World Wide Web Consortium

Na Galipedia, a wikipedia en galego.

O World Wide Web Consortium (W3C, "Consorcio da Rede Mundial") é unha organización creada por Tim Berners-Lee que agrupa a organizacións, actualmente unhas 500, interesadas en dar soporte e definición aos estándares na Internet. O consorcio adminístrano conxuntamente o Instituto de Tecnoloxía de Massachussets (MIT) o European Research Consortium for Informatics and Mathematics, con sede en Francia, e a Universidade de Keio en Xapón.

O consorcio é a principal organización en relación cos padróns para a World Wide Web. Organízase como un consorcio no que cada membro mantén persoal a tempo completo co obxectivo de traballar en común no desenvolvemento de padróns para a W3.

O consorcio está dirixido por Tim Berners-Lee, principal autor do URL orixinal, o protocolo HTTP e as especificiacións da linguaxe HTML, as principais tecnoloxías que constitúen os alicerces da Rede Mundial.