División de Honra de Rugby 2011-2012

Na Galipedia, a Wikipedia en galego.
División de Honra de Rugby
Fundación 1953
Rexión España España
Equipos 10
Actual campión Club de Rugby La Vila (2010-11)
Organizador Federación Española de Rugby
Sitio web www.ferugby.com

A tempada 2011-2012 da Liga Española de rugby (División de Honra de Rugby) foi a edición número 45 da máxima categoría do rugby en España. A fase regular estivo composta por 18 xornadas nas que os 10 equipos enfrontáronse todos entre si dúas veces, unha como local e outra como visitante. Nesta tempada, o campión da liga decidiuse por vez primeira polo sistema dos play offs, como se facía en tódalas grandes ligas de rugby do mundo. Así pois, os 6 equipos que remataron a tempada regular nos primeiros postos da táboa, enfrontáronse entre si nas eliminatorias polo título de liga 2011-2012. Os 2 primeiros acadaron o pase directo para xogar as semifinais, e os equipos que rematen 3º, 4º, 5º e 6º tiveron que disputar entre si dúas eliminatorias de cuartos de final.

Esta edición da liga española de rugby foi a derradeira con 10 equipos. O equipo que rematou na última posición tivo que disputar unha eliminatoria pola permanencia co 3º clasificado da División de Honra B.

O Club de Rugby La Vila era o encargado de defende-lo título acadado na tempada 2010-11. Os últimos equipos ascendidos á categoría eran o campión de 1993, Getxo Rugby Taldea, e por vez primeira un equipo galego, o Vigo Rugby Club; que ocuparon as prazas dos descendidos CAU Valencia e Bera Bera RT.

Equipos[editar | editar a fonte]

C Alcobendas R
Alcobendas
Las Terrazas
Tempadas:10ª. Títulos:1.


CR Ciencias
Sevilla
La Cartuja
Tempadas:25ª. Títulos:2.


CR El Salvador
Valladolid
Pepe Rojo
Tempadas:28ª. Títulos:7.


Gernika RT
Gernika
Urbieta
Tempadas:7ª. Títulos:0.


Getxo RT
Getxo
Fadura
Tempadas:28ª. Títulos:1.


CR La Vila
La Vila Joiosa
El Pantano
Tempadas:4ª. Títulos:1.


Ordizia RE
Ordizia
Fernando Trevijano
Tempadas:7ª. Títulos:0.


UE Santboiana
Sant Boi de Ll.
Baldiri Aleu
Tempadas:43ª. Títulos:7.


Valladolid RAC
Valladolid
Pepe Rojo
Tempadas:21ª. Títulos:2.


Vigo RC
Vigo
Lagoas-Marcosende
Tempadas:1ª. Títulos:0.


Datas[editar | editar a fonte]

Xornada Data Encontro de Vigo RC
18 de setembro de 2011 Ordizia - Vigo
25 de setembro de 2011 Vigo - Gernika
2 de outubro de 2011 Vigo - Santboiana
16 de outubro de 2011 El Salvador - Vigo
23 de outubro de 2011 Vigo - Getxo
30 de outubro de 2011 Alcobendas - Vigo
6 de novembro de 2011 Vigo - Ciencias
13 de novembro de 2011 La Vila - Vigo
27 de novembro de 2011 Vigo - VRAC
Xornada Data Encontro de Vigo RC
10ª 4 de decembro de 2011 Vigo - Ordizia
11ª 8 de xaneiro de 2012 Gernika - Vigo
12ª 22 de xaneiro de 2012 Santboiana - Vigo
13ª 26 de febreiro de 2012 Vigo - El Salvador
14ª 3 de marzo de 2012 Getxo - Vigo
15ª 11 de marzo de 2012 Vigo - Alcobendas
16ª 1 de abril de 2012 Ciencias - Vigo
17ª 8 de abril de 2012 Vigo - La Vila
18ª 15 de abril de 2012 VRAC - Vigo

Clasificación[editar | editar a fonte]

Tempada 2011-2012 da Liga Española de rugby
Posto Equipo Puntos Xogados Gañ. Emp. Per. Bonus+ Bonus-
1 Valladolid RAC 71 18 15 0 3 9 2
2 Ordizia RE 65 18 13 1 4 8 3
3 UE Santboiana 64 18 13 0 5 10 2
4 CR La Vila 53 18 10 2 6 8 1
5 Getxo RT 47 18 9 2 7 4 3
6 Gernika RT 47 18 9 0 9 7 4
7 CR El Salvador 45 18 9 0 9 7 2
8 CR Ciencias 31 18 5 0 13 6 5
9 Vigo Rugby Club 22 18 2 0 16 7 7
10 C Alcobendas R 18 18 2 1 15 5 3
A vitoria vale 4 puntos e o empate 2. Os bonus, de un punto cada un, danse por conseguir 4 ensaios ou máis, e por perder por 7 puntos ou menos.

<<<< 2010/11 — Tempadas — 2012/13 >>>>

Xa se disputaron as 18 xornadas da liga regular
  • En azul, os equipos que acadaron o pase directo ás semifinais polo título.
  • En verde, os postos 3º, 4º, 5º e 6º que xogarán os cuartos de final.
  • En rosa, o ultimo da táboa, que loitará pola permanencia nunha eliminatoria de promoción fronte ó 3º clasificado da División de Honra B.
Equipo 1 2 3 4 5 6 7 8 9 10 11 12 13 14 15 16 17 18
1 Valladolid RAC 4 5 10 14 19 23 24 29 34 34 39 43 48 52 57 62 66 71
2 Ordizia RE 4 5 10 14 19 23 27 28 33 38 38 43 45 50 55 60 61 65
3 UE Santboiana 1 5 10 15 20 25 30 35 36 41 46 50 50 55 55 59 64 64
4 CR La Vila 5 8 13 13 13 13 14 18 22 26 31 34 39 43 43 43 48 53
5 Getxo RT 1 3 4 5 9 9 13 17 21 26 27 27 29 33 38 38 42 47
6 Gernika RT 4 9 14 14 18 19 24 24 24 29 34 35 40 40 45 46 47 47
7 CR El Salvador 0 4 4 9 9 13 14 19 24 25 25 25 30 30 30 35 40 45
8 CR Ciencias 5 6 6 10 10 12 12 12 12 12 16 21 23 24 24 29 29 31
9 Vigo Rugby Club 1 1 2 2 3 4 9 9 10 10 10 11 13 14 19 20 21 22
10 C Alcobendas R 0 4 5 5 6 11 11 11 11 11 12 14 14 15 16 16 16 18
Fonte: www.ferugby.com
Eliminatorias
Final
Competición División de Honra
Tempada 2011-12
Estadio Pepe Rojo (Valladolid)
Capacidade 6.500
Campión VRAC
Finalista Ordizia RE
Resultado 27 - 10
Campión


Finalista


Cuartos de Final Semifinais Final
 29/4/12 - La Vila Joiosa    6/5/12 - Valladolid      18:00h. 12/5/12 - Valladolid
 Valladolid RAC  55
 CR La Vila  14
 Getxo RT  25  
 Getxo RT  18  
 6/5/12 - Ordizia  Valladolid RAC  27
 29/4/12 - Sant Boi de Llobregat
   Ordizia RE  10
 UE Santboiana  3
 Gernika RT  22  
 Gernika RT  33  
 Ordizia RE  38  
Final

Nesta tempada aplicouse por vez primeira o formato de playoffs polo título. Os dous equipos que chegaron á final foron os dous primeiros clasificados da liga regular, VRAC e Ordizia RE, despois de eliminar nas semifinais a Getxo RT e Gernika RT respectivamente.

A final disputouse no campo do VRAC, o estadio Pepe Rojo de Valladolid, por ser, dos dous equipos finalistas, o que rematara por diante na táboa. O VRAC viña de rematar 1º na liga regular, mentres que o Ordizia RE viña de acadar en abril a súa primeira Copa do Rei.

O Ordizia RT adiantouse no taboleiro no minuto 5 cun golpe de castigo anotado polo seu apertura australiano Danny Kroll. O VRAC púxose por diante no minuto 20 grazas ó ensaio acadado en xogada individual polo apertura neocelandés Daniel Waenga, quen non foi capaz de anotar a transformación, deixando o resultado en 5-3 para os queseros. O segundo ensaio do VRAC chegou baixo paus no minuto 29, nunha xogada individual do zagueiro arxentino-galego Ignacio Gutiérrez Müller, que Waenga transformou poñendo o 12-3 co que se chegou ó descanso.

Na segundo metade Ordizia RE acurtou distancias cun ensaio do zagueiro Huxford no minuto 49, que transformou Kroll. Non obstante, a partir dese 12-10, o VRAC demostrou unha superioridade salientable, anotando 3 ensaios nos minutos 55, 63 e 77, deixando o resultado final nun 27-10 que non deixou ningunha dúbida da superioridade do equipo pucelano.

Esta foi a 3ª liga que gañaba o VRAC, tralas de 1999 e 2001.