Claude Monet

Na Galipedia, a wikipedia en galego.

Impresión, Sol nacente (1874).

Claude Monet tamén coñecido como Oscar-Claude Monet ou Claude Oscar Monet, nado o 14 de novembro de 1840 e finado o 5 de decembro de 1926, foi un pintor impresionista francés.

[editar] Traxectoria

Nos anos inmediatamente anteriores á guerra de 1870 un grupo de pintores, Monet, Camille Pissarro, Alfred Sisley e Pierre Auguste Renoir sitúanse ó marxe de calquera remedo das tendencias precedente e realizan unha nova pintura, que un crítico denominou despectivamente impresionismo, inspirándose no título dunha obra de Monet exposta en 1874, Impresión: Sol nacente.

Regatas en Argenteuil (1874). A xustaposición de pinceladas de distinta cor busca lograr que a retina compoña logo as verdadeiras tonalidades que conduza a un novo realismo.

Monet foi o pintor máis orixinal e principal representante das conquistas técnicas e estéticas do grupo. Sen os matices políticos ou sociais dos realistas, por medio dunha concepción estrictamente pictórica, Monet busca a realidade cromática e formal baixo os efectos da luz. Na base da súa arte está o desligarse do estudo de pintura, buscando o aire libre para pintar e o colorido claro; a luz transforma e altera as cores e tamén as propias formas, de tal xeito que a paisaxe e os seus elementos xurden como visións instantáneas que non se volverán repetir. Unha preocupación primordial para Monet vai ser o estudo dos reflexos da luz na auga, que ten unha consistencia real semellante á dos elementos reflectidos. Esta linguaxe acadou a súa maior pureza nos anos que pasou en Argenteuil (1872-1878).

Commons
Commons ten máis contidos multimedia sobre:
v • c • e
Impresionismo
Creadores Impression, Sunrise (Impression, soleil levant) (1872/1873)
Mecenas
Comerciantes
Outros artistas
Impresionismo
noutras artes
Véxase tamén Postimpresionismo
Traído desde "http://gl.wikipedia.org/wiki/Claude_Monet"
Ferramentas persoais