Jennifer Aniston

Na Galipedia, a Wikipedia en galego.
Jennifer Aniston
JenniferAnistonHWoFFeb2012.jpg
Aniston na ceremonia para recibir unha estrela no Paseo da fama en Febreiro do 2012
Nacemento Jennifer Joanna Aniston[1][2]
11 de febreiro de 1969 (45 anos)
Sherman Oaks, California,
Estados Unidos de América Estados Unidos
Páxina web oficial
Ficha na IMDb

Jennifer Joanna Aniston, nada en Sherman Oaks (California) o 11 de febreiro do 1969, é unha actriz estadounidense de cinema e mais de televisión. Comezou a súa carreira na década dos 90 acadando sona internacional pola interpretación do personaxe Rachel Green da popular sitcom Friends; grazas ó devandito papel gañou un Premio Emmy, un Globo de Ouro e mais un Premio do Sindicato de Actores.

É protagonista de varios filmes de Hollywood, e a pesar de que a maioría dos seus papeis veñen sendo comedias -Bruce Almighty, Office Space, Rumor Has It- e comedias románticas -Along Came Polly, The Break-Up-, tamén actuou en filmes doutros xéneros, como a comedia de terror Leprechaun, o thriller de crime Derailed e o drama musical Rock Star.

Traxectoria[editar | editar a fonte]

Jennifer Aniston naceu en Sherman Oaks (Os Ánxeles, California) e medrou na cidade de Nova York.[3] É a filla do actor John Aniston e da actriz Nancy Dow.[4] O seu pai é grego americano, nado como Yannis Anastassakis, na illa de Creta, namentres que a súa nai, de ascendencia italiano-escocesa, naceu na cidade de Nova York. O seu pai actuou nas telenovelas “Love of Life”, “Search for Tomorrow” e en “Days of our Lives” no papel do vilán Viktor Kiriakis,[4] amais de múltiples colaboracións en películas ou doutras series. Aniston estivo a vivir en Grecia durante un ano cando cativa coa súa familia e máis adiante mudáronse á cidade de Nova York cando no 1975 o sei pai se fixo cun papel na telenovela “Love of Life”.[4][5] O 20 de agosto do 1980 con nove anos de idade, os seus pais divorciáronse e ela ficou a vivir cabo da súa nai en Nova York.[5]

Aniston ten dous medio irmáns, John Melick (o maior) e Alex Aniston (o máis novo).[4][3] O seu padriño era o actor artisticamente coñecido como Telly Savalas, finado xa o 22 de xaneiro do 1994 e fillo de emigrantes gregos, quen mantivo unha íntima amizade co pai de Jennifer,[4][3] que incluso o fixo aparecer na exitosa serie de televisión “Kojak”.[6] Ós 6 anos, os seus pais matriculárona na escola Rudolf Steiner School, en Nova York[4] onde tivo o seu primeiro contacto coa interpretación ós 11 anos de idade cando entrou no clube de teatro[5][7]. A súa experiencia na dita escola tamén axudou a Aniston a desenvolver unha paixón pola arte. Ós 11 anos, uns dos seus cadros foi seleccionado para ser exposto no museo metropolitano Metropolitan Museum of Art de Nova York[5]. Ós 15 anos comezou a súa aprendizaxe na interpretación profesional cando foi aceptada na escola secundaria Fiorello H. LaGuardia High School of Music & Art and Performing Arts en Manhattan, Nova York.[3][5] No ano 1987, despois de se graduar na escola superior, Aniston pasou un ano a vivir coa súa nai.[5] Ela non quixo ir á universidade. Pola contra, traballou nunha hamburguesería chamada Jackson Hole en Manhattan[5] e en varios empregos temporais, como de televendedora e como mensaxeira en bicicleta.[4] Durante ese tempo, conseguiu papeis en producións off-Broadway como "For Dear Life" no Teatro Público de Nova York e "Dancing on Checker's Grave".[5][4] No 1989, mudouse aos Ánxeles, California.[8]

A súa carreira[editar | editar a fonte]

En 1989, antes de se mudar ós Ánxeles, Aniston traballou en Molloy.[6] Interpretaba a irmá máis vella e malcriada do personaxe central, "Courtney", e durou seis episodios. En 1990, e xa afincada en Hollywood, conseguiu o seu primeiro papel no filme de televisón Camp Cucamonga.[9] Tamén foi co-protagonista na serie Ferris Bueller, unha versión do exitoso filme de 1986 Ferris Bueller's Day Off.[9] Interpretou a "Jeanie Bueller", a irmá insoportábel do protagonista. Non obstante, a serie foi rapidamente cancelada tras durar un ano.[4] Daquela, Aniston fixo dúas comedias máis de televisión tamén fracasadas, The Edge e Muddling Through, e apareceu como estrela invitada en Quantum Leap, Herman's Head e en Burke's Law.[9] Despois dunha cadea de seriais canceladas, alén do seu ridiculizado filme de horror do 1992, Leprechaun,[10] Aniston considerou renunciar á interpretación.[4] Porén, os plan de Aniston mudarían ó facer unha proba para Friends, unha serie de comedia fixada para debutar encol da gama caída que a NBC estaba a pasar entre o 1994-1995[3][11]. Os produtores da serie orixinalmente querían que Aniston fixera unha proba para o papel de Monica Geller,[11] mais logo decidiron que ese papel acaíalle mellor a Courteney Cox. Deste xeito, Aniston foi escollida para o papel de Rachel Green. Ela interpretaría o personaxe de Rachel dende o 1994 até a fin da serie, no 2004.[12]

Jennifer Aniston co seu compañeiro de reparto Steve Zahn na estrea do seu filme "Management"

A serie atangueu moito éxito e Aniston, xunto cos seus compañeiros de reparto, acadou sona entre os telespectadores.[3] O seu peiteado, que nese tempo pasou a ser coñecido como "ó Rachel", foi moi copiado.[3][4] Aniston recibiu un salario de un millón de dólares por episodio nas dúas últimas tempadas de Friends, así como cinco nominacións ós Emmy (dous como Actriz de Reparto e tres como Actriz Principal),[13][14][15][16] incluíndo o gañado como Mellor Actriz Principal nunha Serie de Comedia.[17] Segundo o Libro Mundial de Récords Guinness (2005), Aniston (xunto coas súas compañeiras de reparto) converteuse na actriz de televisión mellor pagada de tódolos tempos polos seus cheques dun millón de dólares por episodio na décima e derradeira tempada de Friends.[18]

No 1994, Microsoft convidou a Aniston, xunto co seu compañeiro en Friends, Matthew Perry, para unha promoción de 30 minutos de publicidade para o seu novo sistema operativo, Windows 95.[19] Máis tarde, Jennifer Aniston apareceu nun comercial de Heineken que logo foi prohibido debido a cuestións de marca. Ela gañou a aclamación da crítica polas súas actuacións nos filmes The Object of My Affection (1998), unha comedia dramática sobre unha moza que se namora dun home homosexual,[20] e polo filme de baixo orzamento, The Good Girl (2002), dirixido por Miguel Arteta, onde facía o papel dunha caixeira pouco atractiva nun pequeno pobo. Este último filme estreouse en relativamente poucas salas de cinema (menos de 700) acadando $14 millóns na recadación dos EUA.[21] A finais do 2005, Aniston fixo dous filmes producidos por grandes estudios, Derailed e Rumor Has It.[22][23]

Alén da súa carreira como actriz de televisión, Aniston gozou dunha carreira cinematográfica de moito éxito. O filme no que máis acadou en recadación até hoxe foi na súa aparición no 2003 con Bruce Almighty, na que desempeñou o papel da moza do personaxe do Jim Carrey.[24] Aniston logo protagonizou o filme Along Came Polly (2004), fronte Ben Stiller.[25] No ano 2006, Aniston apareceu no drama de baixo orzamento Friends with Money, que se amosou primeramente no Sundance Film Festival, cunha limitada presentación. A próxima película de Aniston, The Break-Up, estreada o 2 de xuño, recadou aproximadamente 39,17 millóns de $ durante a súa fin de semana de abertura, a pesar das mornas criticas.[26]

No 2007 foi como invitada estrela nun capítulo na serie de Courteney Cox Arquette, Dirt. Aniston facía o papel de Tina Harrod, unha fachendosa rival de Arquette.[27] Amais de actuar, Aniston dirixiu unha curtametraxe, Room 10, protagonizada por Robin Wright Penn e Kris Kristofferson[28].

Forbes clasificou a Aniston como a 10ª muller máis rica na industria do espectáculo no ano 2007, por detrás de grandes celebridades coma son Oprah Winfrey, J. K. Rowling, Madonna, Mariah Carey, Celine Dion e Jennifer Lopez e diante de Britney Spears, Christina Aguilera e as xémeas Olsen. O valor neto de Aniston é aproximadamente $110 millóns.[29] Aniston foi tamén incluída no anual Top 10 "Star Salary" da revista comercial The Hollywood Reporter do 2006.[30] Segundo Forbes en outubro do 2007, Aniston foi a celebridade de venda superior cara á industria do espectáculo.[31] No 2008, Aniston ocupou o décimo sétimo posto en Forbes na lista Celebrity 100 baseada en "ingresos e fama".[32] Forbes listou os ingresos da Aniston en 27 millóns de dólares.[33]

Aniston fixo un cameo (ou breve aparición) no terceiro episodio da terceira tempada da serie 30 Rock da NBC interpretando unha antiga compañeira de cuarto de Liz Lemon na universidade que anda a axexar a Jack Donaghy. Aniston apareceu espida en xaneiro do 2009 na revista mensual GQ. Ela di á revista que se sente máis cómoda hoxe ca ós vinte anos ou principios dos trinta. "Estou máis sa. Estou máis en paz na miña mente e co meu corpo", di Aniston.[34]

O 25 de decembro do 2008 saía ó ar en EUA o filme Marley & Me, protagonizado por Aniston e Owen Wilson, o cal fixou o meirande récord de recadación do día de Nadal con 14,75 millóns de dólares na venda de entradas. Obtivo un total de 51,7 millóns ó longo dos catro días do fin de semana e ocupou o primeiro lugar en recadación, posición que se mantivo durante dúas semanas[35]. A partir do 15 de febreiro do 2009, o total en bruto en todo o mundo foi de 161,608,269 dólares.[36]

O seu seguinte filme, He's Just Not That into You, estreuose en febreiro do 2009. A película fixo 27,5 millóns, clasificándose numero #1 en recadación na súa abertura de fin de semana.[37] Namentres o filme recibía comentarios mixtos, Aniston canda Jennifer Connelly e Ben Affleck foron a miúdo gabados pola crítica como o soporte de saída da película[38][39]. A partir do 2009, os filmes de Aniston fixeron 900,618,847 de dólares brutos nos Estados Unidos.[40]

O 16 de xullo do 2009 Jennifer Aniston foi finalista nos Premios Emmy polo seu traballo na serie 30 Rock.

A súa vida persoal[editar | editar a fonte]

Aniston no Festival de Cine Internacional de Toronto 2008

Noutrora, Aniston estivo a saír co seu compañeiro da serie Ferris Bueller, o actor Charlie Schlatter en 1990.[41] Ela comezou unha relación con Daniel MacDonald no 1991. Remataron no 1994, pouco antes de que saíse ó ar Friends.[41] Aniston estivo un breve tempo a saír co músico Adam Duritz no 1995.[41][4] Dende 1995 até 1998 tivo un romance complicado co actor Tate Donovan,[41] mais a parella informou estar comprometida.[42]

No 1998 empezou a saír co actor Brad Pitt e casaron o 29 de xullo do 2000 nunha luxosa voda en Malibú.[43] Durante anos, o seu matrimonio foi considerado como o raro éxito de Hollywood.[4] Mais, a parella anunciou a súa separación o 6 de xaneiro do 2005.[41] Pitt mantivo unha relación coa actriz Angelina Jolie, aínda que negou ter enganado a súa esposa. Porén, Aniston pediu o divorcio o 25 de marzo do 2005[2], o cal finalizou o 2 de outubro do 2005. [44]

Antiga residencia de Aniston e Pitt en Santa Barbara

Aniston declarou que o seu divorcio fixo que se achegara á súa nai, Nancy, coa que non tivo relación durante case unha década. Ó primeiro distanciáronse cando Nancy falou da súa filla nun programa de televisión, e logo, en 1999 escribiu un libro titulado, De nai a filla a amigas: Lembranzas.[45] Aniston tamén afirmou que estaba devastada pola morte do seu antigo terapeuta, cuxo traballo a axudou a facer a súa separación con Pitt máis doada. Aniston, da súa relación con Pitt, da que ela non se arrepinte, dixo que "foron sete intensos anos xuntos e que foi unha bonita e complicada relación".[46]

Logo do seu divorcio, Aniston comezou unha relación co actor Vince Vaughn, con quen coprotagonizou o filme The Brak Up[41], mais en decembro de 2006 ano separáronse.[41] Ela estivo uns poucos meses co modelo masculino Paul Sculfor no 2007. [41] En abril do 2008, ela comezou unha relación co cantante John Mayer[41], mais separáronse en marzo do 2009.[41]

Filantropía[editar | editar a fonte]

Aniston é partidaria de moitas fundacións de caridade. Ela é partidaria no Friends of El Faro, unha organización sen ánimo de lucro de grassroots que axuda a incrementar cartos para o orfanato Casa Hogar Sion, en Tijuana, México, e apareceu en moitos anuncios de televisión para o hospital St. Jude's Children's Research Hospital na que ela é unha grande contribuínte. Fixo unha aparición como invitada no programa Oprah's Big Give pra apoia-la causa, e doar diñeiro pra axudar. Aniston foi a anfitrioa no programa Stand Up to Cancer en setembro do 2008. Na campaña "It Can't Wait" para liberar Birmania, Aniston dirixiu e protagonizou un vídeo. O 14 de abril de 2007, Aniston recibiu un Vanguard Award da GLAAD polas súas contribucións ó aumento da visibilidade e á comprensión das comunidades de gays e lesbianas, bisexuais e transexuais.

Filmografía[editar | editar a fonte]

Velaquí a filmografía completa, tanto do cinema coma da televisión de Aniston. Tamén inclue os seus traballos como produtora e mais como directora.

Actriz[editar | editar a fonte]

Aniston na premiere do seu filme He's Just Not That into You
Cinema
Ano Filme Personaxe Observacións Recadación Mundial
1993 Leprechaun Tory Reding Primeira Longametraxe $8,556,940[47]
1996 She's the One Renee Fitzpatrick - $14,549,219[48]
Dream for an Insomniac Allison - $24,727[49]
1997 'Til There Was You Debbie - $3,525,125[50]
Picture Perfect Kate Mosely - $44,332,015[51]
1998 The Thin Pink Line Clove - -
Waiting for Woody Jennifer Aniston Curtametraxe -
The Object of My Affection Nina Borowski - $46,905,889[52]
1999 Office Space Joanna - $10,827,810[53]
The Iron Giant Annie Hughes Voz $23,159,305[54]
2001 Rock Star Emily Poule - $19,334,145[55]
2002 A boa rapaza Justine Last - $16,856,124[56]
2003 Bruce Almighty Grace Connelly Nomeada a un MTV Movie Award compartido con Jim Carrey

Nomeada a un Teen Choice Award

$484,592,874[57]
Abby Singer Herself Cameo -
2004 Along Came Polly Polly Prince Nomeada a un MTV Movie Award compartido con Ben Stiller $171,963,386[58]
2005 Derailed Lucinda Harris - $57,479,076[59]
Corre o rumor... Sarah Huttinger - $88,933,562[60]
2006 Friends with Money Olivia - $18,245,244[61]
The Break-Up Brooke Meyers Gañou un Teen Choice Award

Nomeada a un Teen Choice Award

$204,999,686[62]
2008 Marley & Me Jenny Grogan Récord en recadación no nadal con $14.75 millóns $242,717,113[63]
2009 He's Just Not That into You Beth Murphy - $178,846,899[64]
Management Sue Claussen Tamén produtora $2,071,049[65]
Love Happens Eloise Chandler - $34,742,432[66]
Journey to Sundance Ela mesma Documental -
2010 The Bounty Hunter Nicole Hurly - $131,966,280[67]
The Switch Kassie Larson - -
2011 Just Go With It Katherine Palmer Post-produción -
Horrible Bosses - Pre-produción -
The Goree Girls Trisha Durrant Pre-produción -
2012 Wanderlust - Pre-produción -
Televisión
Ano Título Personaxe Observacións
1990 Molloy Courtney Serie de televisión (cancelada)[68]
1990 Camp Cucamonga Ava Schector Telefilme
1990-1991 Ferris Bueller' Jeannie Bueller Serie de televisión (cancelada)
19921993 The Edge personaxes varias Serie de televisión
1994 Muddling Through Madeline Drego Cooper Serie de televisión
19942004 Friends Rachel Green Serie de televisión
2004 Growing Up Grizzly 2 Ela mesma Documental
Como convidada
Ano Serie Personaxe Título ep. (tempada x nº cap.)
1992 Quantum Leap Kiki Wilson "Nowhere to Run" (5x4)
19921993 Herman's Head Suzie Brooks
  • "Twisted Sister" (1x25)
  • "Jay Is for Jealousy" (3x8)
1994 Burke's Law Linda Campbell "Who Killed the Beauty Queen?" (1x4)
1995 The Larry Sanders Show Ela mesma "Conflict of Interest" (4x10)
1998 Partners CPA Suzanne "Follow the Clams?" (1x17)
Ellen Ela mesma "Ellen: A Hollywood Tribute: 2ª Parte" (5x20)
Hércules de Disney Galatea (Voz) "Dream Date" (1x27)
1999 South Park Mrs. Stevens - Mestra do coro (Voz) "Rainforest Schmainforest" (3x1)
2003 Freedom: A History of Us Jessie Benton "Wake Up America " (1x4)
King of the Hill Pepperoni Sue/Stephanie (Voz) "Queasy Rider" (7x13)
2007 Dirt Tina Harrod "Ita Missa Est " (1x13)
20082008 30 Rock[69] Claire Harper "The One with the Cast of Night Court" (3x3)
Videoxogos
Ano Xogo Personaxe Observaciós
1996 Steven Spielberg's Director's Chair Laura Voz

Directora[editar | editar a fonte]

Ano Título Observacións
2006 Room 10 Curtametraxe

Produtora[editar | editar a fonte]

Ano Título Observacións
2008 Management Executive producer
2010 The Switch Executive producer
2011 The Goree Girls Producer

Premios[editar | editar a fonte]

Jennifer Aniston gañou múltiples premios durante a súa carreira, tanto en producións de cinema coma de televisión. Velaquí unha lista completa das categorías onde foi finalista e dos premios conseguidos:

Notas[editar | editar a fonte]

  1. CNN.com - Transcripcións
  2. 2,0 2,1 Silverman, Stephen M. Arquivos de Jennifer polo Divorcio co Brad, People, 25 de marzo do 2005. Accedido o 25 de agosto do 2008.
  3. 3,0 3,1 3,2 3,3 3,4 3,5 3,6 "Hello Magazine Profile - Jennifer Aniston". Hello Magazine. http://www.hellomagazine.com/profiles/jenniferaniston/. Consultado o 2008-08-08. 
  4. 4,00 4,01 4,02 4,03 4,04 4,05 4,06 4,07 4,08 4,09 4,10 4,11 4,12 "Jennifer Aniston Biography". People. http://www.people.com/people/jennifer_aniston/biography. Consultado o 2008-05-21. 
  5. 5,0 5,1 5,2 5,3 5,4 5,5 5,6 5,7 "NetGlimse - Jennifer Aniston Biografía". http://www.netglimse.com/celebs/bio/jennifer_aniston.shtml. 
  6. 6,0 6,1 "Clarín.com - ENTREVISTA A JENNIFER ANISTON". http://www.clarin.com/diario/2008/12/22/espectaculos/c-00611.htm. 
  7. Fussman, Cal (2002-10-01). "A Woman We Love: Jennifer Aniston". Esquire. http://www.esquire.com/women/women-we-love/ESQ1002-OCT_ANISTON. Consultado o 2008-08-08. 
  8. "Biography of Jennifer Aniston". Tiscali. http://www.tiscali.co.uk/entertainment/film/biographies/jennifer_aniston_biog/4. Consultado o 2008-08-08. 
  9. 9,0 9,1 9,2 "Hello Magazine Filmography - Jennifer Aniston". Hello Magazine. http://www.hellomagazine.com/profiles/jenniferaniston/?view=jobs. Consultado o 2008-08-08. 
  10. Canby, Vincent (1993-01-09). "Leprechaun Review". New York Times. http://movies.nytimes.com/movie/review?res=9F0CE6DB163AF93AA35752C0A965958260. Consultado o 2008-08-08. 
  11. 11,0 11,1 "E! True Hollywood Story: Friends". E! True Hollywood Story. E!. 19-11-2006. Episodio 15, temporada 10.
  12. "The Pilot". Marta Kauffman, David Crane e Kevin S. Bright Friends. NBC. 1994-09-22. Episodio 1, temporada 1. 30 min.
  13. "IMDB: Emmy Awards 2000". IMDB.com. http://www.imdb.com/Sections/Awards/Emmy_Awards/2000. Consultado o 2008-08-08. 
  14. "IMDB: Emmy Awards 2001". IMDB.com. http://www.imdb.com/Sections/Awards/Emmy_Awards/2001. Consultado o 2008-08-08. 
  15. "2003 Emmy Award Comedy Nominations". Emmy Awards Online. http://www.emmyawardsonline.com/2003-emmy-nominations/2003-emmy-nominations-comedy.html. Consultado o 2008-08-08. 
  16. "2004 Emmy Award Comedy Nominations". Emmy Awards Online. http://www.emmyawardsonline.com/2004-emmy-nominations/2004-emmy-nominations-comedy.html. Consultado o 2008-08-08. 
  17. Silverman, Stephen M. (2002-09-22). "Emmy Awards Make New Best 'Friends'". People. http://www.people.com/people/article/0,26334,624767,00.html. Consultado o 2008-08-08. 
  18. Guinness World Records 2005: Special 50th Anniversary Edition. 2008-08-08. pp. 288. ISBN 1-892051-22-2. 
  19. Elliott, Stuart (1995-07-31). "The Media Business: Advertising; Haven't heard of Windows 95? Where have you been hiding?". New York Times. http://query.nytimes.com/gst/fullpage.html?res=990CE7D6143FF932A05754C0A963958260&sec=&spon=&pagewanted=all. Consultado o 2008-08-08. 
  20. Maslin, Janet (1998-04-17). "The Object of My Affection Review". New York Times. http://movies.nytimes.com/movie/review?res=9C06E6D8143CF934A25757C0A96E958260. Consultado o 2008-08-08. 
  21. Schwarzbaum, Lisa (2002-08-07). "The Good Girl Review". Entertainment Weekly. http://www.ew.com/ew/article/0,,334811,00.html. Consultado o 2008-08-08. 
  22. Chang, Justin (2005-11-05). "Derailed Review". Variety. http://www.variety.com/review/VE1117928779.html?categoryid=31&cs=1. Consultado o 2008-08-08. 
  23. Ebert, Roger (2005-12-23). "Rumor Has It Review". Chicago Sun-Times. Roger Ebert.com. http://rogerebert.suntimes.com/apps/pbcs.dll/article?AID=/20051222/REVIEWS/51220003/1023. Consultado o 2008-08-08. 
  24. Koehler, Robert (2003-05-23). "Bruce Almighty Review". Variety. http://www.variety.com/review/VE1117920862.html?categoryid=31&cs=1. Consultado o 2008-08-08. 
  25. Papamichael, Stella. "BBC Films - Along Came Polly Review". BBC. http://www.bbc.co.uk/films/2004/02/10/along_came_polly_2004_review.shtml. Consultado o 2008-08-08. 
  26. "Box Office Mojo". The Break-Up's opening weekend gross. http://www.boxofficemojo.com/movies/?id=breakup.htm. Consultado o June 16 2006. 
  27. "TVSquad.com". Jennifer Aniston to guest star on Dirt. http://www.tvsquad.com/2007/01/16/jennifer-aniston-to-guest-star-on-dirt/. Consultado o March 2 2007. 
  28. "And She Directs Too, Jennifer Aniton Marks Directing Debut With Short Film For Glamour Reel Moments". CBS News. 2006-10-17. http://www.cbsnews.com/stories/2006/10/17/entertainment/main2099141.shtml. Consultado o 2008-08-08. 
  29. "Forbes.com". In Pictures: The Richest 20 Women In Entertainment. http://www.forbes.com/2007/01/17/richest-women-entertainment-tech-media-cz_lg_richwomen07_0118womenstars_slide_11.html. Consultado o March 2 2007. 
  30. "Hollywood.com". Nicole Kidman Tops Hollywood Earners List at Hollywood.com. Arquivado do orixinal o 2012-05-26. http://archive.is/cCdp. Consultado o March 2 2007. 
  31. "Fab Tab Cover Stars". Forbes. 2007-10-02. Arquivado do orixinal o 2012-05-26. http://archive.is/1hp5. Consultado o 2008-08-08. 
  32. "Forbes Celebrity 100 Has a Big 'O'". Celebuzz.com. 2008-06-12. http://www.celebuzz.com/forbes-celebrity-100-big-o-s22781/. 
  33. "The Celebrity 100". Forbes. 2008-06-12. http://www.forbes.com/home/2008/06/11/most-powerful-celebrities-lists-celebrities08-cx_mn_0611c_land.html. 
  34. "Actress Jennifer Aniston appears naked in GQ magazine", peoplestar.co.uk, Retrieved on 2008-12-14.
  35. Wethcer, Barry (2008-12-26). "‘Marley & Me’ sets Christmas Day record". MSNBC. http://www.msnbc.msn.com/id/28394518/. Consultado o 2008-05-21. 
  36. "Marley and Me (2008)". Box Office Mojo. http://www.boxofficemojo.com/movies/?page=main&id=marleyandme.htm. Consultado o 2008-05-21. 
  37. http://web.archive.org/20090211072842/www.hollywoodreporter.com/hr/content_display/news/e3ib2336cb7507211a2e4389b8078d6194b
  38. "He's Just Not That Into You". Metacritic.com. http://www.metacritic.com/film/titles/hesjustnot. Consultado o 2008-05-21. 
  39. Cooper, Jackie K.. "Jennifer Aniston and Ben Affleck in "He's Just Not That In To You"". http://www.jackiekcooper.com/MovieReviews/HesJustNotThatIntoYou.htm. Consultado o 2008-05-21. 
  40. "Jennifer Aniston". Box Office Mojo. http://www.boxofficemojo.com/people/chart/?id=jenniferaniston.htm. Consultado o 2008-05-21. 
  41. 41,0 41,1 41,2 41,3 41,4 41,5 41,6 41,7 41,8 41,9 "Jennifer Aniston Biography". Movies Yahoo!. http://movies.yahoo.com/movie/contributor/1800021397/bio. Consultado o 2008-05-21. 
  42. "Tate Donovan Biography". Yahoo!. http://movies.yahoo.com/movie/contributor/1800022279/bio. Consultado o 2008-05-21. 
  43. "Brad Pitt Biography". People. http://www.people.com/people/brad_pitt/biography/0,,20004328_10,00.html. Consultado o 2008-05-21. 
  44. Kappes, Serena (2005-09-30). "Brad & Jen Finalize Divorce". People. http://www.people.com/people/article/0,,1112350,00.html. Consultado o 2008-05-21. 
  45. Laurence, Charles (2006-12-15). "Not even friends...". Los Angeles National Post. http://www.fact.on.ca/news/news0001/np00010b.htm. 
  46. "Daily Times". Aniston just wants to make Friends with Pitt. Arquivado do orixinal o 2012-07-23. https://archive.is/Y3L6. Consultado o June 18 2006. 
  47. http://www.worldwideboxoffice.com/movie.cgi?title=Leprechaun&year=1993
  48. http://www.worldwideboxoffice.com/movie.cgi?title=She%27s%20the%20One&year=1996
  49. http://boxofficemojo.com/movies/?id=dreamforaninsomniac.htm
  50. http://boxofficemojo.com/movies/?id=tiltherewasyou.htm
  51. http://boxofficemojo.com/movies/?id=pictureperfect.htm
  52. http://boxofficemojo.com/movies/?id=objectofmyaffection.htm
  53. http://boxofficemojo.com/movies/?id=officespace.htm
  54. http://boxofficemojo.com/movies/?id=irongiant.htm
  55. http://boxofficemojo.com/movies/?id=rockstar.htm
  56. http://boxofficemojo.com/movies/?id=goodgirl.htm
  57. http://boxofficemojo.com/movies/?id=brucealmighty.htm
  58. http://boxofficemojo.com/movies/?id=alongcamepolly.htm
  59. http://boxofficemojo.com/movies/?id=derailed.htm
  60. http://boxofficemojo.com/movies/?id=rumorhasit.htm
  61. http://boxofficemojo.com/movies/?id=friendswithmoney.htm
  62. http://boxofficemojo.com/movies/?id=breakup.htm
  63. http://boxofficemojo.com/movies/?id=marleyandme.htm
  64. http://boxofficemojo.com/movies/?id=hesjustnotthatintoyou.htm
  65. http://boxofficemojo.com/movies/?id=management.htm
  66. http://boxofficemojo.com/movies/?id=traveling.htm
  67. http://boxofficemojo.com/movies/?id=bountyhunter.htm
  68. LYNN HIRSCHBERG (21). "The Screens Issue. Screens Goddess". NYTimes.com. http://www.nytimes.com/2008/11/23/magazine/23aniston-t.html?_r=1. Consultado o 9 August 2009. 
  69. Goldstein, Andew M. (2008-09-14). "‘30 Rock’ Snags Martin, Maybe Oprah". New York. http://nymag.com/news/intelligencer/50268/. Consultado o 2009-07-06. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Jennifer Aniston