Club de Rugby El Salvador

Na Galipedia, a Wikipedia en galego.
Cetransa El Salvador
Nome completo Club de Rugby El Salvador
Alcume(s) Chamizos
Fundación 1960
Localización Valladolid, España
Estadio(s) Campos de Pepe Rojo
Capacidade 5000
Presidente Juan Carlos Martín
Adestrador Juan Carlos Pérez
Capitán
Máx. Anotador
Máis ensaios
Liga División de Honra
Tempada 2012-2013
Posición 4º e semifinalista
Páxina web oficial
Na súa casa


Fóra


O Club de Rugby El Salvador, denominado Cetransa El Salvador por razóns de patrocinio, é un equipo de rugby da cidade de Valladolid, na comunidade autónoma de Castela e León. O club, fundado en 1960, é un dos máis laureados do rugby español, sendo quen de acadar 7 títulos de liga e 6 de copa entre outros títulos.

As cores clásicas do equipo son o negro e o branco, e os seus seareiros son coñecidos polo alcume de Chamizos.

É moi salientable a rivalidade que o Club de Rugby El Salvador mantén con outro equipo da cidade pucelana, o Valladolid Rugby Asociación Club (VRAC). Ámbolos dous equipos disputan os seus encontros como locais nos Campos de Pepe Rojo, unhas instalacións municipais inauguradas en 1981 con capacidade para acoller a 5000 persoas sentadas nas bancadas. Entre as tempadas 1997/98 e 2011/12 os dous equipos de Valladolid gañaron 9 das 15 ligas en xogo, e 7 das 15 copas en xogo, velaí a súa relevancia.

Historia[editar | editar a fonte]

Primeiros anos[editar | editar a fonte]

Jorge Bernés, un mestre de francés no colexio El Salvador de Valladolid, foi o fundador en 1960 do Club de Rugby El Salvador. O nacemento deste club tivo como obxectivo a difusión do rugby entre os rapaces, que xa no primeiro ano de competición acadaron os campionatos de España nas categorías benxamín, alevín e infantil. Deste xeito, o club naceu cunha filosofía baseada no coidado da canteira. Os estudantes do colexio El Salvador repartíronse entre os que practicaban atletismo e os que practicaban rugby.

O equipo sénior, formado por antigos alumnos do colexio, acadou o ascenso á máxima categoría do rugby nacional en 1970, e xa na súa primeira tempada saíu subcampión de liga, só por detrás do gran Real Canoe Natación Club madrileño, ante o cal tamén caeu na final da Copa do Rei. O equipo mantivo o seu gran nivel competitivo nas seguintes dúas tempadas, acadando un novo subcampionato de liga na tempada 1971-1972 e o terceiro posto na tempada 1972-1973.

Colexio El Salvador, en Valladolid.

Malia todo, a crise económica de 1973 obrigou a que o colexio lle vendese os dereitos deportivos do primeiro equipo sénior á Universidade de Valladolid, cuxa sección deportiva chegaría a competir en 14 das 16 seguintes tempadas na División de Honra, sen éxitos salientables.

Resurrección[editar | editar a fonte]

O club tivo que crear un novo equipo sénior e comezar de novo dende as categorías rexionais. A volta á elite do rugby nacional foi un camiño lento. En 1978 o equipo acadou o ascenso á categoría de prata, que por aquel entón era a Primeira Nacional. Durante 8 tempadas o Club de Rugby El Salvador competiu nesa categoría acadando bos resultados, e rematando case sempre entre os 3 primeiros clasificados do seu grupo. Foi durante eses anos cando se fixeron os campos de Pepe Rojo, que pasarían a ser o novo fogar do equipo.

O agardado ascenso chegou en 1986, e xa na tempada 1987/88 amosou a súa recuperación total acadando o 3º posto definitivo na táboa. Despois de obter un 5º posto ó ano seguinte, na tempada 1989/90 o El Salvador colleitou o subcampionato de liga por detrás do Club Deportivo Arquitectura madrileño, que por aqueles anos dominaba a competición xunto á Unió Esportiva Santboiana.

Pero aquilo non era todo. Na tempada 1990/91 o Club de Rugby El Salvador liderou a clasificación da liga de comezo a fin, gañando por vez primeira o torneo de liga, e sen perder ningún encontro. Como campión de liga, o club tivo a honra de representar a España na edición 1991/92 da Copa Ibérica, enfrontándose ó campión portugués, o Sport Lisboa e Benfica, ó que venceu por 13-0, facéndose co seu primeiro título internacional. Na tempada 1992/93 o equipo acadou a súa primeira Copa do Rei, batendo nesta ocasión ó Getxo Rugby Taldea por 13-6. Así pois, trala súa volta á máxima categoría do rugby español, o El Salvador gañou neses tres primeiros anos da década dos noventa as tres competicións oficiais que existían daquela: a División de Honra, a Copa do Rei e a Copa Ibérica.

Dende o profesionalismo[editar | editar a fonte]

O "Pepe Rojo", fogar do El Salvador.

Trala declaración do profesionalismo do rugby, que foi proclamada pola IRB en 1995, os equipos acadaron o dereito de pagarlle ós seus xogadores por xogar. Isto tiña que favorecer ós clubs cunha mellor situación económica e cunha maior implantación social. Malia iso, a primeira tempada do CR El Salvador no marco do novo rugby profesional foi moi mala, e rematou co descenso de categoría, o primeiro que padeceu o club por méritos deportivos na súa historia. Na seguinte tempada, a 1996/97, o club fíxose co primeiro posto na Primeira División Nacional, acadando o ascenso á máxima categoría ó primeiro intento.

Entón, na tempada 1997/98, aquel equipo acadou un fito no rugby español, gañando a liga no seu primeiro ano de volta á División de Honra, axudado pola capacidade anotadora de ensaios de Asís García, que liderou a táboa da competición. Despois deste segundo título de liga para o club, na seguinte tempada o seu palmarés medrou cunha nova Copa Ibérica ó bater ó AEIS Técnico portugués por 29-15, e cunha nova Copa do Rei ó bater ó Real Canoe na final por 27-19.

Nos seguintes anos, movidos polo semiprofesionalismo practicado no club, chegaron ó CR El Salvador varios novos xogadores chegados dende Arxentina, salientando Esteban Roqué. Dous subcampionatos de liga e un subcampionato de copa despois, nas tempadas 2002/03 e 2003/04 o equipo gañou a liga amosando unha gran superioridade. Só era o comezo dunha década, a primeira do século XX, que sería a máis importante da historia desta entidade deportiva. Entre as tempadas 2001/02 e 2009/10 El Salvador acadou 5 campionatos de liga e 4 subcampionatos, así como 3 títulos de copa, converténdose no equipo de rugby de referencia en España.

SIR e Vacceos[editar | editar a fonte]

En 2009 naceu un proxecto de competición 100% profesional baseado nun sistema de liga pechada composta de franquías. A idea era que as franquías fosen creadas sobre a base dos principais clubs de rugby de España. A Liga Superibérica, coñecida popularmente como SIR, tivo finalmente unha soa edición, nese mesmo ano 2009, e contou con 6 equipos. Un deles foi Vacceos Cavaliers, con sede en Valladolid, que tivo un cadro de xogadores e técnicos que pertencían principalmente ó CR El Salvador. Malia que o equipo acadara o subcampionato de División de Honra na tempada 2008/09, na SIR os Vacceos remataron no 5º posto. A Liga Superibérica non tivo máis edicións.

Palmarés[editar | editar a fonte]

Competicións nacionais[editar | editar a fonte]

Posición do Club de Rugby El Salvador nas competicións nacionais dende 1970
Categoría 2013 12 11 10 09 08 07 06 05 04 03 02 01 00 99 98 97 96 95 94 93 92 91 90 89 88 87 86 85 84 83 82 81 80 79 78 77 76 75 74 73 72 71 70
Div.Honra 4 7 3 1 2 1 1 2 2 1 1 2 7 2 5 1 9 6 3 7 6 1 2 5 3 8 3 2 2
Div.HonraB
1ªNacional 1 2 1 6 3 2 3 2 3
Copa 2 1 2 1 1 1 2 1 1 2

A División de Honra comezou a disputarse en 1970. Trala tempada 1972-73, El Salvador deixou a competición ligueira por problemas económicos. A División de Honra B existe dende a tempada 1998-99. Anteriormente a Primeira Nacional era a 2ª División do rugby español. A Primeira División Nacional existe dende a tempada 1972-73. Naceu como o 2º nivel do rugby español, e dende a tempada 1998-99 é o 3º. A final de copa de 1971 foi a primeira final que disputou El Salvador.

Tempadas completadas en División de Honra

Categoría sénior[editar | editar a fonte]

De seguido figura o palmarés oficial do primeiro equipo sénior masculino do club en competicións oficiais ó longo da súa historia, baixo as varias denominacións coas que ten competido:

Trofeos de liga e copa.
  • Copa do Rei de rugby: 6 títulos.
    • 1ª posición: 1992/93, 1998/99, 2004/05, 2005/06, 2006/07, 2010/11
    • 2ª posición: 1970/71, 1999/00, 2007/08, 2011/12

Competicións europeas[editar | editar a fonte]

O Club de Rugby El Salvador é o equipo español cun maior número de participacións nas competicións europeas. Malia todo, nunca participou na máxima competición europea, a Heineken Cup, reservada para equipos ingleses, franceses, galeses, escoceses, irlandeses e italianos; nin foi quen de clasificarse nunca para uns cuartos de final das outras competicións continentais secundarias. A primeira das súas participacións foi na tempada 2003/04, na que primeiro disputou a fase previa da European Challenge Cup, sendo eliminado, polo cal disputou a European Shield, na que tampouco tivo éxito.

Competición Títulos 2012 11 10 09 08 07 06 05 04 03 02 01 00 99 98 97 96
H bianca su verde.png Heineken Cup -
Competición Títulos 2012 11 10 09 08 07 06 05 04 03 02 01 00 99 98 97 96
Silver Dish.png Challenge Cup 0 g g g p
Competición Títulos 2012 11 10 09 08 07 06 05 04 03 02 01 00 99 98 97 96
The gold cup.gif European Shield 0
  • ⅛ = Oitavofinalista; g = Caeu na fase de grupos; p = Caeu nunha fase previa á competición.

Tempada actual[editar | editar a fonte]

España División de Honra — Tempada 2013/14
Posto Equipo Puntos Xogados Gañ. Emp. Per. PF PC BO BD
1º. Castela e León VRAC 80 21 16 0 5 563 410 14 2
2º. Castela e León El Salvador 73 21 15 0 6 599 389 10 3
3º. Comunidade de Madrid Cisneros 73 21 15 0 6 622 476 11 2
4º. Cantabria Independiente 66 21 14 0 7 575 488 10 4
5º. Comunidade de Madrid Atlético 59 21 11 0 10 537 498 9 6
6º. Flag of the Basque Country.svg Getxo 56 21 11 0 10 490 421 5 7
7º. Flag of the Basque Country.svg Ordizia 55 21 11 0 10 498 504 6 5
8º. Cataluña Santboiana 53 21 10 0 11 463 540 8 5
9º. Flag of the Basque Country.svg Gernika 45 21 8 0 13 488 512 9 4
10º. Flag of the Basque Country.svg Hernani 40 21 8 0 13 437 602 4 4
11º. Galicia Vigo 32 21 6 0 15 461 660 4 4
12º. Andalucía Ciencias 22 21 2 0 19 388 621 4 10
Cada encontro gañado (Gañ.) supón 4 puntos para a clasificación, e cada empate (Emp.) outros 2. Os puntos bonus ofensivos (BO) acádanse cada vez que un equipo anota 4 ensaios ou máis nun encontro, mentres que os puntos bonus defensivos (BD) acádanse cando o equipo perde un encontro por 7 puntos de diferenza ou menos. Estes puntos bonus engádense ós acadados polas vitorias ou empates. PF - Puntos anotados ou a puntos a favor. PC - Puntos encaixados ou puntos en contra.

<<<< 2012/13 — Tempadas — 2014/15 >>>>


En azul      as posicións que clasifican para semifinais (1º e 2º).
En verde      as posicións que clasifican para cuartos de final (3º, 4º, 5º e 6º).
En rosa      a posición de promoción de permanencia (11º).
En vermello      a posición de descenso directo (12º).


Cuartos de final Semifinais Final
              
     
     
       
       
        
  
       
     
       
       
       

Xogadores[editar | editar a fonte]

A seguinte táboa amosa os xogadores que formaron parte do primeiro equipo do El Salvador na tempada 2012-13.[1]

Xogadores do CR El Salvador.
Club de Rugby El Salvador
Xogadores do primeiro equipo Corpo técnico
  • España Manuel Serrano — 1ªL
  • España Marcial Castro — 1ªL
  • España Sergio Castro — 1ªL
  • España Jorge Fuentes — 1ªL
  • España José María Sanz — 1ªL
  • España Javier Miranda — 1ªL
  • España Josué Díez — 1ªL
  • España Luis del Moral — Tal
  • España Daniel Marrón — Tal
  • España Íñigo San José — Tal
  • España Fernando Glez. Altes — 2ªL
  • España Álvaro Torres — 2ªL
  • España Rodrigo Vilahoz — 2ªL
  • España Marcos Raposo — 3ªL
  • España Víctor Sánchez — 3ªL
  • Flag of Colombia.svg Alejandro Ángel — 3ªL
  • España Gerardo de la Llana — 3ªL
  • España Alfonso Martínez — 3ªL
  • Flag of Samoa.svg Joe Mamea — 3ªL
  • España Pelayo Ramos — Med
  • España Álvaro Gorostiza — Med
  • España Salé Ibarra — Ape
  • Flag of Argentina.svg Hugo Carrizo — Ape
  • España Jorge Medina — Ape
  • España Manuel Raposo — Cen
  • España Óscar Casado — Cen
  • España Víctor Mantilla — Cen
  • Inglaterra Johny Carter — Cen
  • España Eduardo Fdez. Lamela — Á
  • Flag of New Zealand.svg Jaike Carter — Á
  • España Pedro Rodríguez — Á
  • España Alberto Díaz — Zag
  • Inglaterra Tom Pearce — Zag
  • España César Sempere — Ape, Zag



Adestrador
  • Juan Carlos Pérez

Lenda:
  • 1ªL - Primeira liña
    Tal - Talonador
    2ªL - Segunda liña
    3ªL - Terceira liña
    Med - Medio de melé
    Ape - Apertura
    Á - Á
    Cen - Centro
    Zag - Zagueiro

Data: 3 de outubro de 2012
Fontes: Xogadores do CR El Salvador

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Outros artigos[editar | editar a fonte]