2014 cando vivían nas súas sete entidades de poboación 269 veciños (138 homes e 131 mulleres).

Xeografía física e humana[editar | editar a fonte]

Limita coas parroquias de Candia, Cabaneiro, Fanoi, Fraiás e Quende. Ten unha altitude media de 500 msnm.

Dos once lugares recollidos na toponimia oficial, sete son entidades de poboación; a súa densidade media de poboación no 2015 era 105,1 hab/km². As devanditas entidades co seu respectivo número de habitantes no 2014 son Os Carballás (36), Fernandaño (9), Gontán (13), Pedralba (12), Pedreiras (68), Provecende ou Abadín (108), e A Torre (22). Outros lugares (que xeralmente forman parte dalgunhas das entidades) son: O Convento, O Correo e A Poceira.

Relixiosamente, pertence ao arciprestado da Terra Chá da diocese de Mondoñedo-Ferrol. A partida bautismal máis antiga que recolle o arquivo parroquial corresponde ao 1738.

Patrimonio[editar | editar a fonte]

As dezanove parroquias que conforman o concello de Abadín.

Na aldea da Torre atópase a igrexa parroquial de Santa María de Abadín, situada nun alto que domina unha extensa zona de labradío, coa paisaxe montañosa ao fondo. É de estilo románico da primeira metade do século XII, coa capela maior do século XVI de estilo gótico isabelino, e cunha sancristía acaroada detrás de época posterior. A nave ten unha planta rectangular, cos muros de cadeirado de granito e cuberta de lousa a dúas e catro augas. A fachada ten un arco de medio punto con grandes doelas, un pequeno rosetón céntrico con trazarías, e espadana dun só corpo e dous vans. Aparece coroada por dous escudos nos laterais da fachada, nos que se distinguen as estrelas e a media lúa da casa dos Luaces, que estivo vinculada a esta parroquia dende o ano 1574. No interior destaca a capela maior con arco triunfal de medio punto sobre columnas cuxos capiteis teñen os escudos dos Luaces, igual que a clave da bóveda nervada; dúas laudas sepulcrais no pavimento pétreo; retablo maior de estilo renacentista popular e retablos laterais de traza popular e máis moderna.

Ao seu carón sitúase, ademais, un fermoso cruceiro realizado en granito no adro: consiste nunha cruz florenzada coas figuras de Cristo no anverso e a Piedade no reverso; capitel con anxos nos lados e volutas nas esquinas, fuste poligonal coa custodia e os atributos da Paixón; con base tronco-piramidal sobre dous chanzos cuadrangulares e sen inscrición.

Na contorna desta igrexa atópase a ermida da Nosa Señora de Fátima, lugar de celebración dunha concorrida feira tradicional.

Lugares e parroquias[editar | editar a fonte]

Lugares de Abadín[editar | editar a fonte]

Lugares da parroquia de Abadín no concello de Abadín (provincia de Lugo)

Abadín | Os Carballás | O Convento | O Correo | Fernandaño | Gontán | Pedralba | Pedreiras | A Poceira | Provecende | A Torre

Parroquias da Abadín[editar | editar a fonte]

Galicia | Provincia de Lugo | Parroquias de Abadín

Abadín (Santa María) | Abeledo (Santa María) | Aldixe (San Pedro) | Baroncelle (Santiago) | Cabaneiro (San Bartolomeu) | Candia (San Pedro) | Castromaior (San Xoán) | Corvite (San Pedro) | Fanoi (Santa María Madanela) | Fraiás (San Pedro) | Galgao (San Martiño) | As Goás (San Pedro) | A Graña de Vilarente (Santa María Madanela) | Labrada (San Pedro) | Moncelos (Santiago) | Montouto (Santa María) | Quende (Santiago) | Romariz (San Xoán) | Seivane de Vilarente (San Xoán)


Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]