Daniel Plaza

Na Galipedia, a Wikipedia en galego.
Cadro de medallas
Atletismo
Xogos Olímpicos
Ouro Barcelona 1992 20 km marcha
Campionato do Mundo de Atletismo
Bronce Stuttgart 1993 20 km marcha
Campionato de Europa de Atletismo
Prata Split 1990 20 km marcha

Daniel Plaza Montero, nado o 3 de xullo de 1966 en Barcelona, Cataluña, é un antigo marchista e corredor español.

Comezou a destacar no europeo júnior de Cottbus de 1985, onde gañou medalla de bronce. Nos Xogos Mediterráneos de Latakia de 1987 tamén foi terceiro, e máis tarde sería segundo nos de Atenas de 1991, do mesmo xeito que subcampión europeo nos de Split de 1990. Volveu terminar terceiro nos mundiais de Toquio en 1991, aínda que foi descualificado. Foi campión olímpico nos xogos de Barcelona 92 na camiñada de 20 km, converténdose no primeiro español en gañar unha medalla de ouro en atletismo. Nos mundiais de 1993 en Stuttgart conseguiría unha vez máis bronce.

Plaza resultou positivo nunha proba antidopaxe dun esteroide chamado nandrolona logo dos campionatos españois de 1996, pero negou habelo tomado. Reclamou que o resultado do examén debíase a un prolongado sexo oral coa súa esposa embarazada (as mulleres embarazadas poden producir o esteroide).

A fins de 1997 foille dada a súa sentenza: dous anos de sanción sen competir. El e outro corredor, David Martínez, foron acusados de usar a sustancia prohibida que aumenta a masa muscular e o rendemento deportivo, e ambos impugnaron as sancións.

En 1998 a Federación Internacional de Atletismo (IAAF) rehabilitou para competir a Praza logo da súa sanción por dopaxe. A pesar de que dera positivo no control realizado en xuño de 1996, foille autorizado participar nos Xogos Olímpicos que se celebrarían ese ano en Atlanta, dado que en contraanálisis realizados posteriormente non se detectaron restos de nandrolona. Con todo, logo de toda a presión á que estivera sometido, Praza atopábase moi lonxe da forma óptima.

Tardou dez anos, pero en xullo de 2004 gañou o caso en cuestión para limpar o seu nome pola prohibición polas drogas. a Corte Suprema de España atopouno inocente despois de que tomase acción legal logo dunha sanción de dous anos imposta polo Comité Español de Disciplina Deportiva.

Resultou negativo en exames posteriores da droga que tarda normalmente 3 meses en desaparecer do sistema.

Véxase tamén[editar | editar a fonte]

Ligazóns externas[editar | editar a fonte]