Tintín en América

Na Galipedia, a Wikipedia en galego.

Tintín en América (en francés Tintin en Amérique) é o terceiro dos álbums de as aventuras de Tintín escritos e ilustrados polo artista belga Hergé. Aínda que a primeira parte da historia transcorre en Chicago, onde o protagonista enfróntase a gángsters e matóns, a trama tamén vira ao redor do pobo indio que tanto fascinou ao autor na súa nenez.

Publicacións[editar | editar a fonte]

O contido deste álbum comezou a publicarse no número do 3 de setembro de 1931 de Le Petit Vingtième, estendéndose durante máis dun ano, a razón de dúas pranchas por semana. Seguindo a liña de Tintín no Congo, a versión en cor do álbum, redibuxada por completo en 1945, é bastante fiel ao orixinal. Como sempre, Hergé buscou mellorar en todo momento a eficacia narrativa das imaxes.

Na edición en cor, o autor chegou a investir algunhas viñetas para facilitar a comprensión por parte do lector. Aproveitando a súa experiencia adquirida como autor de banda deseñada, Hergé modificou o que consideraba como torpezas dos seus álbums de mocidade: moitas veces podíase ler a resposta a unha pregunta antes que a pregunta mesma, ou se vía a un personaxe correr cara á parte esquerda da páxina, dando así a sensación de estar volvendo sobre os seus pasos. Como no resto dos primeiros álbums de Tintín a obra mostra unha falta de documentación importante sobre os temas desenvolvidos comparada cos traballos posteriores do autor. En efecto, Hergé estaba sobrecargado de traballo en Le Petit Vingtième e suple a falta de documentación nesta historia cos mitos presentes na Europa dos anos 30 sobre América (gangsters, indios, vaqueiros).

O álbum parece unha fusión de western e cine negro. A obra de Hergé segue estando aínda chea de gags e de elementos que reflicten bastante inxenuidade; con todo, en Tintín en América aparece tamén unha crítica á situación que padecen os indios de EUA, así como a algúns aspectos do capitalismo.

En 1973 o álbum foi publicado por primeira vez nos Estados Unidos con cambios de contido impostos polos editores eliminándose algúns dos personaxes de fondo de raza negra como unha aia negra coidando un bebé branco substituída por unha muller branca coidando dun bebé branco, en galego unha muller negra coidando dun bebe negro..

Argumento[editar | editar a fonte]

Aviso: Esta sección pode revelar detalles da trama e/ou do argumento.

A historia narra as aventuras de Tintín en Estados Unidos. Á súa chegada ao país é secuestrado polos gángsters de Al Capone quen lle considera un reporteiro perigoso.

Pouco despois consegue escapar e deberá enfrontarse a outras bandas criminais. Tintín prosegue as súas aventuras polo Oeste americano onde se desenvolve unha historia con indios norteamericanos.

Curiosidades[editar | editar a fonte]

Trátase do único álbum de Tintín no que aparece un personaxe real co seu propio nome: Al Capone. No resto dos álbums aparecen personaxes inspirados nalgúns reais pero co nome cambiado.

Na segunda parte da historia, cando está cos indios, aparece unha das escenas máis polémicas do álbum: soldados americanos abaten aos indios con baionetas para expulsalos das súas terras tralo descubrimento dun pozo de petróleo. Esta escena motivou á maior parte dos editores a intentar que Hergé a transformase, a versión galega respecta a orixinal.