Tim Berners-Lee

Na Galipedia, a Wikipedia en galego.
Este é un dos 1000 artigos que toda Wikipedia debería ter.
Tim Berners-Lee
Tim Berners-Lee.jpg
Timothy John Berners-Lee
Datos persoais
Nacemento 8 de xuño de 1955 (59 anos)
Lugar Londres Reino Unido Reino Unido
Falecemento
Lugar
Soterrada {{{soterrada}}}
Soterrado {{{soterrado}}}
Residencia Cambridge, Massachusetts, Estados Unidos
Nacionalidade Británico
Etnia
Cóncuxe
Fillos {{{fillos}}}
Relixión
Actividade
Campo Ciencias da computación
Alma mater The Queen's College, Oxford
Instituacións {{{institucións}}}
Sociedades {{{sociedades}}}
Tese {{{tese}}}
Dir. de tese {{{director_de_tese}}}
Dir. tese
Alumnos tese
Alumnos dest. {{{alumnos_doctorais}}}
Coñecido por Crear a Web (www)
Influído por
Influíu en
Premios * (KBE)Cabaleiro Comandante da Orde Imperial Británica
* Orde de Mérito
* Doutor honoris causa da Universidade de Lancaster
* Doutor honoris causa da Universidade Politécnica de Madrid
* Doutor honoris causa da Universidade libre de Amsterdam
* Premio Príncipe de Asturias de Investigación Científica e Técnica

[[Ficheiro:{{{sinatura}}}|centro|150px]]

Timothy John Berners-Lee, coñecido como Tim Berners-Lee, nado en Londres o 8 de xuño de 1955, foi o creador da WWW (World Wide Web) e é o actual director do World Wide Web Consortium.

Estableceu a primeira comunicación entre un cliente e un servidor usando o protocolo HTTP en novembro de 1989. En outubro de 1994 fundou o Consorcio da World Wide Web (W3C) con sé no MIT, para supervisar e estandarizar o desenvolvemento das tecnoloxía sobre as que se fundamenta a Web e que permiten o funcionamento de Internet.

Ante a necesidade de distribuír e intercambiar información sobre as súas investigacións dun xeito máis efectivo, Berners-Le desenvolveu as ideas fundamentais que estructuran a web. El e o seu grupo crearon o que polas súas siglas en inglés denomínase Linguaxe HTML (HyperText Markup Language) ou linguaxe de etiquetas de hipertexto, o protocolo HTTP (HyperText Transfer Protocol) e o sistema de localización de obxectos na web URL (Uniform Resource Locator).

É posible atopar moitas das ideas plasmadas por Berners-Le no proxecto Xanadú (que propuxo Ted Nelson) e o memex (de Vannevar Bush).

Traxectoria[editar | editar a fonte]

Os seus pais, matemáticos ambos os dous, traballaron xuntos no equipo que construíu o Manchester Mark I, un dos primeiros computadores. Ensináronlle a empregar as matemáticas en todas partes, mesmo cando comían. Estudou no Queen's College da Universidade de Oxford, onde construíu un computador cun soldador, un circuíto integrado TTL, un procesador M7800 e un televisor vello. Prohibíuselle o acceso ao ordenador da universidade a raiz de telo atopado "hackeando" cun amigo.

Desde 1976 traballou en Poole como programador nunha empresa dedicada aos semáforos coa súa muller, a quen coñecera en Oxford. Dous anos máis tarde mudou para outra empresa, para a que escribiu un sistema operativo e un programa de maquetación.

World Wide Web[editar | editar a fonte]

Mentres traballaba como autónomo para o CERN en 1980, Berners-Lee propuxo un proxecto baseado no concepto do hipertexto para facilitar o proceso de compartición e actualización de información entre investigadores. Elaborou un prototipo chamado ENQUIRE.

Volveu ao CERN catro anos máis tarde, xa cun contrato. En 1989 o CERN era o nodo de internet máis grande de Europa e Berners-Lee viu a oportunidade de unir o hipertexto coa internet. Enviou unha proposta na que ligaba os conceptos de hipertexto, TCP e DNS. Unha versión mellorada coa axuda de Robert Cailliau foi aceptada ano ano seguinte. Deseñou e creou o primeiro navegador web e editor, chamado World Wide Web, en NEXTSTEP e o primeiro servidor web, chamado httpd.

O primeiro sitio web aloxouse en http://info.cern.ch e entrou en liña o 6 de agosto de 1991. Explicaba o concepto da Tea de Araña Mundial, como se podía navegar e como se instalaba un servidor web. Incluía o primeiro directorio web, xa que Berners-Lee mantiña unha lista doutros sistios web á parte do seu propio.

En 1994, Berners-Lee fundou o Consorcio da Rede Mundial (W3C) no Instituto de Tecnoloxía de Massachusetts. Nel participaban varias empresas dispostas a crear padróns e recomendacións que mellorasen a calidade da Web. En 2004 aceptou unha cátedra en Informática na Escola de Electrónica e Informática da Universidade de Southampton, desde a que traballa no seu novo proxecto, a Rede Semántica.

Berners-Lee puxo a súa idea a disposición de toda a humanidade de maneira libre e gratuíta, sen esixir patentes nen comisións. O Consorcio da Rede Mundial insiste en que os seus padróns deben estar baseados en tecnoloxía libre de cargos, de maneira que poida ser adoptada por calquera persoa.

Premios e outros recoñecementos[editar | editar a fonte]

Véxase tamén[editar | editar a fonte]

Commons
Commons ten máis contidos multimedia sobre: Tim Berners-Lee

Outros artigos[editar | editar a fonte]

Ligazóns externas[editar | editar a fonte]