Montouto, Abadín

Na Galipedia, a Wikipedia en galego.
Saltar para a navegação Saltar para a pesquisa

Coordenadas: 43°25′00″N 07°34′00″O / 43.41667, -7.56667

Montouto
Serra do Xistral, Montouto, Abadín.jpg
Parroquia de Montouto do concello de Abadin.png
Concello Abadín
Área 22,68 km²
Poboación 79 hab. (2014)
Densidade 3,48 hab./km²
Entidades de poboación 10

Santa María de Montouto é unha parroquia do concello lugués de Abadín. Segundo o IGE en 2004 tiña 119 habitantes. Segundo o IGE, no 2014 a súa poboación descendera ata os 79 habitantes, sendo 87 homes e 98 mulleres.

Xeografía[editar | editar a fonte]

Limita ao norte coas freguesías de Labrada e Silán (esta do concello de Muras), ao sur con San Simón da Costa (concello de Vilalba), ao leste con Labrada e ao oeste co Burgo (concello de Muras). Pertence ao arciprestado de San Simón, e ten 4 lugares e 10 entidades de poboación con 119 veciños, cunha densidade de 5,2 hab/km².

As entidades son A Arca (17), O Carboeiro (4), A Laxe (10), As Leiras (13), A Ponte (10), O Rego Cavado (2), O Salgueiro (8), A Serra (4), A Vacariza (8) e A Veiga (3). Os lugares (que xeralmente forman parte dalgunhas das entidades) son A Cabana Pallaza, As Leiras de Abaixo, As Leiras de Arriba e A Valiña.

Os puntos máis elevados son Fonte da Mesa (900 m) e Costa de Currás (782 m).

Patrimonio[editar | editar a fonte]

Na Ponte sitúase a antiga igrexa parroquial de Santa María de Montouto. Construída no século XVI, na actualidade está en estado ruinoso, pechada ao culto dende 1965. É de planta rectangular, dunha soa nave, capela maior e sancristía acaroada na cabeceira. A súa construción realizouse con cachotería granítica e cuberta con lousa a dúas augas. Na fachada presenta un pórtico rústico que encerra a porta principal do arco de medio punto de tipo isabelino, con espadaña dun só corpo. O muro dereito exterior da capela maior presenta unha cruz gravada en pedra. No interior: arco triunfal carpanel, sen retablo maior e sen tallas, polo seu traslado ao Museo Catedralicio e Diocesano de Santos San Cristovo de Mondoñedo e á nova igrexa parroquial de Montouto. O camposanto está contiguo, con interesante pila bautismal de estilo gótico final.

Áchase na Ponte, tamén, un cruceiro, realizado en granito. Cruz florenzada con Cristo de grandes proporcións e Piedade no reverso de arcaizante factura; capitel con anxos nos lados e volutas nas esquinas; fuste poligonal con atributos da Paixón: lanza cravada no corazón, martelo e tenaces, no lado maior, e no lado menor apréciase unha cabeza, escaleira e culebra; a base, cúbica sobre unha plataforma de dous chanzos cuadrangulares. Non ten inscrición. Noutros lugares da mesma parroquia localízanse outros moitos cruceiros, sendo o presente o mellor exemplar.

Lugares e parroquias[editar | editar a fonte]

Lugares de Montouto[editar | editar a fonte]

Lugares da parroquia de Montouto no concello de Abadín (provincia de Lugo)

A Arca | A Cabana Pallaza | O Carboeiro | A Laxe | As Leiras de Abaixo | As Leiras de Arriba | A Ponte | O Rego Cavado | O Salgueiro | A Serra | A Vacariza | A Valiña | A Veiga

Parroquias de Abadín[editar | editar a fonte]

As dezanove parroquias que conforman o concello de Abadín.
Galicia | Provincia de Lugo | Parroquias de Abadín

Abadín (Santa María) | Abeledo (Santa María) | Aldixe (San Pedro) | Baroncelle (Santiago) | Cabaneiro (San Bertomeu) | Candia (San Pedro) | Castromaior (San Xoán) | Corvite (San Pedro) | Fanoi (Santa María Madalena) | Fraiás (San Pedro) | Galgao (San Martiño) | As Goás (San Pedro) | A Graña de Vilarente (Santa María Madalena) | Labrada (San Pedro) | Moncelos (Santiago) | Montouto (Santa María) | Quende (Santiago) | Romariz (San Xoán) | Seivane de Vilarente (San Xoán)


Véxase tamén[editar | editar a fonte]

Outros artigos[editar | editar a fonte]