Polgar

Na Galipedia, a Wikipedia en galego.
Polgar
Thumbs up.jpg
Un polgar para arriba é un xesto de aprobación en moitas culturas
Duim.jpg
O polgar
Latín pollex, digitus I, digitus primus
Arteria princeps pollicis artery
Linfa Ganglios linfáticos deltoido-pectorais
MeSH Thumb
Dorlands/Elsevier 12655361

Na anatomía humana, o polgar ou matapiollos é o primeiro dedo ou deda a contar dende o interior. O polgar da man humana (a diferenza dos primates en xeral) é completamente opoñible aos outros catro dedos, pode tocar os demais dedos dende a súa punta até a súa base e mesmo a parte superior da palma da man. Esta calidade dalle á man dos primates unha vantaxe evolutiva moi notable xa que mediante esta función anatómica, o polgar pode manipular obxectos grandes apoiándose coa palma da man e obxectos medianos ou pequenos apoiándose cun ou máis dedos dos outros dedos.

Suxección[editar | editar a fonte]

Unha suxección típica entre os dedos inclúe ao polgar e ao segundo dedo (índice), cando se suxeita un alfinete ou algo pequeno. Se o obxecto é máis grande ou se requiren funcións adicionais, como virar o obxecto, empréganse máis dedos.

Orixe do polgar[editar | editar a fonte]

A evolución do polgar opoñible ou prensible normalmente asóciase co Homo habilis, o predecesor do Homo sapiens. Isto, con todo, é un resultado da evolución do Homo erectus (preto dun millón de anos atrás) mediante unha serie de etapas antropomórficas intermedias, polo que resulta dun proceso evolutivo moito máis complicado.

O factor máis importante relacionado á habilidade da man e o seu polgar é a liberación da súa función na marcha, que aínda hoxe é crucial para os simios. No seu momento foi unha das consecuencias da gradual adopción de pitecantropoide e antropoide da erección do andar bípede e o desenvolvemento simultáneo dun gran cerebro en etapas posteriores.

Significado[editar | editar a fonte]

Nas culturas occidentais, se unha persoa, levanta ese dedo e pono cara arriba, significa que aproba unha acción; e se o pon boca abaixo, significa que desaproba algo.

Outros animais con dedo pulgar opoñible[editar | editar a fonte]

Moitos animais, como os primates e outros, teñen algún tipo de dedo opoñible:

  • Panda, aínda que non sexa un polgar exactamente senón un sexto dedo que actúa como tal.
  • Koala
  • Opósum
  • A maioría dos primates, tanto en mans como en pés, aínda que a destreza do pulgar varía moitísimo dunha especie a outra.

Véxase tamén[editar | editar a fonte]

Outros artigos[editar | editar a fonte]