Liga Superibérica

Na Galipedia, a Wikipedia en galego.

A Liga Superibérica foi unha liga española de rugby creada en 2009 co propósito de ter por vez primeira unha competición profesional deste deporte en España. Baseada nun sistema de franquías, e tomando como modelo o deporte profesional americano, a liga estivo composta por seis equipos, que cedían os seus dereitos á empresa Steelman Sport, que era a encargada de xestionar a comercialización da Liga. Foi unha competición que coexistiu coa División de Honra.

Nacemento da Liga Superibérica[editar | editar a fonte]

O primeiro concepto da competición era que fose unha liga pechada, 100% profesional, na que competisen 10 equipos de España, Portugal e Xibraltar. A competición iniciaríase a mediados de abril para non coincidir coas datas da División de Honra, e remataría a comezos de xullo.

Historia[editar | editar a fonte]

A primeira e única edición celebrouse en 2009, desputándose o encontro inaugural o 24 de abril dese ano. Nel enfrontáronse Vacceos Cavaliers e La Vila Mariners. Tras un nacemento un pouco accidentado pola ausencia das franquías portuguesas e da xibraltareña, coas que se contaba para esa tempada inaugural, a tempada desenvolveuse dun xeito inesperado polos bos resultados que tiveron os Mariners, proclamándose xustos vencedores da fase regular da liga, tras vencer a case que tódolos favoritos ao título. Na final a 4 celebrada no Estadio Teresa Rivero de Madrid, enfrontáronse as franquías de Euskadi, Madrid e Cataluña xunto cos gañadores da fase regular. Logo dunhas boas semifinais, nas que os catro equipos tiveron opcións ate o remate dos encontros para clasificarse para a final, conseguiron pasar á mesma o equipo valenciano de La Vila Mariners e os Gatos de Madrid. A final rematou cun empate a 28, saíndo campións os madrileños por ter acadado un maior número de ensaios. A final foi presenciada por arredor de 5.000 persoas e retransmitida en directo por Canal +.

Sistema de competición[editar | editar a fonte]

O sistema de competición foi unha liga regular a dúas voltas (partidos de ida e volta) de 6 equipos cunha final a 4 (ao estilo da Euroliga en baloncesto). Este sistema deu de si un total de 10 xornadas de liga regular mais as semifinais, o encontro polo 3º e 4º posto e a final, sumando un total de 34 encontros.

Sistema de puntuación[editar | editar a fonte]

  • Cada vitoria suma 4 puntos.
  • Cada empate suma 2 puntos.
  • Catro ensaios nun partido suma 1 punto de bonus.
  • Perder por unha diferencia de sete puntos ou inferior suma 1 punto de bonus.

Ascensos e descensos[editar | editar a fonte]

Non existían ascensos nin descensos de categoría ao ser unha liga de franquías pechada.

Franquías[editar | editar a fonte]

As franquías, deberanse axustar a uns requirimentos de admisión, formándose unha Xunta Xeral por parte dos clubs, xogadores e adestradores. Os equipos eran de 35 xogadores, sendo 10 profesionais cun soldo mínimo preestablecido pola organización, debéndose achegar á SIR a copia dos contratos. Por outra banda, establecerase un límite salarial dun millón de euros brutos e os estadios debían ter cabida como mínimo para 3.000 seareiros. O gañador acadou un premio en metálico.

Franquías participantes[editar | editar a fonte]







Estas foron as franquías participantes na Liga Superibérica 2009:

CarteEspagne.svg
Gatos
Equipo País Sede
Basque Korsarioak País Vasco País Vasco Donostia (Guipúscoa)
Catalunya Blaus Almogàvers Cataluña Cataluña Sant Boi de Llobregat
Gatos de Madrid Madrid Comunidade de Madrid Madrid
La Vila Mariners Comunidade Valenciana Comunidade Valenciana La Joiosa
Sevilla FC Andalucía Rugby Andalucía Andalucía Sevilla
Vacceos Cavaliers Castela e León Castela e León Valladolid

Edición 2010[editar | editar a fonte]

Durante os meses posteriores ó remate da primeira edición, fixéronse xestións para que a SIR medrase con 2 franquías portuguesas, de Lisboa e Porto, e cunha franquía do Campo de Xibraltar. A Federación Española de Rugby nunca foi favorable a este torneo, sendo inflexible á hora de negociar os calendarios para non solapar a División de Honra coa SIR. Finalmente tampouco houbo acordos económicos, nin de colaboración por parte dalgúns clubs, de xeito que a competición foi suspendida.

En 2011 houbo novamente conversas ó respecto, para facelo intento de resucitar á SIR, pero sen acadar ningún éxito.

Resultados[editar | editar a fonte]

Tempada regular
Equipo Puntos Xogados Gañados Empates Perdidos Bonus
1 Flag of the Valencian Community (2x3).svg Mariners 36 10 7 1 2 6
2 Comunidade de Madrid Gatos 33 10 7 0 3 5
3 Flag of the Basque Country.svg Korsarioak 31 10 6 1 3 5
4 Cataluña Almogavers 21 10 4 0 6 5
5 Castela e León Vacceos 16 10 3 0 7 4
6 Andalucía Cartujanos 9 10 2 0 8 1
A vitoria vale 4 puntos e o empate 2. Os bonus, de un punto cada un, danse por conseguir 4 ensaios ou máis, e por perder por 7 puntos ou menos.
Semifinais
Mariners 36 - 20 Almogavers 3 de xullo de 2009Estadio Teresa Rivero, Madrid
Asistencia: 2.150 espectadores
Árbitro: Pedro Montoya
 
Gatos 28 - 9 Korsarioak 3 de xullo de 2009Estadio Teresa Rivero, Madrid
Asistencia: 3.350 espectadores
Árbitro: Paulo Lameirão
 
Final
Mariners 28 - 28* Gatos 5 de xullo de 2009Estadio Teresa Rivero, Madrid
Asistencia: 5.300 espectadores
Árbitro: Félix Villegas
 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]